यूहन्‍ना 13:3 - कोन्छ्‌योककी सुङ

³ पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 13:3 Iomraidhean Croise

मत्ती 11:27

पपी ङला तेरी चेक तेन नाङ्‍सुङ। पपी तिराङ पुज्‍युङला ङो शेकिवी। तमा पुज्‍युङ ताङ पुज्‍युङकी खुरुङ सु यिन सिनी छ्‍या देन्‍दुपला पेतुपतिवी मिसिन यम्‍बा सी साङ पपाला ङो मेशेवी।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

लूका 10:22

ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 13:1

यहूदी थरुप तुछ्‍येनकी गोमी ङ्‍यिमा नोक। येशूकी खुरुङ दी जम्‍बुलिङ क्‍युर ज्‍याक्‍नी पपी चाला फेपुप तुजे लेपुप ति हाक्‍कोनी खोला तेपा कितुप जम्‍बुलिङला वोतुप खोरो मीतिवाला ङ्‍यिङ्‍ज्‍ये क्‍या नङ्‍गिनोक, तमा खो माटुङा सेक तिवाला मङ ङ्‍यिङ्‍ज्‍ये क्‍या नाङ्‍सुङ।

यूहन्‍ना 17:2

पपी ङ पुज्‍युङला जम्‍बुलिङकी मीतिवा तेरीला ओङ्‍ज्‍येन कितुप ओङ नाङ्‍सुङ। ती ति पपी ङ पुज्‍युङला तेपा कि च्‍यितुप मीतिवा तेरीला ङ नेसुर नाम्‍साङ मिशिवु मिजी थोप्‍शी सिनी यिन।

यूहन्‍ना 3:13

देवाच्‍येन नेमा वावु ङ मी पुज्‍युङ मिसिन यम्‍बा सु साङ देवाच्‍येनला मागाल वे।

यूहन्‍ना 3:35

पपा कोन्‍छ्‍योककी खोरे सेवुला ङ्‍यिङ्‍ज्‍ये क्‍या नाङ्‍नी तेरी ओङ्‍ज्‍येन ति खोला चेक तेन नाङ्‍सुङ।

यूहन्‍ना 7:29

यिने ङे याङ खोला ङो शेकिवी। च्‍यिलासिसिन ङ खो नेमा वावु यिन, तमा खोकी ङला तङ्‍गुप यिन।”

यूहन्‍ना 7:33

तमा येशूकी सुङ्‍सुङ, “तरोङ ङ चेयी पर सेक तिराङ ख्‍यिरा मुला देतिन, तमा ती ज्‍युक्‍ला ङ ङला तोङ्‍गुप तीकी ते लोक्‍नी डोयी।

यूहन्‍ना 8:14

तमा येशूकी तिवाला सुङ्‍सुङ, “ङे ङरा कोर्ला पङ्‍बु बिन्‍सिनाङ ङे पङ्‍बु ति टेङ्‍बु वे, च्‍यिलासिसिन ङ कनी नेमा वावु ताङ कनी डिवी सिरुप ति ङला छ्‍या वे। यिने ख्‍यिराङला ङ कनी नेमा वावु ताङ कनी डिवी सिरुप ति छ्‍या मे।

यूहन्‍ना 8:42

येलुङ येशूकी तिवाला सुङ्‍सुङ, “दोजो कोन्‍छ्‍योक ति ख्‍यिरा पपा यिन्‍सियाङ ख्‍यिरा ङला ङ्‍यिङ्‍ज्‍ये कितुप्‍जा, च्‍यिलासिसिन ङ कोन्‍छ्‍योक नेमा वानी तन्‍दा दे राङ वे। तमा ङ ङराङ वावु मिन, यिने खोकी ङला ताङ्‍सुङ।

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

१ कोरिन्‍थी 15:27

च्‍यिलासिसिन कोन्‍छ्‍योककी सुङला “तेरी जम्‍बुलिङ ति खोकी ओङला ज्‍याङ वे।” सिनी टि वे। “तेरी ओङ्‍ज्‍येन खोकी ओङला ज्‍याङ वे।” सिक्‍यावु ति कोन्‍छ्‍योक साङ खोकी ओङला राङ ख्‍येल्‍गिवी सिनी सिक्‍यावु ति मिन, यिने खोकी तेरी ओङ्‍ज्‍येन ति ख्रीष्‍टकी ओङला ज्‍याङ वे सिनी सिक्‍यावु यिन।

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।