यूहन्‍ना 13:1 - कोन्छ्‌योककी सुङ

¹ यहूदी थरुप तुछ्‍येनकी गोमी ङ्‍यिमा नोक। येशूकी खुरुङ दी जम्‍बुलिङ क्‍युर ज्‍याक्‍नी पपी चाला फेपुप तुजे लेपुप ति हाक्‍कोनी खोला तेपा कितुप जम्‍बुलिङला वोतुप खोरो मीतिवाला ङ्‍यिङ्‍ज्‍ये क्‍या नङ्‍गिनोक, तमा खो माटुङा सेक तिवाला मङ ङ्‍यिङ्‍ज्‍ये क्‍या नाङ्‍सुङ।

यूहन्‍ना 13:1 Iomraidhean Croise

मत्ती 26:45

तमा खो येलुङ लोमातिवी चाला फेप्‍नी, “ख्‍यिराङ तरोङ साङ ङ्‍यिलोक्‍नी ङ सोयी राङ वे? ल्‍होसा, ङ मी पुज्‍युङ दिक्‍छेनतिवी लकला चेक तेतुप तुजे छेन सिन्‍सुङ।

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

लूका 22:53

ङ ङ्‍यिमी टेङ ख्‍यिरा मुला ल्‍हङाङला देतिन। ती पेला ति ख्‍यिरा ङला लाक्‍पा मालाङ। यिने दी ति नक्‍तोमीकी ओङ्‍ज्‍येन कितुप ख्‍यिरा तुजे यिन।”

लूका 9:51

येशू देवाच्‍येनला फेपुप तुजे चिप्‍ला राङ लेपुप तप्‍की खो यरूशलेम नेवा फेपुप सिनी सेमला तेन्‍तेन क्‍यासुङ,

यूहन्‍ना 11:55

ती पेला यहूदी थरुप तुछ्‍येन वुङ्‍गुप छाल्‍नोक। तमा तुछ्‍येन वुङ्‍गुप सिनाङ गोमाला मीतिवा बङी दाक दाक्‍पुला चाङ्‍मा जोपला युल युल नेसुर यरूशलेम ने केला गाल्‍सुङ।

यूहन्‍ना 12:23

तमा येशूकी सुङ्सुङ, “मी पुज्‍युङला मोवा ङ्‍येतुप तुजे लेम वे।

यूहन्‍ना 13:29

तमा ललाइकी यहूदाकी लोला लोमातिवी टङ्‍गी छयी ज्‍यकुप तप्‍की येशूकी तीला “तुछ्‍येनकी थोक्‍ला तिवाला गोवु च्‍यालक ङ्‍योप याङ्‍ना पेराङ्‍बुतिवाला काङ रे च्‍यिक रे बिन।” सिनी सुङ्‍गुप यिन्‍दे सिनी नो क्‍यानोक।

यूहन्‍ना 13:3

पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

यूहन्‍ना 14:28

ङे, ‘ङ डोयी वे, तमा येलुङ ख्‍यिरा ते लोक्‍नी वुङ्‍गिवी।’ सिनी सिक्‍यावु ति ख्‍यिरा थोनी वे। ख्‍यिरा ङला ङ्‍यिङ्ज्‍ये क्‍यावु यिन्‍सिन ङ पपी ते डोप ति ख्‍यिराङ गा कितुप्‍जा, च्‍यिलासिसिन पपा ङ सिनाङ चोछ्‍ये वे।

यूहन्‍ना 14:31

यिने ङे पपाला ङ्‍यिङ्‍ज्‍ये कितुप ताङ पपी ङला काङ सुङ वे, तुकै राङ ङे क्‍यावु ति जम्‍बुलिङकी मीतिवी हाक्‍कोशी सिरुप ङे नोवा वे। लोसा, त याङ दाक्‍पु दे नेसुर डोप।”

यूहन्‍ना 16:28

ङ पपा नेमा दी जम्‍बुलिङला वायिन, त ङ जम्‍बुलिङ क्‍युर ज्‍याक्‍नी पपी ते लोक्‍नी डोयी वोतो।”

यूहन्‍ना 17:1

येशूकी ती ताम्‍ङेतिवा सुङ सिन्‍सिमा देवाच्‍येन ने केला ल्‍हानी दुक सिनी मोपोर क्‍या नाङ्‍सुङ, “ओ पपा, तुजे वानिङ सिन वे। पपी ङ ख्‍योरे पुज्‍युङला मोवा वोतुप ति छ्‍या तेन्‍नी ङ पुज्‍युङकी साङ पपाला मोवा वोतुप ति छ्‍या देन्‍शी।

यूहन्‍ना 17:16

ङ दी जम्‍बुलिङकी मिन्‍दुप दोके तिवा साङ दी जम्‍बुलिङकी ति मिन।

यूहन्‍ना 17:26

पपा सु यिन सिनी ङे तिवाला ङो शे च्यितिन, तमा तरोङ साङ ङो शे ज्‍यितिन। ती ति पपी ङला क्‍या नङ्‍गुप ङ्‍यिङ्‍ज्‍ये ति तिवी मुला लुशी, तमा ङ साङ तिवी सेमला देतुप ङ्‍येशी सिनी यिन।”

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

यूहन्‍ना 18:4

तमा येशूकी खुरुङला त च्‍युङ्‍गुप ताम्‍ङेतिवा तेरी हाक्‍कोनी तिवी दोङ्‍ला फेप्‍नी तिवाला “ख्‍यिराङ सुला छोलुपला वावु यिन?” सिनी टि नाङ्‍सुङ।

यूहन्‍ना 19:28

ती ज्‍युक्‍ला येशूकी खोकी कि गोवु लाका तेरी सिन्‍दुप ति हाक्‍कोनोक। तमा कोन्‍छ्‍योककी सुङला टिवु ति छे ज्‍यितुपला येशूकी “ङला कोम्‍बा लासुङ।” सिनी सुङ्‍सुङ।

यूहन्‍ना 2:13

ती पेला यहूदीतिवा थरुप तुछ्‍येन वानिङ सिन्‍नोक। तुक क्‍यानी येशू तेसुर येर यरूशलेमला फेप्‍सुङ।

यूहन्‍ना 6:4

ती पेला यहूदीतिवी थरुप तुछ्‍येन वुङ्‍ला के नोक।

यूहन्‍ना 7:30

येशूकी तुक सुङ्‍सिमा मीतिवी खोला जिम्‍बुप नो क्‍यासुङ, यिने सी साङ खोला जिम माथुप, च्‍यिलासिसिन ती पेला सेक खोकी तुजे मालेप्‍नोक।

यूहन्‍ना 7:6

तमा येशूकी तिवाला सुङ्‍सुङ, “ङे तुजे ति मालेप वे, यिने ख्‍यिरा तुजे याङ चो पेला साङ टडिक वे।

यूहन्‍ना 8:20

दी ताम्‍ङे ति येशूकी यहूदी ल्‍हङाङला येन्‍देन नङ्‍यिन वोतुप पेला ते वोतुप बुल्‍वा बुलुप गाम ज्‍यकुप दासाला सुङ्‍गुप यिन। यिने ती पेला सी साङ खोला माजिम्‍नोक, च्‍यिलासिसिन खोकी तुजे ति तरोङ साङ मालेप्‍नोक।

रोमी 8:37

तुकै यिन्‍सिनाङ ङ्‍यिराङला ङ्‍यिङ्‌ज्‍ये क्‍या नङ्‍गुप ख्रीष्‍ट येशू नेसुर दाक्‍पु ति तिवा तेरीकी खला मङ ग्‍येल वे।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 6:11

ख्‍यिराङ रे रेकी रेवा क्‍यावु ति तेरी च्‍युङ्‍गुपला तुक क्‍यावु ति तिङ्‍ला सेक तुकै राङ क्‍यानी देकिवी सिरुप ति ङ्‍यिरा नोवा वे।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ यूहन्‍ना 4:19

दाक्‍पु च्‍यिककी च्‍यिकला ङ्‍यिङ्‍ज्‍ये किवी, च्‍यिलासिसिन कोन्‍छ्‍योककी गोमाला के दाक्‍पुला ङ्‍यिङ्‍ज्‍ये क्‍या नाङ्‍सुङ।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।