यूहन्‍ना 7:4 - कोन्छ्‌योककी सुङ

⁴ सी मी यम्‍बी खुरुङला ङो शेशी सिनी नो किवे, ती ति यिप्‍नी लाका मिकिवी। च्‍युच्‍युकी दुका लाकातिवा किवी सिसिन जम्‍बुलिङकी मीतिवा तेरीकी च्‍युच्‍युला ङो शे च्‍यी।” सिनी सिक्‍यासुङ।

यूहन्‍ना 7:4 Iomraidhean Croise

मत्ती 23:5

तिवी क्‍यावु तेरी लाकातिवा ति मीतिवाला छ्‍या देन्‍दुपला किवी। तिवा कोन्‍छ्‍योककी ठिमतिवा टिवु ति राकी नाङ्‍ला तुम्‍नी ग्‍येर्पु ग्‍येर्पु जोनी टली लोला ताङ लाक्‍पी लोला दोकिवी। तमा फिला कोन्‍दुप मज्‍यी लोला पोजर रिङ्‍बु रिङ्‍बु देन्‍गिवी।

मत्ती 4:6

“दोजो ख्‍युरुङ कोन्‍छ्‍योककी सेवु यिन्‍सिन देमा थुला छ्‍योङ्‍बाल ग्‍योप। कोन्‍छ्‍योककी सुङला दुक सिनी टि वे, ‘कोन्‍छ्‍योककी ख्‍योरो थोक्‍ला देवाच्‍येनकी लेन क्‍योलुप थुतिवाला क नङ्‍गिवी, तमा तिवी ख्‍युरुङला खोप्‍रे लाक्‍पाला जेनी ख्‍योरो काङ्‍बा दे खला दप मिज्‍यिवी।’”

मत्ती 6:16

“ख्‍यिराङ ङ्‍युङ्‍ने र्‍हुङ्‍गुप पेला खोनक्‍पुतिवा दोके ङो नक्‍पु जोनी मादे। तिवा मीतिवाला ङ्‍युङ्‍ने र्‍हुङ्‍गुप छ्‍या देन्‍दुपला ङो नक्‍पु जोनी देकिवी। ङ ख्‍यिराङला सिरिन, तिवी थोप गोवु छ्‍यक्‍तक ति गोमाला के थोम सिन्‍नी वे।

मत्ती 6:5

“ख्‍यिराङ मोपोर कितुप पेला खोनक्‍पुतिवी दोके माकी, तिवा मीतिवी थोङ्‍शी नोनी यहूदी छ्‍योखाङला ताङ मीतिवा बङी युकुप लामकी गारीला लानी मोपोर कितुप गा किवी। तुक क्‍यानी तिवाला थोप गोवु छ्‍यक्‍तक ति गोमाला राङ थोम सिन्‍नी वे।

लूका 6:45

मी ल्‍यामुकी खोरो सेमला ज्‍यकुप ताम्‍ङे ल्‍यामु नेमा ल्‍यामु राङ देन्गिवी, तमा मी दुक्‍टाकी खोरो सेमला ज्‍यकुप ताम्‍ङे टुक्‍टा नेमा दुक्‍टा राङ देन्गिवी। च्‍यिलासिसिन खोरो सेमला काङ क्‍येङ नोके, ती ति ख नेमा राङ लप्‍किवी।”

यूहन्‍ना 18:20

येशूकी “ङे मी तेरीकी मिङ्‍गाला राङ सिक्यायिन। ङे तेरी यहूदीतिवा जोम्बुप यहूदी छ्‍योखाङतिवा ताङ यहूदी ल्‍हङाङला नरी येन्‍देन लापिन। ङे काङ ताम्‍ङे साङ छ्‍याकला सि माक्‍या वे।

यूहन्‍ना 7:3

ती तप्‍की येशूकी नुपतिवी खोला “च्‍युच्‍यो, दी लुङ्‍बा क्‍युर ज्‍याक्‍नी यहूदिया लुङ्‍बाला फेप, तमा ते देतुप च्‍युच्‍युकी यम्‍बा लोमातिवी साङ च्‍युच्‍युकी क्‍यावु हलेवु लाकातिवा थोङ च्‍यी।

यूहन्‍ना 7:5

च्‍यिलासिसिन खोकी नुपतिवी साङ खो कोन्‍छ्‍योककी तङ्‍गुप यिन सिरुप ति तेपा माक्‍या नोक।