यूहन्‍ना 11:4 - कोन्छ्‌योककी सुङ

⁴ ती लेन थोसिमा येशूकी सुङ्‍सुङ, “ती लाजरस नावु ति शेपकी थोक्‍ला मिन, यिने कोन्‍छ्‍योककी मोवा छ्‍या तेन्‍दुपकी थोक्‍ला यिन। तमा ती नेसुर राङ कोन्‍छ्‍योककी पुज्‍युङला मोवा ङ्‍येकिवी।”

यूहन्‍ना 11:4 Iomraidhean Croise

यूहन्‍ना 10:38

यिने ङे ती लाका क्‍यावु यिन्‍सिन ङला तेपा माक्‍यासिनाङ ती लाकातिवाला ति तेपा की। तुक क्‍यासिन पपा ङे मुला वे, तमा ङ पपी मुला वे सिरुप ति ख्‍यिरा हाक्‍कोकिवी।”

यूहन्‍ना 11:40

येशूकी तीला “ख्‍योरो ङला तेपा क्‍यासिन कोन्‍छ्‍योककी मोवा ति थोङ्‍गितो सिनी ङे ख्‍युरुङला सि माक्‍या?” सिनी सुङ्‍सुङ।

यूहन्‍ना 12:28

ओ पपा, पपी मोवा ति मीतिवाला छ्‍या तेन।” ती पेला राङ देवाच्‍येन नेमा दुक सिरुप वोरु यी ग्‍यप्‍सुङ, “ङे मोवा लायिन, तमा येलुङ लङ्‍यिन।”

यूहन्‍ना 17:1

येशूकी ती ताम्‍ङेतिवा सुङ सिन्‍सिमा देवाच्‍येन ने केला ल्‍हानी दुक सिनी मोपोर क्‍या नाङ्‍सुङ, “ओ पपा, तुजे वानिङ सिन वे। पपी ङ ख्‍योरे पुज्‍युङला मोवा वोतुप ति छ्‍या तेन्‍नी ङ पुज्‍युङकी साङ पपाला मोवा वोतुप ति छ्‍या देन्‍शी।

यूहन्‍ना 17:10

ङे मुला वोतुप ति तेरी पपी ति यिन, पपी मुला वोतुप ति तेरी ङे ति यिन। तमा तिवा नेसुर ङला मोवा ङ्‍ये वे।

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

यूहन्‍ना 2:11

दी हलेवु त ति गालील लुङ्‍बाकी काना सिरुप ग्‍येसाला येशूकी थल्‍माला छ्‍या तेन्‍दुप त यिन। खोकी खोरुङला वोतुप मोवा ति छ्‍या तेन्‍सिमा खोकी लोमातिवी खोला तेपा क्‍यासुङ।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

यूहन्‍ना 8:54

तमा येशूकी सुङ्‍सुङ, “दोजो ङे ङराङला मोवा छलुप यिन्‍सिन ती मोवा ति तेर्मे यिन। ङला मोवा ङ्‍ये ज्‍यितुप ति ङे पपा यिन। खो ति ख्‍यिरा रङगी कोन्‍छ्‍योक सिनी सिक्‍यावु ति यिन।

यूहन्‍ना 9:24

येलुङ तिवी गोमाला मिक मोथोङ्‍गुप मी तीला कताङ्‍नी, “कोन्‍छ्‍योकला मोवा की, ती मी ति दिक्‍छेन यिन सिरुप ति ङि्‍यराङला छ्‍या वे।” सिनी सिक्‍यासुङ।

यूहन्‍ना 9:3

तमा येशूकी तिवाला सुङ्‍सुङ, “दीकी दिक्‍पा क्‍यावु साङ मिन, दीकी पपाआमी दिक्‍पा क्‍यावु साङ मिन। यिने दीकी मिजी नेमा कोन्‍छ्‍योककी हलेवु लाका ति मीतिवी थोङ्‍शी सिनी तुकै च्‍युङ्‍गुप यिन।

रोमी 11:11

तुक क्‍यानी ङ येलुङ ख्‍यिराङला टेयिन, काङ इस्राएलकी मीतिवा दोला नर्तुक ग्‍यप्‍नी तला ग्‍यप्‍सिमा लङ मुथुपी रो? वुतुङ के तुकै मिन। इस्राएलकी मीतिवी येशूला तेपा माक्‍यानी लाका दुक्‍टा क्‍यासिमा यहूदी मिन्‍दुप मिरिक यम्‍बाकी मीतिवी तेपा क्‍यावु तप्‍की तिवा दिक्‍पा ने थर्नी वे। ती थोङ्‍नी इस्राएलकी मीतिवा ठतोक लानी खोला तेपा किशी सिरुप ति कोन्‍छ्‍योककी नोवा यिन।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 1:20

ङे खक्‍छ्‍येवुला कि राङ गोवु लाका ताङ रेवा ति दी यिन। ङ नाम्‍साङ ङोछाला माख्‍येल्‍नी छासे ङाडेङ ङ्‍येनी शिसिनाङ सेन्‍बु वोसिनाङ नरी दोके तन्‍दा साङ ङे मिजी ति ख्रीष्‍टकी थोक्‍ला मोवा कितुप डोशी।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।

१ पत्रुस 4:14

दोजो ख्रीष्‍टला तेपा क्‍यावु तप्‍की मीतिवी ख्‍यिराङला ङ्‍यिङ्‍मर क्‍यासिन ख्‍यिराङला मोलाम थोपुप यिनो, च्‍यिलासिसिन कोन्‍छ्‍योककी मोवा वोतुप थु चाङ्‍मा ति ख्‍यिरा मुला ज्‍यु वे।