यूहन्‍ना 7:3 - कोन्छ्‌योककी सुङ

³ ती तप्‍की येशूकी नुपतिवी खोला “च्‍युच्‍यो, दी लुङ्‍बा क्‍युर ज्‍याक्‍नी यहूदिया लुङ्‍बाला फेप, तमा ते देतुप च्‍युच्‍युकी यम्‍बा लोमातिवी साङ च्‍युच्‍युकी क्‍यावु हलेवु लाकातिवा थोङ च्‍यी।

यूहन्‍ना 7:3 Iomraidhean Croise

मत्ती 12:46

येशूकी मी माङ्‍छ्‍योकला येन्‍देन नङ्‍यिन वोतुप पेला खोकी आमा ताङ नुपतिवा खो ताङ मुला ताम्‍ङे कितुप नोनी पाङ्‍ला लानी देनोक।

मर्कूस 3:21

ती ताम्‍ङे थोनी खोकी मिछाङतिवा खोला टि डोपला लेसुङ, च्‍यिलासिसिन मीतिवी “खोकी सेम थिला मिन्‍दुक।” सिनी सिक्‍यानोक।

मर्कूस 3:31

ती पेला येशूकी आमा ताङ नुपतिवा वानी पाङ्‍ला देनी मी च्‍यिक खोला कतोङ ताङ्‍सुङ।

लूका 8:19

ती ज्‍युक्‍ला येशूकी आमा ताङ नुपतिवा खोला ठेतुपला वानोक, यिने खाङ्‍बी नाङ्‍ला मी मङ्‍मु वोतुप तप्‍की तिवा खोकी चाला लेप माथुप।

लूका 8:20

तमा मी ललाइकी येशूला “गेकेनकी आमा ताङ नुपतिवा गेकेनला ठेतुप नोनी पाङ्‍ला लानी देन्‍नोक।” सिनी सिक्‍यासुङ।

यूहन्‍ना 2:2

येशू ताङ खोकी लोमातिवाला साङ ती जेन्‍दीला केच्‍या क्‍यानी खोतिवा ते राङ फेप्‍नोक।

यूहन्‍ना 6:60

ती ताम्‍ङे थोनी येशूकी लोमातिवी पर्ला बङीकी “दी सुङ याङ छासे कले नोक, सी हाक्‍को थुपुप्‍जा?” सिनी सिक्‍यासुङ।

यूहन्‍ना 6:66

खोकी तुक सुङ्‍गुप तप्‍की खोकी लोमातिवा बङीकी खोला क्‍युर ज्‍याक्‍नी ती पेला नेज्‍युन खोला तिङ माङ्‍या।

यूहन्‍ना 7:10

यिने येशूकी नुपतिवा तुछ्‍येनला गल्‍सिमा खो साङ मीतिवी हाक्‍माकोवा क्‍यानी ती तुछ्‍येनला फेप्‍सुङ।

यूहन्‍ना 7:4

सी मी यम्‍बी खुरुङला ङो शेशी सिनी नो किवे, ती ति यिप्‍नी लाका मिकिवी। च्‍युच्‍युकी दुका लाकातिवा किवी सिसिन जम्‍बुलिङकी मीतिवा तेरीकी च्‍युच्‍युला ङो शे च्‍यी।” सिनी सिक्‍यासुङ।

यूहन्‍ना 7:5

च्‍यिलासिसिन खोकी नुपतिवी साङ खो कोन्‍छ्‍योककी तङ्‍गुप यिन सिरुप ति तेपा माक्‍या नोक।

लोमा छ्‍येतिवी लाका 2:14

तमा पत्रुसकी लोमा छ्‍ये मिरा च्‍युच्‍यिक ताङ मुला खोक लानी थोर ग्‍यकिन सिरा तिवाला सिक्‍यासुङ, “ओ यहूदिया ताङ यरूशलेमला देतुप मीतिवा, ङे सिक्‍यावु ताम्‍ङे ङ्‍येन्‍नी हाक्‍कोवा की!