4 तमा खो सोल शेवु दासा ने शेङ्नी खोरो फिला कोन्दुप नम्सा ति पिन ज्याक्नी खोकी केल्दाङला रुमाल यी टिल्सुङ।
खोरो ज्यिन्दाक खाङ्बा वुङ्गुप पेला लावातिवा लानी देतुप ठेसिन ती लावातिवाला ल्यामु यिनो। ङ ख्यिराङला टेङ्बु सिरिन, ती ज्यिन्दाक तीकी केल्दाङ दम्नी खोरो लावातिवाला च्योक्चीला दे ज्यिकिवी, तमा तिवी चाला वानी तिवाला समा देनी शब्ज्यी किवी।
“ख्यिरा पर्ला ललाइकी ति शिङ मोतुप याङ्ना लुक चोप लावा यी वोज्यिवी। ती लावा ति पाङ नेसुर खाङ्बा लोक्नी वुङ्गुप पेला तीला ‘ङमु वानी सापला दे।’ सिनी सिरुप मी वे रो?
बोरु तीला ‘ङे समा टडिक की। तमा ङ साप ताङ थुङ्गुप पेला ख्युरुङ ङला शब्ज्यी की, तमा तिराङ ख्युरुङ सो।’ सिनी मिसिवी रो?
चुका मी ति मङ छ्ये यिन? समा सापला देतुप ति छ्ये यिनाङ की, शब्ज्यी कितुप ति छ्ये यिन? समा सापला देतुप ति मिन? यिने ङ याङ शब्ज्यी कितुप मी दोके क्यानी ख्यिरा पर्ला वे।
खोकी तिवी काङ्बा टुन सिन्सिमा येलुङ खो खोरे नम्सा नुम्नी गोमाला ज्युवु दासाला राङ ज्युसुङ। तमा तिवाला “ङे मलोक क्यावु ति काङ यिन सिनी ख्यिराङला छ्या वे?
दाक्पी चोवो येशू ख्रीष्टकी कटिन ति ख्यिराङला छ्या राङ वे। खो छ्युक्पु वे, यिन्सिनाङ ख्यिरा थोक्ला खो पेराङ्बु दोके च्युङ्सुङ। तीकी तेन्दोक ति खो पेराङ्बु च्युङ्गुप नेसुर ख्यिराङला छ्युक्पु च्युङ्शी सिनी यिन।
ख्यिरा तोङ नेज्यु थोवु सुङ ति दी राङ यिन। दाक्पी च्यिककी च्यिकला ङ्यिङ्ज्ये कि गोकिवी।