यूहन्‍ना 2:6 - कोन्छ्‌योककी सुङ

⁶ ते तो मिसिन छ्‍यु लिटर सयी शोङ्‍गुप दो पुङ्‍नी जोवु छ्‍यु देकुप दोजुम टुक चोके ज्‍याक्‍नोक। ती दोजुम ति यहूदीतिवी खोप्‍राङ चाङ्‍मा जोप लुक्‍सु तेन्‍दुपला थोकिनोक।

यूहन्‍ना 2:6 Iomraidhean Croise

लूका 16:6

तीकी सिक्‍यासुङ, ‘नुम लिटर तोङ्‍डा सुम।’ तमा तीकी तीला सिक्‍यासुङ, ‘ल, तमा ख्‍योरो तमसुक लानी टिम्‍बु देनी लिटर सयी च्‍येङा सिनी टी।’

यूहन्‍ना 2:7

तमा येशूकी लावातिवाला “ती दोजुमतिवी नाङ्‍ला छ्‍यु क्‍येङ।” सिनी सुङ्‍सुङ। खोकी तुक सुङ्‍सिमा लावातिवी ती दोजुमतिवी नाङ्‍ला खाटेक छ्‍यु क्‍येङ्‍सुङ।

यूहन्‍ना 3:25

तमा यूहन्‍नाकी लोमातिवा ताङ ललाइ यहूदी मी यीकी पर्ला जु चाङ्‍मा जोप यहूदी लुक्‍सुकी कोर्ला लप्‍सिर ग्‍यक्‍टी चेसुङ।

एफिसी 5:26

खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

हिब्रू 10:22

दाक्‍पी सेम टेङ्‍बु नेसुर तेपा रम्‍बु जोनी कोन्‍छ्‍योककी चिप्‍ला डोप। तमा दाक्‍पी सेमला येशूकी ठक थोर्नी दुक्‍टा क्‍यासिमा सेम नेसुर वुङ्‍गुप क्‍येन ति टेङ्‍बु जोप ताङ दाक्‍पी जु ति छ्‍यु चेङ्‍गा थ्‍वोनी टुवु दोके टेङ्‍बु च्‍युङ्‍नी वे।

हिब्रू 6:2

बप्‍तिस्‍माकी कोर्ला लापुप येन्‍देनतिवा ताङ मी यम्‍बी गोला लाक्‍पा ज्‍याक्‍नी मोपोर कितुप ताङ शेप ने सेन्‍बु लोङ्‍गुप ताङ तिङ्‍मी तुजेला कोन्‍छ्‍योककी ठिम क्‍या नङ्‍गुपकी कोर्ला येन्‍देन लोपुप ति गोमाला लापुप येन्‍देनतिवा यिन्‍दुप तप्‍की तीला तिराङ लाप्‍नी मादे।

हिब्रू 9:10

ती बुल्‍वा ताङ जिन्‍बा पुलुप ति साप थुङ्‍गुप ताङ नम्‍बा कुतुक कुतुककी चाङ्‍मा जोप ठिमतिवा तेन्‍दुप दोके तिराङ यिन। ती ठिमतिवा ति कोन्‍छ्‍योककी नङ्‍गुप यम्‍बा ठिम सम्‍बा माफोवा सेककी थोक्‍ला बिन्‍दुप क तिराङ यिन।

हिब्रू 9:19

मोशाकी कोन्‍छ्‍योककी नङ्‍गुप ठिमला वोतुप कतिवा तेरी मीतिवाला सिक्‍यासिमा लङ्‍डु ताङ रौकी ठक ति छ्‍यु ताङ मुला र्‍हेनी पाल मर्वु ताङ हिसपकी येल्‍काला पानी ठिमकी थेपकी खला ताङ तेरी मीतिवी खला थोर्नी,