यूहन्‍ना 3:12 - कोन्छ्‌योककी सुङ

¹² ङे ख्‍यिराङला जम्‍बुलिङकी ताम्‍ङे सिक्‍यासिनाङ तेपा मिकिनोक, तुकै यिन्‍सिन चुक क्‍यानी देवाच्‍येनकी ताम्‍ङे सिक्‍यासिन तेपा कि थुप्‍किवी रो?

यूहन्‍ना 3:12 Iomraidhean Croise

यूहन्‍ना 3:11

वुतुङ के ङ ख्‍युरुङला सिरिन, ङि्‍यरा काङ शेवु ति सिरिन, तमा काङ थोङ्‍गुप ति पङ्‍बु तेरिन। यिन्‍सिनाङ ङ्‍यिरा पङ्‍बु बिन्‍दुप ति ख्‍यिरा मेङ्‍येन्‍दिवी।

यूहन्‍ना 3:3

तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

यूहन्‍ना 3:5

तमा येशूकी तीला सुङ्‍सुङ, “वुतुङ के ङ ख्‍युरुङला सिरिन। छ्‍यु ताङ कोन्‍छ्‍योककी थु चाङ्‍मा नेमा माक्‍येसुङ सिसिन सु साङ कोन्‍छ्‍योककी ग्‍येल्‍खापला शुक मुथुपी।

यूहन्‍ना 3:8

वुर्तुक ति खोरो नोवाला राङ ग्‍यकिवी। ख्‍योरो वुर्तुक ग्‍यपुप वोरु ति थोकिवी, यिने ती वुर्तुक कनी नेसुर वावु ताङ कनिवा डिवी सिरुप ति हाक्‍मोकोवी। कोन्‍छ्‍योककी थु चाङ्‍मा नेमा क्‍येवु मी ति तेरी तुकै राङ यिन।”

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

हिब्रू 5:11

दी ताम्‍ङेकी कोर्ला ङ्‍यिरा ख्‍यिराङला सि गोवु याङ बङी वे, यिन्‍सिनाङ ख्‍यिराङ ङमु हाक्‍मोकोवु गल वे। तुक क्‍यानी ख्‍यिराङला हाक्‍को ज्‍यितुप छासे कले वे।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।