यूहन्‍ना 3:5 - कोन्छ्‌योककी सुङ

⁵ तमा येशूकी तीला सुङ्‍सुङ, “वुतुङ के ङ ख्‍युरुङला सिरिन। छ्‍यु ताङ कोन्‍छ्‍योककी थु चाङ्‍मा नेमा माक्‍येसुङ सिसिन सु साङ कोन्‍छ्‍योककी ग्‍येल्‍खापला शुक मुथुपी।

यूहन्‍ना 3:5 Iomraidhean Croise

मत्ती 18:3

तिवाला दुक सुङ्‍सुङ, “ङ ख्‍यिराङला टेङ्‍बो सिरिन, ख्‍यिराङ सेम ग्‍युर्नी आङा टिक्‍पेतिवा दोके माच्‍युङ्‍सुङ सिसिन देवाच्‍येनकी ग्‍येल्‍खापला नाम्‍साङ शुक मुथुपी।

मत्ती 19:24

येलुङ ङ ख्‍यिराङला सिरिन, मी छ्‍युक्‍पुतिवा कोन्‍छ्‍योककी ग्‍येल्‍खापला शुकुप सिनाङ सेम्‍ज्‍येन वोङ्‍मु ति खपकी मिरु नाङ्‍ला शुकुप ति मङ जोल्‍हमु गिवी।”

मत्ती 21:31

ख्‍यिरा नासामला ती पुज्‍युङ पिन ङ्‍यीकी नाङ्‍ला चुका तीकी पपी नोवाला वोतुप ति क्‍यासुङ?” तिवी “पुज्‍युङ छ्‍ये तीकी।” सिनी सिक्‍यासुङ। तमा खोकी तिवाला सुङ्‍सुङ, “वुतुङ के ङ ख्‍यिराङला सिरिन। से दुतुपतिवा ताङ छ्‍येमुतिवा ख्‍यिराङ सिनाङ गोमाला कोन्‍छ्‍योककी ग्‍येल्‍खापला लेप्‍किवी।

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

मत्ती 5:20

तुक क्‍यानी ङ ख्‍यिराङला सिरिन, ख्‍यिराङ ति फरिसी छोक्‍पाकी मीतिवा ताङ यहूदी छ्‍योकी गेकेनतिवी सिनाङ मङ टेङ्‍बु मेसुङ सिसिन देवाच्‍येनकी ग्‍येल्‍खापला शुकुप मेङ्‍येवी।”

मर्कूस 10:14

येशूकी ती थोङ्‍सिमा ङ्‍यिर्मु क्‍यानी लोमातिवाला सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दिवा च्‍यिन्‍दैकी ति यिन।

मर्कूस 16:16

सी तेपा क्‍यानी बप्‍तिस्‍मा लङ्‍गिवे, तिवा दिक्‍पा ने थर्वा ङ्‍येकिवी। यिने सी तेपा मिकिवे, तीला पर्च्या फोकिवी।

मर्कूस 9:47

लोङ ख्‍योरो मिककी ख्‍युरुङला दिक्‍पा कि ज्‍यिसिन ती मिक ति तेन्‍नी क्‍युर। मिक ङ्‍यी वोनी ङ्‍येलाला डोप सिनाङ बोरु मिक च्‍यिक वोनी देवाच्‍येनला डोप ति ल्‍यामु यिन।

लूका 13:24

“गच्‍चा वोतुप गो नेमा शुकुपला हुर्ताक की। ङ ख्‍यिराङला सिरिन, मी बङी ती नाङ्‍ला शुकुप छल्‍सिनाङ शुक मुथुपी।

लूका 13:3

तुकै मिन। ङ ख्‍यिराङला सिरिन, ख्‍यिराङ साङ दिक्‍पा ने सेम माग्‍युर्सुङ सिसिन तुक राङ क्‍यानी तेरी ना डिवी।

लूका 13:5

तुकै मिन। ङ ख्‍यिराङला सिरिन, ख्‍यिराङ साङ दिक्‍पा ने सेम माग्‍युर्सुङ सिसिन तुक राङ क्‍यानी तेरी ना डिवी।”

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 3:3

तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

यूहन्‍ना 3:4

निकोदेमसकी खोला “मी गावा गल्‍सिमा चुक क्‍यानी क्‍ये थुप्‍किवी रो? काङ आमी खोकला शुनी येलुङ क्‍येकिवी रो?” सिनी टिसुङ।

लोमा छ्‍येतिवी लाका 2:38

तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।

लोमा छ्‍येतिवी लाका 3:19

ती तप्‍की ‘ङ दिक्‍छेन यिनोक’ सिनी सेम ग्‍युर्नी कोन्‍छ्‍योककी थाकाला ग्‍युर! तुक क्‍यासिन खोकी ख्‍यिरा दिक्‍पा ता च्‍यिनी लोदिमु नङ्‍गिवी।

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 15:50

अच्‍युनुपतिवा, ङ ख्‍यिराङला दी ताम्‍ङे ति सिरिन। श ताङ ठकला वोतुप दाक्‍पी जु ति कोन्‍छ्‍योककी ग्‍येल्‍खापला डो मुथुपी। तमा शिनी रुल डोप जु तीकी नाम्‍साङ मिशिवु मिजी ङ्‍ये मुथुपी।

१ कोरिन्‍थी 2:12

त याङ दाक्‍पुला जम्‍बुलिङकी सेम थोपुप मिन, कोन्‍छ्‍योककी थु चाङ्‍मा थोपुप यिन। कोन्‍छ्‍योककी दाक्‍पुला नङ्‍गुप मोलाम ति ल्‍यामो क्‍यानी हाक्‍को ज्‍यितुपला खोकी दाक्‍पुला खोकी थु चाङ्‍मा नङ्‍गुप यिन।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

गलाती 6:15

च्‍यिलासिसिन ख्रीष्‍ट येशू नेसुर खक्‍छ्‍येवु मिजी सम्‍बा ङ्‍येसिमा यहूदी च्‍येतुप लुक्‍सु क्‍यासिनाङ माक्‍यासिनाङ काङ साङ ख्‍येप्‍साङ मे।

एफिसी 5:26

खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 3:21

ती छ्‍यु ति तन्‍दा ख्‍यिराङला साङ र्‍होकुप बप्‍तिस्‍माकी थोक्‍ला गोमाला के छ्‍या तेन्‍दुप त यिन। ती बप्‍तिस्‍मा ति जुकी टेमा शलुप मिन, यिने ख्‍यिरा सेम टेङ्‍बुकी कोन्‍छ्‍योक ताङ मुला थाक्‍छ्‍येतुप त यिन। च्‍यिलासिसिन कोन्‍छ्‍योककी येशू ख्रीष्‍टला टुङ्‍गुप नेसुर ङोसु लाङ्‍नी ख्‍यिराङला शेप ने थर च्‍यिसुङ।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।