यूहन्‍ना 5:3 - कोन्छ्‌योककी सुङ

³ ती दलानला मिक शर्वातिवा ताङ थेङ्‍बातिवा ताङ लाक्‍पा काङ्‍बा शोरुपतिवा ताङ नेर्पुतिवा बङी ङ्‍यिलोक्‍नी देनोक। तिवा तेरी ती चो ति नम पेला योकिते सिनी गुनी देकिनोक।

यूहन्‍ना 5:3 Iomraidhean Croise

मत्ती 15:30

ते मी माङ्‍छ्‍योककी थेङ्‍बा ताङ मिक मोथोङ्‍गुप ताङ काङ्‍बा लाक्‍पा शोरुप ताङ वोन्‍बातिवा ताङ यम्‍बा नेजु वोतुपतिवा बङीला खोकी दोङ्‍ला टि वासुङ, तमा खोकी तिवा तेरीला टेक च्‍यिसुङ।

मत्ती 4:24

तुक क्‍यानी सिरियाकी लुङ्‍बा तेरीला येशूकी कोर्ला ताम्‍ङे टाम्‍सुङ। तमा मीतिवी नेर्पु नम्‍बा बङीतिवा ताङ छासे सुक कितुपतिवा ताङ डे ग्‍यपुपतिवा ताङ जा लावुतिवा ताङ काङ्‍बा लाक्‍पा शोरुपतिवा तेरीला खोकी चाला टि वासुङ। तमा खोकी तिवा तेरीला टेक च्‍यिसुङ।

लूका 7:22

यूहन्‍नाकी लोमातिवाला येशूकी दुक सुङ्‍सुङ, “ख्‍यिराङ गल्‍नी ख्‍यिरा काङ थोवु ताङ काङ थोङ्‍गुप ति यूहन्‍नाला सी। मिक मोथोङ्‍गुपतिवा थोङ्‍गिवी, थेङ्‍बातिवा युकिवी, जे ग्‍यपुप नेजु वोतुपतिवा टेकिवी, वोन्‍बातिवा थोकिवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।

यूहन्‍ना 5:2

ते यरूशलेम नाङ्‍ला लुककी गो सिरुप गे चाला चो च्‍यिक नोक। ती चोला ति हिब्रू ताम्‍ङेला बेथस्‍दा सिनी सिनोक, तमा ती चे गारी गुरीला कज्‍युकी खला थोक कपुप दलान ङ चोके नोक।

यूहन्‍ना 5:4

च्‍यिलासिसिन पर्चिक पर्चिक कोन्‍छ्‍योककी लेन क्‍योलुप थु ति ते वानी ती चो ति योकिनोक, तमा चो योसिमा सु गोमाला ती चे नाङ्‍ला शुकिवे, तीला चुकै राङ नेजु वोसिनाङ टेकिवी सिनी सिनोक।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

याकूब 5:7

ती तप्‍की अच्‍युनुपतिवा, ख्‍यिराङ ति चोवो येशू फेवु तुजे माछेवा सेक्‍ला हम क्‍यानी दे। ल्‍होसा, सप्‍ले कितुप मीकी सशिङकी गोङ नावु डुप्‍सेनला ल्‍येशी नोनी येर्वी छ्‍यर्वा ग्‍यक्‍ता सेक ताङ गुन्‍बी छ्‍यर्वा ग्‍यक्‍ता सेक हम क्‍यानी गु देकिवी।