यूहन्‍ना 2:16 - कोन्छ्‌योककी सुङ

¹⁶ खोकी गम्‍देर चोङ्‍गुपतिवाला “देसुर दिवा टाक्‍टुक खुर्नी ग्‍युक। तफेन्‍ला ख्‍यिरा ङे पपी खाङ्‍बाला छोङ कितुप हाट माजोवा।” सिनी सुङ्‍सुङ।

यूहन्‍ना 2:16 Iomraidhean Croise

मत्ती 21:12

ती ज्‍युक्‍ला येशू यहूदी ल्‍हङाङला शुनी ते छोङ कियी वोतुप ताङ ङ्‍योप्‍चे ग्‍यकिन वोतुपतिवा तेरीला पाङ्‍ला तेन ताङ्‍सुङ। तमा टङ्‍गा ज्‍येपतिवी च्‍योक्‍चीतिवा ताङ बुर्केन चोङ्‍गुपतिवा देतुप तेक्‍पातिवा आलोक ग्‍यप्‍सुङ।

मत्ती 21:13

तमा खोकी तिवाला सुङ्‍सुङ, “कोन्‍छ्‍योककी सुङला दुक सिनी टि वे, ‘ङे खाङ्‍बा ति मोपोर कितुप खाङ्‍बा यिन सिनी सिवी।’, यिने ख्‍यिरा याङ तीला ‘च्‍याक्‍पातिवा देतुप फुक’ जोसुङ।”

मत्ती 22:5

यिने केच्‍या क्‍यावु मीतिवी ती ताम्‍ङेला ङ्‍याम माक्‍यानी दाक दाक्‍पी लाकाला गाल्‍सुङ। च्‍यिक ति खोरो शिङ खला गाल्‍सुङ, च्‍यिक ति खोरो छोङ कितुपला गाल्‍सुङ।

मर्कूस 11:17

ती ज्‍युक्‍ला खोकी मीतिवाला येन्‍देन लोपिन सिरा दुक सुङ्‍सुङ, “कोन्‍छ्‍योककी सुङगी नाङ्‍ला दुक सिनी टि वे, ‘ङे खाङ्‍बा ति तेरी मीतिवी थोक्‍ला मोपोर कितुप खाङ्‍बा यिन सिनी सिवी।’ यिने ख्‍यिरा याङ तीला ‘च्‍याक्‍पातिवा देतुप फुक’ जोसुङ।”

लूका 2:49

येशूकी तिवाला सुङ्‍सुङ, “ङला च्‍यिला छलुप्‍जा? ङ ङरा पपी खाङ्‍बाला राङ दे गोकिवी सिरुप ति ख्‍यिराङला छ्‍या मे?”

यूहन्‍ना 10:29

ङला तिवा नङ्‍गुप पपा ति तेरी सिनाङ चोछ्‍ये वे। सी साङ पपा नेसुर तिवाला ठोनी डो मुथुपी।

यूहन्‍ना 2:15

ती थोङ्‍सिमा खोकी थाक्‍पा लानी तल्‍च्‍येक जोनी लुक ताङ लाङ मुला तिवा तेरीला ल्‍हङाङ तेसुर तेन्‍नी ताङ्‍सुङ। तमा खोकी टङ्‍गा ज्‍येप मीतिवी टङ्‍गातिवा थरा थुरा ताङ्‍नी च्‍योक्‍चीतिवा आलोक ग्‍यप्‍सुङ।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

यूहन्‍ना 5:17

यिने येशूकी तिवाला दुक सुङ्‍सुङ, “ङे पपी त सेक नरी लाका कियी वे, तुक क्‍यानी ङ साङ लाका कियी वे।”

यूहन्‍ना 8:49

तमा येशूकी सुङ्‍सुङ, “मिन, ङला डे ग्‍यपुप मिन, यिने ङ ङे पपाला ताङ्‍देन कितिन। यिन्‍सिनाङ ख्‍यिरा याङ ङला मो बेप्‍किवी।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।