यूहन्‍ना 3:8 - कोन्छ्‌योककी सुङ

⁸ वुर्तुक ति खोरो नोवाला राङ ग्‍यकिवी। ख्‍योरो वुर्तुक ग्‍यपुप वोरु ति थोकिवी, यिने ती वुर्तुक कनी नेसुर वावु ताङ कनिवा डिवी सिरुप ति हाक्‍मोकोवी। कोन्‍छ्‍योककी थु चाङ्‍मा नेमा क्‍येवु मी ति तेरी तुकै राङ यिन।”

यूहन्‍ना 3:8 Iomraidhean Croise

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 3:7

तुक क्‍यानी ङे ख्‍युरुङला लोङ क्‍ये गोकिवी सिनी सिक्‍यावु ताम्‍ङेला हलेवा माकी।

यूहन्‍ना 3:9

तमा निकोदेमसकी येशूला “ला! चुक क्‍यानी तुकै वुङ थुप्‍किवी रो?” सिनी टिसुङ।

लोमा छ्‍येतिवी लाका 2:2

ती पेला शार्क्येक देवाच्‍येन नेमा वोरु यी वावु तिवी थोसुङ। ती वोरु ति कशेन लुङ ग्‍येर्पुकी वोरु दोके नोक। तमा तिवा देन वोतुप खाङ्‍बा तिरुङ क्‍येङ्‍सुङ।

लोमा छ्‍येतिवी लाका 4:31

तुक सिनी मोपोर क्‍यान सिन्‍सिमा तिवा देतुप दासाला सयी ग्‍यपुप दोके क्‍यानी योसुङ। तमा तिवा तेरी कोन्‍छ्‍योककी थु चाङ्‍माकी क्‍येङ्‍नी तिवी ङाडेङ क्‍यानी कोन्‍छ्‍योककी सुङ ख्‍याप्‍टाक क्‍यासुङ।

१ कोरिन्‍थी 12:11

यिने तेरी लाका कितुप ति कोन्‍छ्‍योककी थु चाङ्‍मा नेमा थोपुप यिन। ती कटिनकी ङ्‍येम्‍बातिवा ति खोकी नोवाला वोतुपतिवा तेरीला नङ्‍गिवी।

१ कोरिन्‍थी 2:11

मी नोवाला वोतुप ताम्‍ङेतिवा ति खोरो सेमगी राङ हाक्‍कोकिवी। ती दोके कोन्‍छ्‍योककी नोवाला वोतुप ताम्‍ङेतिवा तेरी खोकी थु चाङ्‍माकी मिसिन सी साङ हाक्‍को मुथुपी।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।