यूहन्‍ना 2:2 - कोन्छ्‌योककी सुङ

² येशू ताङ खोकी लोमातिवाला साङ ती जेन्‍दीला केच्‍या क्‍यानी खोतिवा ते राङ फेप्‍नोक।

यूहन्‍ना 2:2 Iomraidhean Croise

मत्ती 12:19

ती ति सु ताङ क्‍यानी साङ खाँदा मिकिवी, च्‍यार साङ मग्‍यकिवी। लाम नेवा सी साङ तीकी वोरु मोथोवी।

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मत्ती 25:45

ती पेला ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ माक्‍यावे, ती ति ङला राङ माक्‍यावु यिन।’

यूहन्‍ना 2:12

ती ज्‍युक्‍ला येशू खोरो आमा ताङ नुपतिवा ताङ लोमातिवी मुला मर कफर्नहुम ग्‍येसाला फेप्‍नी ङ्‍यिमा चेयी ते राङ ज्‍युसुङ।

यूहन्‍ना 2:17

ती थोङ्‍सिमा खोकी लोमातिवी कोन्‍छ्‍योककी सुङ नाङ्‍ला “चोवोकी ल्‍हङाङकी थोक्‍ला ङे सेम ति छासे छिकिनोक।” सिनी टि वोतुप ति नासाम शार्सुङ।

यूहन्‍ना 2:22

तमा खो टुङ्‍नी ङोसु लासिमा तिराङ लोमातिवाला खोकी तुक सुङ्‍गुप ति नासाम शार्नोक। तमा तिवी कोन्‍छ्‍योककी सुङ ताङ येशूकी सुङ्‍गुप सुङला तेपा क्‍यासुङ।

यूहन्‍ना 2:3

तमा डेन्‍बुतिवाला तेरुप गुन्‍डुम छ्‍याङ सिन्‍दुप थोङ्‍नी येशूकी आमा तीकी खोला “जेन्‍दीकी मीतिवी मुला गुन्‍डुम छ्‍याङ सिन्‍नोक।” सिनी सिक्‍यासुङ।

यूहन्‍ना 3:22

ती सुङ्‍सिमा येशू खोरो लोमातिवा ताङ मुला यहूदिया लुङ्‍बाला फेप्‍नी ते ङ्‍यिमा चेयी पर सेक ज्‍युनी मीतिवाला बप्‍तिस्‍मा नाङ्‍सुङ।

यूहन्‍ना 4:2

यिने बप्‍तिस्‍मा नङ्‍गुप ति येशूकी मिन, खोकी लोमातिवी तेर्किनोक।

यूहन्‍ना 4:33

खोकी तुक सुङ्‍सिमा लोमातिवा च्‍यिककी च्‍यिकला “मी ललाइकी सोल खुर्न वानी खोला शुते यिन्‍दे?” सिनी सिक्‍यासुङ।

यूहन्‍ना 4:8

ती पेला खोकी लोमातिवा ति साप समा ङ्‍योपला ग्‍येसाला गाल्‍नोक।

यूहन्‍ना 6:12

मीतिवी डाता सेक सो सिन्‍सिमा येशूकी लोमातिवाला “ल्‍हकुप पुर्मातिवा तेरी रु, तिवा च्‍यिक साङ माक्‍युर।” सिनी सुङ्‍सुङ।

यूहन्‍ना 6:16

ती गोमु नाम ल्‍होसिमा येशूकी लोमातिवा मर ग्‍येम्‍छो गारीला गल्‍नी

यूहन्‍ना 6:60

ती ताम्‍ङे थोनी येशूकी लोमातिवी पर्ला बङीकी “दी सुङ याङ छासे कले नोक, सी हाक्‍को थुपुप्‍जा?” सिनी सिक्‍यासुङ।

यूहन्‍ना 6:66

खोकी तुक सुङ्‍गुप तप्‍की खोकी लोमातिवा बङीकी खोला क्‍युर ज्‍याक्‍नी ती पेला नेज्‍युन खोला तिङ माङ्‍या।

यूहन्‍ना 6:67

तमा येशूकी खोरो लोमा मिरा च्‍यिङ्‍ङीतिवाला “ख्‍यिरा साङ ङला क्‍युर ज्‍याक्‍नी डोप नो वे?” सिनी टि नाङ्‍सुङ।

यूहन्‍ना 6:70

तमा येशूकी तिवाला “काङ ङे ख्‍यिराङ मिरा च्‍यिङ्‍ङीतिवाला राङ पेतुप मिन रो? यिन्‍सिनाङ ख्‍यिरा पर्ला मिरा च्‍यिक ति शैतान यिन।” सिनी सुङ्‍सुङ।

यूहन्‍ना 6:71

खोकी दुक सुङ्‍गुप ति सिमोन इस्‍करियोतकी पुज्‍युङ यहूदाकी कोर्ला सुङ्‍गुप यिन, ती ति खोकी लोमा मिरा च्‍यिङ्‍ङी नङगी ति यिन्‍सिनाङ ज्‍युक्‍ला येशूला जिम तेरुप मी यिनोक।

यूहन्‍ना 6:8

ती पेला येशूकी लोमातिवी पर्ला सिमोन पत्रुसकी नुप अन्‍द्रियास तीकी येशूला दुक सिक्‍यासुङ,

यूहन्‍ना 7:3

ती तप्‍की येशूकी नुपतिवी खोला “च्‍युच्‍यो, दी लुङ्‍बा क्‍युर ज्‍याक्‍नी यहूदिया लुङ्‍बाला फेप, तमा ते देतुप च्‍युच्‍युकी यम्‍बा लोमातिवी साङ च्‍युच्‍युकी क्‍यावु हलेवु लाकातिवा थोङ च्‍यी।

लोमा छ्‍येतिवी लाका 11:26

शाऊलला ठेसिमा एन्‍टिओखियाला टिनी वासुङ। तमा तिवी मुला लो खोर्मा यी सेक देनी चर्चला वोतुप तेपा कितुप मीतिवा बङीला नरी ठेनी येन्‍देन बिन्‍सुङ। ती पेला नेज्‍युनी एन्‍टिओखियाला वोतुप लोमातिवाला थल्‍माला ख्रीष्‍टियान सिनी सिक्‍यावु यिन।

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

१ कोरिन्‍थी 10:31

तुक क्‍यानी ख्‍यिराङ सोसिनाङ थुसिनाङ काङ क्‍यासिनाङ ती तेरी कोन्‍छ्‍योककी मोवाकी थोक्‍ला किसा।

१ कोरिन्‍थी 7:39

ख्‍योवा माशिवा सेक पेर्मी ति ख्‍योवी ओङला राङ देकिवी, यिने ख्‍योवा शिसिमा तीकी खोरो सेमला गलुप ख्‍योक्‍पेजा ताङ मुला जेन्‍दी कि थुप्‍किवी। यिन्‍सिनाङ ती ख्‍योक्‍पेजा ति कोन्‍छ्‍योकला तेपा क्‍यावु वुङ गोकिवी।

कलस्सी 3:17

तमा ख्‍यिरा ताम्‍ङे ताङ लाका काङ क्‍यासिनाङ चोवो येशूकी मिङला किसा। खो नेसुर राङ पपा कोन्‍छ्‍योकला थुचिछे पुल।

हिब्रू 13:4

तेरीकी पर्ला जेन्‍दी ति ताङ्‍देन वोतुप वुङ्‍शी। तमा ख्‍योवा ताङ पेर्मी जेन्‍दी क्‍यासिमा मी यम्‍बा ताङ मुला शम्‍डेन कितुप मेङ्‍गिवी, च्‍यिलासिसिन शम्‍डेन कितुप ताङ यम्‍बा ख्‍योक्‍पेजा याङ्‍ना यम्‍बा पुम्‍पेजा ताङ मुला मेलोक्‍पा कितुपतिवाला कोन्‍छ्‍योककी ठिम क्‍या नङ्‍गिवी।

ज्‍यल्‍का 3:20

ल्‍होसा, ङ गे फिला लानी डक डक ग्‍यकिनो। सी ङे वोरु थोनी गो बेकिवे, ङ ती नाङ्‍ला शुनी तीकी मुला समा सायिनो। तमा तीकी ङ ताङ मुला राङ समा सेवितो।