यूहन्‍ना 4:3 - कोन्छ्‌योककी सुङ

³ ती ताम्‍ङे हाक्‍कोनी येशू खोकी लोमातिवा ताङ मुला यहूदिया लुङ्‍बा क्‍युर ज्‍याक्‍नी येलुङ गालील लुङ्‍बाला लोक्‍नी फेपिन नोक।

यूहन्‍ना 4:3 Iomraidhean Croise

मत्ती 10:23

तिवी ख्‍यिराङला ग्‍येसा च्‍यिकला छेटाङ बिन्‍सिन ग्‍येसा यम्‍बाला टोनी ग्‍युक। वुतुङ के ङ ख्‍यिराङला सिरिन, ख्‍यिराङ इस्राएलकी ग्‍येसा तेरीला लेपुप सिनाङ गोमाला ङ मी पुज्‍युङ वुङ्‍गितो।

मर्कूस 3:7

तेसुर येशू खोरे लोमातिवी मुला ग्‍येम्‍छो गारीला फेप्‍सालेन्‍सिन गालील लुङ्‍बा नेसुर मी माङ्‍छ्‍योक खोकी तिङ्‍ला तिङ्‍यासुङ।

लूका 17:11

तमा येशू यरूशलेम फेपिन कितुप पेला सामरिया ताङ गालील लुङ्‍बाकी सन्‍छम नेवा क्‍यानी फेप्‍सुङ।

यूहन्‍ना 1:43

ती सला तीला येशू गालील लुङ्‍बाला फेपुप सिनी तेन्‍तेन क्‍यासुङ। ती पेला खोकी फिलिप सिरुप मी यीला ठेनी तीला “ङे तिङ्‍ला तिङ्‍यो।” सिनी सुङ्‍सुङ।

यूहन्‍ना 10:40

तेसुर येशू येलुङ यर्दन चङ्‍बी फर्केन फेप्‍सुङ। ती दासा ति थल्‍माला यूहन्‍नाकी मीतिवाला बप्‍तिस्‍मा बिन्‍दुप दासा यिनोक। तमा खो ते राङ ज्‍युसुङ।

यूहन्‍ना 11:54

ती तप्‍की येशू येलुङ यहूदीतिवी पर्ला तेरीकी थोङ्‍गुप क्‍यानी अला मायु, यिने तेसुर एफ्राइम सिरुप युलला फेप्‍नी लोमातिवी मुला ते राङ ज्‍युसुङ। ती युल ति दासा पाङ्थेरीकी चाला ख्‍येल्‍गिनोक।

यूहन्‍ना 2:11

दी हलेवु त ति गालील लुङ्‍बाकी काना सिरुप ग्‍येसाला येशूकी थल्‍माला छ्‍या तेन्‍दुप त यिन। खोकी खोरुङला वोतुप मोवा ति छ्‍या तेन्‍सिमा खोकी लोमातिवी खोला तेपा क्‍यासुङ।

यूहन्‍ना 3:22

ती सुङ्‍सिमा येशू खोरो लोमातिवा ताङ मुला यहूदिया लुङ्‍बाला फेप्‍नी ते ङ्‍यिमा चेयी पर सेक ज्‍युनी मीतिवाला बप्‍तिस्‍मा नाङ्‍सुङ।

यूहन्‍ना 3:32

तमा खोकी देवाच्‍येन नेमा काङ थोङ्‍गुप ताङ काङ थोवु ति पङ्‍बु नङ्‍गिवी। यिन्‍सिनाङ सी साङ खोकी सुङ्‍गुप पङ्‍बुला तेपा मिकिवी।

यूहन्‍ना 4:47

ती मी छ्‍ये तीकी येशू यहूदिया नेसुर गालीलला फेम वे सिरुप ताम्‍ङे थोनी येशूकी चाला वानी, “गेकेन, ठाकुरे फेप्‍नी ङे पुज्‍युङला टेक च्‍यिनी।” सिनी खोला गोङ्‍बा शुसुङ। च्‍यिलासिसिन ती पेला तीकी पुज्‍युङ ति नानी शिला के नोक।

यूहन्‍ना 7:1

ती ज्‍युक्‍ला येशू गालील लुङ्‍बाला राङ फार छुर युनी ज्‍युसुङ, च्‍यिलासिसिन यहूदीतिवी खोला सेतुप छलुप तप्‍की खो यहूदिया लुङ्‍बाला फेपुप नो माक्‍या।