यूहन्‍ना 2:11 - कोन्छ्‌योककी सुङ

¹¹ दी हलेवु त ति गालील लुङ्‍बाकी काना सिरुप ग्‍येसाला येशूकी थल्‍माला छ्‍या तेन्‍दुप त यिन। खोकी खोरुङला वोतुप मोवा ति छ्‍या तेन्‍सिमा खोकी लोमातिवी खोला तेपा क्‍यासुङ।

यूहन्‍ना 2:11 Iomraidhean Croise

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

यूहन्‍ना 1:43

ती सला तीला येशू गालील लुङ्‍बाला फेपुप सिनी तेन्‍तेन क्‍यासुङ। ती पेला खोकी फिलिप सिरुप मी यीला ठेनी तीला “ङे तिङ्‍ला तिङ्‍यो।” सिनी सुङ्‍सुङ।

यूहन्‍ना 1:50

तमा येशूकी तीला सुङ्‍सुङ, “काङ ङे ख्‍युरुङला अन्‍जीरकी दोङ्‍बी वोक्‍ला वोतुप थोङ्‍सुङ सिनी सिक्‍यावु तप्‍की ख्‍योरो ङला तेपा क्‍यावु यिन? ख्‍योरो दी सिनाङ मङ हलेवु लाकातिवा थोङ्‍गितो।”

यूहन्‍ना 10:41

ते मीतिवा बङी खोकी चाला वानी, “यूहन्‍नाकी याङ हलेवु ततिवा च्‍यिक साङ छ्‍या मातेन, यिने यूहन्‍नाकी ती मीकी कोर्ला सिक्‍यावु ताम्‍ङेतिवा ति तेरी टेङ्‍बु नोक।” सिनी सिक्‍यासुङ।

यूहन्‍ना 11:15

ङ लाजरसकी ते मेतुप ति ख्‍यिरा थोक्‍ला ल्‍यामु च्‍युङ्‍सुङ, तुक क्‍यानी ङ गा लावे। ती ति ख्‍यिरा ङला तेपा किशी सिनी यिन। त दाक्‍पु तीकी ते डोप।”

यूहन्‍ना 11:47

तमा कोङ्‍यार छ्‍येतिवा ताङ फरिसीतिवी यहूदी छोक्‍पाकी मी छ्‍येतिवी मुला जोम च्‍यिनी, “त दाक्‍पु चुक कितुप? ती मी तीकी हलेवु लाकातिवा बङी किनोक।

यूहन्‍ना 12:18

खोकी ती हलेवु लाका क्यावु ति थोवु तप्‍की मी माङ्छ्‍योक खोला ठेतुपला गाल्‍नोक।

यूहन्‍ना 12:37

येशूकी यहूदीतिवी थोङ्‍दाङला राङ तुका हलेवु ततिवा बङी छ्‍या तेन्‍सिनाङ तिवी खोला तेपा माक्‍या।

यूहन्‍ना 12:41

कोन्‍छ्‍योककी लुङ्तेम्‍बा यशैयाकी येशूला मोवा ङ्‍येकिवी सिरुप ति गोमाला के थोङ्‍गुप तप्‍की खोकी कोर्ला दी ताम्‍ङे टिवु यिन।

यूहन्‍ना 14:13

ख्‍यिरा ङे मिङला काङ लाङ्‍सिनाङ ङ ख्‍यिराङला ती तेरी च्‍युङ ज्‍यितिन। ती ति पुज्‍युङ नेमा पपाला मोवा च्‍युङ्‍शी सिनी यिन।

यूहन्‍ना 16:27

पपी राङ ख्‍यिराङला ङ्‍यिङ्‍ज्‍ये क्‍या नङ्‍गिवी, च्‍यिलासिसिन ख्‍यिरा ङला ङ्‍यिङ्‍ज्‍ये क्‍यासुङ, तमा ङ पपा नेमा वावु यिन सिनी ख्‍यिरा तेपा क्‍यावु तप्‍की यिन।

यूहन्‍ना 16:30

गेकेनला तेरी ताम्‍ङे छ्‍या वोतुप ताङ गेकेनला काङ टिवा टि मोगोनोक सिरुप ति तके ङ्‍यिरा हाक्‍कोसुङ। ती तप्‍की गेकेन याङ कोन्‍छ्‍योक नेमा फेपुप यिनोक सिनी ङि्‍यरा तेपा क्‍यायिन।”

यूहन्‍ना 2:1

तेमी ङि्‍यमा सुमकी छेर्मु गालील लुङ्‍बाकी काना सिरुप ग्‍येसाला जेन्‍दी यी नोक। ती जेन्‍दीला येशूकी आमा साङ वानोक।

यूहन्‍ना 2:23

यहूदीतिवा थरुप तुछ्‍येनला येशू यरूशलेमला राङ ज्‍युनी नोक। ते मीतिवा बङीकी खोकी क्‍यावु हलेवु ततिवा थोङ्‍सुङ, तमा तिवी खोला तेपा क्‍यासुङ।

यूहन्‍ना 3:2

ती निकोदेमस ति ङ्‍यिम्‍ज्‍यिक नुपला येशूकी चाला वानी, “गेकेन, गेकेन याङ कोन्‍छ्‍योककी तङ्‍गुप यिन सिरुप ति ङ्‍यिराङला छ्‍या वे। च्‍यिलासिसिन कोन्‍छ्‍योक गेकेनकी मुला मेतुप यिन्‍सिन गेकेनकी क्‍या नङ्‍गुप हलेवु ततिवा ति सी साङ छ्‍या देन मुथुपी।” सिनी सिक्‍यासुङ।

यूहन्‍ना 4:3

ती ताम्‍ङे हाक्‍कोनी येशू खोकी लोमातिवा ताङ मुला यहूदिया लुङ्‍बा क्‍युर ज्‍याक्‍नी येलुङ गालील लुङ्‍बाला लोक्‍नी फेपिन नोक।

यूहन्‍ना 4:46

तमा येशू गालील लुङ्‍बाकी काना सिरुप ग्‍येसाला लोङ फेप्‍सुङ। ती ग्‍येसा ति गोमाला खोकी छ्‍यु ति गुन्‍डुम छ्‍याङला ग्‍युर च्‍यितुप दासा यिन। ते लुङ्‍बाकी मी छ्‍ये यी नोक, तीकी पुज्‍युङ ति कफर्नहुमला ना नोक।

यूहन्‍ना 4:54

दी त ति येशू यहूदिया नेसुर गालीलला लोङ फेप्‍सिमा छ्‍या तेन नङ्‍गुप हलेवु त ङ्‍यिवा यिन।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

यूहन्‍ना 6:14

खोकी क्‍या नङ्‍गुप हलेवु लाका थोङ्‍नी मीतिवी “खो याङ वुतुङ के जम्‍बुलिङला फेप्‍किवी सिनी सिक्‍यावु कोन्‍छ्‍योककी लुङ्‍तेम्‍बा यिनोक।” सिनी सिक्‍यासुङ।

यूहन्‍ना 6:2

ते मी माङ्‍छ्‍योककी खोकी तिङ्‍ला तिङ्‍यासुङ, च्‍यिलासिसिन खोकी नेर्पुतिवाला टेक च्‍यितुप हलेवु ततिवा तिवी थोङ्‍नोक।

यूहन्‍ना 6:26

तमा येशूकी तिवाला सुङ्‍सुङ, “वुतुङ के ङ ख्‍यिराङला सिरिन, ख्‍यिरा ङला छलुप ति ङे क्‍यावु हलेवु ततिवा थोङ्‍गुप तप्‍की मिन, यिने ख्‍यिरा डाता सेक शुब्‍ज्‍याङ सोवु तप्‍की यिन।

यूहन्‍ना 6:30

येलुङ तिवी खोला सिक्‍यासुङ, “ख्‍योरे ङ्‍यिराङला चुका त छ्‍या तेन्‍नी ङ्‍यिरा ती त ल्‍हानी ख्‍युरुङला तेपा कि ज्‍यिकिवी? ख्‍योरे काङ लाका किवी?

यूहन्‍ना 7:31

ते वोतुप मीतिवी पर्ला बङीकी खोला तेपा क्‍यासुङ। तमा तिवी सिक्‍यासुङ, “ख्रीष्‍ट फेप्‍सिनाङ दी मी तीकी क्‍यावु हलेवु ततिवा सिनाङ मङ छ्‍या देन्‍गिवी रो?”

यूहन्‍ना 9:16

फरिसीतिवी पर्ला ललाइ ललाइकी “ती मी ति याङ कोन्‍छ्‍योक नेमा वावु मिन, च्‍यिलासिसिन तीकी ङासोप ङ्‍यिमा मेतेन्‍नोक।” सिनी सिक्‍यासुङ। तमा यम्‍बातिवी “मी दिक्‍छेनकी चुक क्‍यानी दुका हलेवु ततिवा छ्‍या देन थुप्‍किवी रो?” सिनी सिक्‍यासुङ। तुक क्‍यानी तिवी पर्ला ताम्‍ङे माडिक।

२ कोरिन्थी 3:18

तमा दाक्‍पु तेरीकी गुकुर पेतुप ङुतुङला चोवो कोन्‍छ्‍योककी वोसिर ति ठछ्‍येली थोङ्‍गिवी। खो नेसुर वुङ्‍गुप वोसिरकी दाक्‍पुला खो दोके जोनी मङ मङ वोसिर ग्‍यकुप जो नङ्‍गिवी। ती तेरी चोवो कोन्‍छ्‍योककी थु चाङ्‍माकी क्‍यावु यिन।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

१ यूहन्‍ना 5:13

दी यिकी ति ख्‍यिराङ कोन्‍छ्‍योककी सेवु येशूला तेपा कितुपतिवाला नाम्‍साङ मिशिवु मिजी थोप्‍शी सिनी हाक्‍को ज्‍यितुपला ङे टिवु यिनो।