यूहन्‍ना 7:1 - कोन्छ्‌योककी सुङ

¹ ती ज्‍युक्‍ला येशू गालील लुङ्‍बाला राङ फार छुर युनी ज्‍युसुङ, च्‍यिलासिसिन यहूदीतिवी खोला सेतुप छलुप तप्‍की खो यहूदिया लुङ्‍बाला फेपुप नो माक्‍या।

यूहन्‍ना 7:1 Iomraidhean Croise

मत्ती 10:23

तिवी ख्‍यिराङला ग्‍येसा च्‍यिकला छेटाङ बिन्‍सिन ग्‍येसा यम्‍बाला टोनी ग्‍युक। वुतुङ के ङ ख्‍यिराङला सिरिन, ख्‍यिराङ इस्राएलकी ग्‍येसा तेरीला लेपुप सिनाङ गोमाला ङ मी पुज्‍युङ वुङ्‍गितो।

मत्ती 21:38

यिने ती पिज्‍यिङ्‍बातिवी ज्‍यिन्‍दाककी पुज्युङ वुङ्‍गुप थोङ्‍सिमा ‘दी याङ ज्‍यिन्‍दाककी अंश थोप छ्‍योवु यिन। दीला दाक्‍पु सेतुप, तमा दीला थोपुप अंश ति दाक्‍पु राङ लङ्‍गुप।’ सिनी खोप्‍राङ पर्ला सिक्‍यासुङ।

मर्कूस 11:18

ती ताम्‍ङे थोनी कोङ्‍यार छ्‍येतिवा ताङ यहूदी छ्‍योकी गेकेनतिवी चुक क्‍यानी खोला सेतुप सिनी च्‍यु छाल्‍सुङ। तिवा खोला ज्‍यिवा किनोक, च्‍यिलासिसिन मी मङ्‍मु खोकी येन्‍देनला हलेवा क्‍यासुङ।

यूहन्‍ना 1:19

यहूदीतिवी यरूशलेम नेसुर कोङ्‍यार छ्‍येतिवा ताङ लेवीतिवाला यूहन्‍नाकी चाला ताङ्‍नी तीला “ख्‍युरुङ सु यिन?” सिनी टि च्‍यिसुङ।

यूहन्‍ना 4:3

ती ताम्‍ङे हाक्‍कोनी येशू खोकी लोमातिवा ताङ मुला यहूदिया लुङ्‍बा क्‍युर ज्‍याक्‍नी येलुङ गालील लुङ्‍बाला लोक्‍नी फेपिन नोक।

यूहन्‍ना 4:54

दी त ति येशू यहूदिया नेसुर गालीलला लोङ फेप्‍सिमा छ्‍या तेन नङ्‍गुप हलेवु त ङ्‍यिवा यिन।

यूहन्‍ना 6:1

ती ज्‍युक्‍ला येशू गालील ग्‍येम्‍छोकी फर्केन फेप्‍सुङ। ती ग्‍येम्‍छोला ति तिबेरियास ग्‍येम्‍छो साङ सिनोक।

यूहन्‍ना 7:11

ती तुछ्‍येनला यहूदी गोमा कितुप छ्‍येतिवी येशूला छोलिन सिरा “ती मी ति कनी नोक?” सिनी टिनोक।

यूहन्‍ना 7:13

यिने तिवा यहूदी गोमा कितुप छ्‍येतिवाला ज्‍यिवा लानी खोकी कोर्ला सी साङ मी मिङ्‍गाला ताम्‍ङे अला माक्‍या।

यूहन्‍ना 7:19

काङ मोशाकी ख्‍यिराङला कोन्‍छ्‍योककी नङ्‍गुप ठिम बिन्‍दुप मिन रो? यिने ख्‍यिरा पर्ला सु साङ ती ठिमला मेङ्‍येन्‍दिवी। ख्‍यिराङ च्‍यिला ङला सेतुपला छोल्‍गिवी?” सिनी सुङ्‍सुङ।

यूहन्‍ना 7:25

तमा यरूशलेमकी मीतिवा ललाइकी “यहूदी गोमा कितुप छ्‍येतिवी सेतुपला छोलुप ति दी राङ मिन रो?

यूहन्‍ना 7:35

तमा यहूदी गोमा कितुप छ्‍येतिवा खोप्‍राङ नाङ्‍ला च्‍यिककी च्‍यिकला “ला, दी मी ति कनी डोप नो किताङ? दीला दाक्‍पी ठे मुथुपी सिरुप ति काङ यिनाङ? काङ दी मी ति ग्रीककी लुङ्‍बाला टम्‍नी देतुप यहूदीतिवी पर्ला गल्‍नी येन्‍देन तेरुप नो किते की?

यूहन्‍ना 8:37

ख्‍यिराङ अब्राहामकी गिपा यिन सिरुप ति ङला छ्‍या वे। यिन्‍सिनाङ ख्‍यिरा ङला सेतुप छोल्‍गिवी, च्‍यिलासिसिन ङे सिक्‍यावु ताम्‍ङे ति ख्‍यिरा सेमला मोज्‍योकिवी।

यूहन्‍ना 8:40

ङे ख्‍यिराङला कोन्‍छ्‍योक नेमा थोवु सुङ टेङ्‍बु ति सिक्‍यायी, यिन्‍सिनाङ ख्‍यिरा ङला सेतुप छोल्‍गिनोक। अब्राहामकी याङ तुकै माक्‍या।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।