यूहन्‍ना 3:2 - कोन्छ्‌योककी सुङ

² ती निकोदेमस ति ङ्‍यिम्‍ज्‍यिक नुपला येशूकी चाला वानी, “गेकेन, गेकेन याङ कोन्‍छ्‍योककी तङ्‍गुप यिन सिरुप ति ङ्‍यिराङला छ्‍या वे। च्‍यिलासिसिन कोन्‍छ्‍योक गेकेनकी मुला मेतुप यिन्‍सिन गेकेनकी क्‍या नङ्‍गुप हलेवु ततिवा ति सी साङ छ्‍या देन मुथुपी।” सिनी सिक्‍यासुङ।

यूहन्‍ना 3:2 Iomraidhean Croise

मत्ती 22:16

तमा तिवी खोप्‍रे लोमातिवाला ग्‍येल्‍वु हेरोदकी छोक्‍पाकी मीतिवी मुला येशूकी चाला ताङ्‍नी खोला दुक सिनी टि च्‍यिसुङ, “गेकेन, गेकेन याङ टेङ्‍बु यिन। गेकेनकी मीतिवी थोक्‍ला कोन्‍छ्‍योककी नोवा काङ यिन सिरुपकी कोर्ला टेङ्‍बो लोप्‍किवी। तमा सुला साङ ज्‍यिवा मिकिवी, च्‍यिलासिसिन गेकेनकी मीतिवाला ल्‍हानी ती मीतिवा ति सु यिन सिनी ङ्‍याम मिकिवी।

मत्ती 23:7

हाला मीतिवी खोप्‍राङला ताङ्‍देन क्‍यानी छ्‍याक पुलुप ताङ मीतिवी खोप्‍राङला गेकेन सिनी सिक्‍यावु ति तिवा गा किवी।

मत्ती 23:8

यिने ख्‍यिराङला सी साङ गेकेन सिनी सि माज्‍यी। च्‍यिलासिसिन ख्‍यिरा गेकेन ति च्‍यिक राङ वे, ख्‍यिराङ ति तेरी अच्‍युनुपतिवा यिन।

मर्कूस 12:14

तिवा वानी खोला “गेकेन, गेकेन याङ टेङ्‍बु वे सिरुप ति ङ्‍यिराङला छ्‍या वे। गेकेनकी याङ मी यम्‍बी खोरुङला काङ सिते सिनी ङ्‍याम मिकिवी। गेकेनकी मी ङो ल्‍हानी लाका मिकिवी, यिने कोन्‍छ्‍योककी लाम टेङ्‍बु क्‍यानी लोप्‍किवी। त ङ्‍यिरा रोमी ग्‍येल्‍वु कैसरला से तेतुप ति कोन्‍छ्‍योककी ठिमला गिवी ताङ मेङ्‍गिवी?

यूहन्‍ना 1:38

ती थोङ्‍सिमा येशू तिवी थाकाला ग्‍युर्नी, “ख्‍यिराङ काङ छोल्‍गिवी?” सिनी टिन नाङ्‍सुङ। तमा तिवी खोला “रब्‍बी, कनी ज्‍युकिवी?” सिनी सिक्‍यासुङ। (दी रब्‍बी सिक्‍यावु तेन्‍दोक ति गेकेन यिन।)

यूहन्‍ना 10:38

यिने ङे ती लाका क्‍यावु यिन्‍सिन ङला तेपा माक्‍यासिनाङ ती लाकातिवाला ति तेपा की। तुक क्‍यासिन पपा ङे मुला वे, तमा ङ पपी मुला वे सिरुप ति ख्‍यिरा हाक्‍कोकिवी।”

यूहन्‍ना 12:37

येशूकी यहूदीतिवी थोङ्‍दाङला राङ तुका हलेवु ततिवा बङी छ्‍या तेन्‍सिनाङ तिवी खोला तेपा माक्‍या।

यूहन्‍ना 14:10

ङ पपी मुला वोतुप ताङ पपा ङे मुला वोतुप ति ख्‍युरुङ तेपा मिकिवी? ङे ख्‍यिराङला सिक्‍यावु ताम्‍ङे ति ङे राङ सिक्‍यावु मिन, यिने ङे मुला ज्‍यु वोतुप पपी राङ खोरे लाका क्‍या नङ्‍यिन वे।

यूहन्‍ना 15:24

दोजो ङे सी साङ माक्‍यावु लाका ति तिवी पर्ला माक्‍यावु यिन्‍सिन तिवाला दिक्‍पाकी क्‍येन मोफोकुप्‍जा। यिने त याङ तिवी ङे क्‍यावु ती हलेवु लाकातिवा थोङ्‍सुङ, यिन्‍सिनाङ तिवी ङ ताङ ङे पपा ङ्‍यिकरला ङ्‍यिङ्‍मर क्‍यासुङ।

यूहन्‍ना 2:11

दी हलेवु त ति गालील लुङ्‍बाकी काना सिरुप ग्‍येसाला येशूकी थल्‍माला छ्‍या तेन्‍दुप त यिन। खोकी खोरुङला वोतुप मोवा ति छ्‍या तेन्‍सिमा खोकी लोमातिवी खोला तेपा क्‍यासुङ।

यूहन्‍ना 20:16

तमा येशूकी तीला “मरियम!” सिनी सुङ्‍सुङ। तमा मरियमकी खोकी थाकाला ग्‍युर्नी हिब्रू ताम्‍ङेला “रब्‍बोनी।” सिनी सिक्‍यासुङ। (तीकी तेन्‍दोक ति गेकेन सिक्‍यावु यिन।)

यूहन्‍ना 3:26

ती ज्‍युक्‍ला यूहन्‍नाकी लोमातिवा यूहन्‍नाकी चाला वानी, “गेकेन, गोमाला गेकेन ताङ मुला यर्दन चङ्‍बी फर्केनला वोतुप गेकेनकी पङ्‍बु बिन्‍दुप ती मी ति मीतिवाला बप्‍तिस्‍मा तेरिन नोक, तमा मीतिवा तेरी खोकी चाला डिनोक।” सिनी सिक्‍यासुङ।

यूहन्‍ना 4:31

मीतिवा वुङ्‍यिन कितुप पेला येशूकी लोमातिवी खोला “गेकेन, सोल शे।” सिनी खोला गोङ्‍बा शुसुङ।

यूहन्‍ना 5:36

यिने ङे मुला याङ यूहन्‍नाकी बिन्‍दुप पङ्‍बु सिनाङ पङ्‍बु छ्‍ये वे। पपी ङला तेरी सिन्‍दा कि सिनी ङला नङ्‍गुप दी लाका कियी वोतुप ति खोकी ङला तङ्‍गुप यिन सिनी छ्‍या तेन्‍दुप पङ्‍बु यिन।

यूहन्‍ना 6:2

ते मी माङ्‍छ्‍योककी खोकी तिङ्‍ला तिङ्‍यासुङ, च्‍यिलासिसिन खोकी नेर्पुतिवाला टेक च्‍यितुप हलेवु ततिवा तिवी थोङ्‍नोक।

यूहन्‍ना 7:31

ते वोतुप मीतिवी पर्ला बङीकी खोला तेपा क्‍यासुङ। तमा तिवी सिक्‍यासुङ, “ख्रीष्‍ट फेप्‍सिनाङ दी मी तीकी क्‍यावु हलेवु ततिवा सिनाङ मङ छ्‍या देन्‍गिवी रो?”

यूहन्‍ना 9:16

फरिसीतिवी पर्ला ललाइ ललाइकी “ती मी ति याङ कोन्‍छ्‍योक नेमा वावु मिन, च्‍यिलासिसिन तीकी ङासोप ङ्‍यिमा मेतेन्‍नोक।” सिनी सिक्‍यासुङ। तमा यम्‍बातिवी “मी दिक्‍छेनकी चुक क्‍यानी दुका हलेवु ततिवा छ्‍या देन थुप्‍किवी रो?” सिनी सिक्‍यासुङ। तुक क्‍यानी तिवी पर्ला ताम्‍ङे माडिक।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

लोमा छ्‍येतिवी लाका 2:22

ओ इस्राएलकी मीतिवा, ङे ताम्‍ङे ङ्‍येना! चोवो कोन्‍छ्‍योककी नासरतकी येशूला ख्‍यिरा चिप्‍ला तङ्‍नी ओङ छ्‍येवु लाकातिवा ताङ हलेवु लाकातिवा ताङ ततिवा छ्‍या तेन्‍सुङ। ती ताम्‍ङे याङ ख्‍यिराङला साङ छ्‍या राङ वोज्‍यिवी।

फिलिप्पी 1:14

ङ चोन्‍खाङला शोर्सिमा माङ्‍शोक तेपा कितुप अच्‍युनुपतिवा ङार छ्‍येवु गल्‍नी कोन्‍छ्‍योककी सुङ ङाडेङ क्‍यानी ख्‍याप्‍टाक क्‍यासुङ।