यूहन्‍ना 3:6 - कोन्छ्‌योककी सुङ

⁶ जु नेमा क्‍येवु ति जु यिन, यिने कोन्‍छ्‍योककी थु चाङ्‍मा नेमा क्‍येवु ति थु यिन।

यूहन्‍ना 3:6 Iomraidhean Croise

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 3:7

तुक क्‍यानी ङे ख्‍युरुङला लोङ क्‍ये गोकिवी सिनी सिक्‍यावु ताम्‍ङेला हलेवा माकी।

रोमी 7:18

तुक क्‍यानी दी ताम्‍ङे ति ङला छ्‍या वे। ङे मिजीला ताम्‍ङे ल्‍यामु काङ साङ मे। च्‍यिलासिसिन काङ ल्‍यामु नोके ती लाका ति कितुप सिनी ङे नोक्‍यासिनाङ ती ति ङे कि मुथुपी।

रोमी 7:25

कोन्‍छ्‍योकला थुचिछे बुलिन, च्‍यिलासिसिन खोकी दाक्‍पी चोवो येशू ख्रीष्‍ट नेसुर ङला शेप ने थर ज्‍यिकिवी। ती तप्‍की ङ ङे सेमला ति कोन्‍छ्‍योककी ठिमला शब्‍ज्‍यी बुलिन, यिने ङे दिक्‍पी किताङ नालु तीकी दिक्‍पाकी ठिमला शब्‍ज्‍यी किवी।

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

१ कोरिन्‍थी 6:17

यिने चुका मी ति चोवो येशू ताङ मुला च्‍यिक्‍पा राङ च्‍युङ्‍गिवे, ती मी ति खोकी थु चाङ्‍मा ताङ मुला च्‍यिक्‍पा राङ च्‍युङ्‍गिवी।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

गलाती 5:24

सु येशू ख्रीष्‍टकी सुङला युकिवे, तीकी दिक्‍पाकी किताङ नालु ताङ नोवातिवा खोरो जु ताङ मुला राङ ग्‍यङ्‍शिङला कल वे।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

१ यूहन्‍ना 3:9

कोन्‍छ्‍योककी पुज्‍युङ पुमतिवा सी साङ दिक्‍पा मिकिवी। च्‍यिलासिसिन खोकी सुङ ति तिवी मुला गिवी। तिवा खोकी पुज्‍युङ पुमतिवा यिन्‍दुप तप्‍की दिक्‍पा क्‍या क्‍यावा मेदेवी।