यूहन्‍ना 4:9 - कोन्छ्‌योककी सुङ

⁹ तमा पुम्‍पेजा तीकी खोला “अच्‍यु ति यहूदी यिन, ङ ति सामरी पुम्‍पेजा यिन। चुक क्‍यानी अच्‍यी ङला छ्‍यु नाङ सिनी सुङ्‍गुप यिन?” सिनी सिक्‍यासुङ। (यहूदीतिवा सामरीतिवी मुला काङ साङ ख मिडिक्‍नोक।)

यूहन्‍ना 4:9 Iomraidhean Croise

मत्ती 10:5

येशूकी लोमा च्‍यिङ्‍ङीतिवाला दुक सिनी क नङ्‍नी ताङ्‍सुङ, “ख्‍यिराङ यहूदी मिन्‍दुप मिरिक यम्‍बाकी मीतिवी पर्ला माडो, तमा सामरीतिवी ग्‍येसाला साङ माडो।

लूका 10:33

यिने सामरी यी युक डोयी कितुप पेला ती मी वोतुप दासाला लेप्‍नी तीला थोङ्‍सिमा छासे ङ्‍यिङ्‍ज्‍ये लासुङ,

यूहन्‍ना 4:27

ती पेला राङ खोकी लोमातिवा लेसुङ, तमा येशूकी ती पुम्‍पेजा ताङ मुला ताम्‍ङे कियी वोतुप थोङ्‍नी तिवा छासे हलेवा लासुङ। यिन्‍सिनाङ तिवी नाङ ने सी साङ “गेकेनला काङ गोसुङ?” याङ्‍ना “च्‍यिला गेकेनकी ती पुम्‍पेजा ताङ मुला अरा उरा सुङ्‍गुप यिन?” सिनी येशूला माटी।

यूहन्‍ना 8:48

तमा यहूदीतिवी येशूला “ङ्‍यिरा ख्‍युरुङ सामरी यिन, तमा ख्‍युरुङला डे ग्‍यप्‍नोक सिनी सिक्‍यावु ति टेके मिन रो?” सिनी सिक्‍यासुङ।

लोमा छ्‍येतिवी लाका 1:8

यिने कोन्‍छ्‍योककी थु चाङ्‍मा ख्‍यिरा खला फेप्‍सिमा ख्‍यिरा ओङ ङ्‍येनी यरूशलेमला ताङ तेरी यहूदियाला ताङ सामरियाला ताङ जम्‍बुलिङकी दासा अन्‍तिम सेक्‍ला ख्‍यिरा ङे कोर्ला पङ्‍बु तेर्कितो।”

लोमा छ्‍येतिवी लाका 10:28

तिवाला सिक्‍यासुङ, “यहूदी मिन्‍दुप मिरिक यम्‍बाकी मीतिवी मुला ठेतुप ताङ तिवी दला शुकुप ति यहूदी ठिमला ल्‍यामु मिन सिरुप ताम्‍ङे ख्‍यिराङला साङ छ्‍या राङ वे। क्‍यासिनाङ कोन्‍छ्‍योककी ङला मी सुला साङ मेचेङ्‍गा यिन नो माकी सिनी सुङ वे।

लोमा छ्‍येतिवी लाका 10:32

ती तप्‍की पत्रुस सिरुप सिमोनला दे कतोङ्‍गुपला ख्‍योरो मीतिवा योप्‍पाला तोङ। ती ति ग्‍येम्‍छोकी गारीला क्‍वा चेम्‍बुप सिमोनकी खाङ्‍बा देनी वे।’ सिनी सुङ्‍सुङ।