यूहन्‍ना 12:3 - कोन्छ्‌योककी सुङ

³ ती पेला मरियम तीकी छासे गोङ कुर्मु नावु टी जङ्बु खाप जटामसीकी नुम लिटर फेका चोयी खुर वानी येशूकी शापला पुनी खोरो र्‍ह थ्‍वोनी खोकी शाप पिसुङ। तमा ती टी जङ्बु खाप नुमकी टेमा ति खाङ्बा काङ टाम्‍सुङ।

यूहन्‍ना 12:3 Iomraidhean Croise

लूका 10:42

यिने गोवु ताम्‍ङे ति च्‍यिक तिराङ वे। चुका ति ल्‍यामु नोके, ती ति मरियमकी पेसुङ। ती ति सी साङ ती नेसुर ठोक मुथुपी।”

लूका 7:46

ख्‍योरो ङे गोला नुम कु माबिन, यिने दीकी याङ ङे काङ्‍बाला टि जङ्‍बु खाप नुम कुनी बिन्‍सुङ।

यूहन्‍ना 11:2

ती मरियम ति ज्‍युक्‍ला येशूकी शापला टि जङ्‍बु खाप नुम पुनी खोरो र्‍ह थ्‍वोनी पिन तेरुप पुम्‍पेजा यिनोक। ती नावु लाजरस ति तीकी नुप यिनोक।

यूहन्‍ना 11:28

तोजोयी सिक्‍यासिमा मार्था ति खाङ्‍बा लोङ गल्‍नी खोरो नुम मरियमला खरक्‍पा सोक सिरा कताङ्‍नी, “गेकेन फेप्‍सुङ, तमा ख्‍युरुङला कतोङ्‍यिन वे।” सिनी सिक्‍यासुङ।

यूहन्‍ना 11:32

मरियम येशू ज्‍यु वोतुप ते लेप्‍नी खोला ठेलुङ्‍मे खोकी शापला खवुतुङ्‍मा देनी, “ओ चोवो, चोवो दे ज्‍युवु यिन्‍सियाङ ङे नुप ति मिशिवुजा।” सिनी सिक्‍यासुङ।

यूहन्‍ना 19:39

तमा गोमाला के येशूला ठेतुपला नुपला गलुप निकोदेमस साङ टि जङ्‍बु खाप मुर्रकी फे ताङ एलवाकी फे र्‍हेवु किलो खल ज्‍यिक ताङ च्‍युक्‍सुम चोयी खुर्नी ते वासुङ।