यूहन्‍ना 3:3 - कोन्छ्‌योककी सुङ

³ तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

यूहन्‍ना 3:3 Iomraidhean Croise

मत्ती 16:17

तमा येशूकी तीला सुङ्‍सुङ, “योनाकी पुज्‍युङ सिमोन, ख्‍युरुङला मोलाम थोपुप यिनो। दी ताम्‍ङे ख्‍युरुङला हाक्‍को च्‍यितुप ति मीकी क्‍यावु मिन, यिने देवाच्‍येनला ज्‍यु वोतुप ङे पपी क्‍यावु यिन।

मत्ती 19:24

येलुङ ङ ख्‍यिराङला सिरिन, मी छ्‍युक्‍पुतिवा कोन्‍छ्‍योककी ग्‍येल्‍खापला शुकुप सिनाङ सेम्‍ज्‍येन वोङ्‍मु ति खपकी मिरु नाङ्‍ला शुकुप ति मङ जोल्‍हमु गिवी।”

मत्ती 21:31

ख्‍यिरा नासामला ती पुज्‍युङ पिन ङ्‍यीकी नाङ्‍ला चुका तीकी पपी नोवाला वोतुप ति क्‍यासुङ?” तिवी “पुज्‍युङ छ्‍ये तीकी।” सिनी सिक्‍यासुङ। तमा खोकी तिवाला सुङ्‍सुङ, “वुतुङ के ङ ख्‍यिराङला सिरिन। से दुतुपतिवा ताङ छ्‍येमुतिवा ख्‍यिराङ सिनाङ गोमाला कोन्‍छ्‍योककी ग्‍येल्‍खापला लेप्‍किवी।

मत्ती 5:18

वुतुङ के ङ ख्‍यिराङला सिरिन, देवाच्‍येन ताङ जम्‍बुलिङ तोर्नी मागल्‍वा सेक्‍ला ती ठिमला वोतुप छिक च्‍यिक साङ मातोर्नी तेरी छेकिवी।

मर्कूस 10:14

येशूकी ती थोङ्‍सिमा ङ्‍यिर्मु क्‍यानी लोमातिवाला सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दिवा च्‍यिन्‍दैकी ति यिन।

मर्कूस 9:47

लोङ ख्‍योरो मिककी ख्‍युरुङला दिक्‍पा कि ज्‍यिसिन ती मिक ति तेन्‍नी क्‍युर। मिक ङ्‍यी वोनी ङ्‍येलाला डोप सिनाङ बोरु मिक च्‍यिक वोनी देवाच्‍येनला डोप ति ल्‍यामु यिन।

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 1:5

ती वोसिर ति नक्‍तोमी वुङ्‍ला ग्‍यकिनोक, यिने ती नक्‍तोमीकी ती वोसिरला हाक्‍को माथुप।

यूहन्‍ना 1:51

तमा येशूकी तीला “वुतुङ के ङ ख्‍युरुङला टेङ्‍बो सिरिन, ख्‍योरो देवाच्‍येन सेङ्‍गुप ताङ देवाच्‍येनकी लेन क्‍योलुप थुतिवा ङ मी पुज्‍युङकी खला येर जेकुप ताङ मर पपुप थोङ्‍गितो।” सिनी सुङ्‍सुङ।

यूहन्‍ना 12:40

“कोन्‍छ्‍योककी तिवी मिक ति मोथोङ्‍गुप जो वे, तिवी सेम ति क्‍योङ्बु जो वे। तुक क्‍यानी तिवी मिककी मोथोङ्‍गिवी, सेमगी साङ हाक्‍मोकोवी, तमा ङे थाकाला लोक्‍नी मेङ्‍गिवी। मिसियाङ ङे तिवाला टेक ज्‍यितुप्‍जा।”

यूहन्‍ना 3:4

निकोदेमसकी खोला “मी गावा गल्‍सिमा चुक क्‍यानी क्‍ये थुप्‍किवी रो? काङ आमी खोकला शुनी येलुङ क्‍येकिवी रो?” सिनी टिसुङ।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

गलाती 6:15

च्‍यिलासिसिन ख्रीष्‍ट येशू नेसुर खक्‍छ्‍येवु मिजी सम्‍बा ङ्‍येसिमा यहूदी च्‍येतुप लुक्‍सु क्‍यासिनाङ माक्‍यासिनाङ काङ साङ ख्‍येप्‍साङ मे।

एफिसी 2:1

तोङ्‍ला ख्‍यिराङ लाका मेलोक्‍पा ताङ दिक्‍पाला ख्‍येल्‍नी शिन वे।

तीतस 3:5

दाक्‍पुला थर च्‍यिसुङ। ती ति दाक्‍पी लाका टेङ्‍बु क्‍यावु तप्‍की मिन, खोला च्‍यम्‍बा वोतुप तप्‍की यिन। खोकी दाक्‍पुला चाङ्‍मा जोनी मिजी सम्‍बा नङ्‍गुप ताङ खोकी थु चाङ्‍मा नेसुर दाक्‍पुला सम्‍बा फोनी थर च्‍यितुप यिन।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।

१ यूहन्‍ना 3:9

कोन्‍छ्‍योककी पुज्‍युङ पुमतिवा सी साङ दिक्‍पा मिकिवी। च्‍यिलासिसिन खोकी सुङ ति तिवी मुला गिवी। तिवा खोकी पुज्‍युङ पुमतिवा यिन्‍दुप तप्‍की दिक्‍पा क्‍या क्‍यावा मेदेवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

१ यूहन्‍ना 5:18

कोन्‍छ्‍योककी पुज्‍युङपुमतिवा सी साङ दिक्‍पा क्‍या क्‍यावा मेदेवी। तिवाला खोकी सेवुकी राङ नरी र्‍होकिवी। तमा दुक्‍टाकी साङ तिवाला ना तोङ मुथुपी।

१ यूहन्‍ना 5:4

च्‍यिलासिसिन कोन्‍छ्‍योककी पुज्‍युङपुमतिवा तेरीकी जम्‍बुलिङकी खला ग्‍येल्‍गिवी, जम्‍बुलिङकी खला ग्‍येलुप ति दाक्‍पी कोन्‍छ्‍योकला तेपा क्‍यानी यिन।

ज्‍यल्‍का 3:14

“लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।