यूहन्‍ना 10:4 - कोन्छ्‌योककी सुङ

⁴ तीकी लुकतिवा तेरी पाङ्‍ला तेन्‍सिमा खोरुङ ति तिवी गोमा गोमाला डिवी, तमा लुकतिवा तीकी तिङ्‍ला तिङ्‍योकिवी, च्‍यिलासिसिन लुकतिवी खोरो गोठालाकी वोरु ङो शेकिवी।

यूहन्‍ना 10:4 Iomraidhean Croise

मत्ती 16:24

ती ज्‍युक्‍ला येलुङ येशूकी लोमातिवाला सुङ्‍सुङ, “सु ङे तिङ्‍ला तिङ्‍योकुप नो किवे, तीकी खोरो नोवातिवा क्‍युर ज्‍याक्‍नी खोरो ग्‍यङ्‍शिङ खुर्नी ङे तिङ्‍ला तिङ्‍योक गोकिवी।

यूहन्‍ना 10:16

ङे मुला दी खोरकी नाङ्‍ला मेतुप यम्‍बा लुकतिवा साङ वे। ङे तिवाला साङ टिनी वुङ गोकिवी। तिवी साङ ङे वोरु थोकिवी, तमा तिवा तेरी गोठाला च्‍यिककी मयी च्‍यिक राङ च्‍युङ्‍गिवी।

यूहन्‍ना 10:27

ङे लुकतिवी ङे वोरु थोकिवी। ङ तिवाला ङो शेतिन, तमा तिवा ङे तिङ्‍ला तिङ्‍योकिवी।

यूहन्‍ना 10:3

खोरकी गोला देनी र्‍हेन्‍दुप मी तीकी गोठालाकी थोक्‍ला खोरकी गो बेकिवी, तमा लुकतिवी खोरो गोठालाकी वोरु हाक्‍कोकिवी। गोठालाकी खोरो लुकतिवा रे रेकी मिङ तेन्‍नी लुकतिवाला पाङ्‍ला देन्‍गिवी।

यूहन्‍ना 10:5

यिने मी यम्‍बी तिङ्‍ला याङ तिवा तिङ मोङ्‍योकी, बोरु ती नेसुर तिवा टोनी डिवी, च्‍यिलासिसिन मी यम्‍बी वोरु ति तिवी ङो मेशेवी।”

यूहन्‍ना 10:8

ङ सिनाङ गोमाला वुङ्‍गुपतिवा तेरी कुर्मेन ताङ च्‍याक्‍पा यिन, यिने लुकतिवी तिवी ताम्‍ङे माङ्‍येन।

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 13:15

ङे ख्‍यिराङला दी नमुना छ्‍या तेन्‍दुप तेन्‍दोक ति ङे ख्‍यिरा थोक्‍ला काङ क्‍या वे, ख्‍यिरा साङ तुक राङ किशी सिनी यिन।

यूहन्‍ना 18:37

तमा पिलातसकी येशूला “तुकै यिन्‍सिन काङ ख्‍युरुङ ग्‍येल्‍वु राङ यिन?” सिनी टिसुङ। तमा येशूकी तीला सुङ्‍सुङ, “ख्‍योरो ङला ग्‍येल्‍वु यिन सिनी सिक्‍यावु ति टेके यिन। ङ टेङ्‍बुकी कोर्ला पङ्‍बु तेरुपला क्‍येवु यिन, तमा तीकी थोक्‍ला दी जम्‍बुलिङला वावु यिन। सु मी टेङ्‍बु नोके, तीकी ङे ताम्‍ङे ङ्‍येन्‍गिवी।”

यूहन्‍ना 3:29

नमाला जेन्‍दी कितुप ति माक्‍पा यिन, यिने माक्‍पी क्‍योल्‍मिन ति माक्‍पी चाला लान देनी माक्‍पी वोरु थोसिमा छासे गा किवी। तुक राङ क्‍यानी ङला छासे गा ला वे।

१ कोरिन्‍थी 11:1

ङे ख्रीष्‍टकी लुमु सेतुप दोके ख्‍यिराङ साङ ङे लुमु से।

एफिसी 5:1

तुक क्‍यानी ख्‍यिराङ ति कोन्‍छ्‌योककी ङ्‍यिङ्‍ज्‍येवु आङातिवा यिन्‍दुप तप्‍की खोकी लुमु से गोकिवी।

हिब्रू 12:2

तमा दाक्‍पी तेपा गो जुवु ताङ ती तेरी छे ज्‍यितुप चोवो येशूला तिराङ नरी ल्‍हाप। खोकी खोरे दोङ्‍ला वोतुप गाकी थोक्‍ला मीतिवी मारे तङ्‍सिनाङ काङ नो माक्‍यानी हम क्‍यानी ग्‍यङ्‍शिङ लोला टुङ्‍सुङ। तमा कोन्‍छ्‍योककी ग्‍येल्‍ठिककी यावी थाकाला ज्‍युसुङ।

हिब्रू 6:20

दाक्‍पी छ्‍योकला येशू ति दाक्‍पु सिनाङ गोमाला के ती गोयोल नाङ्‍ला फेप्‍नी नरीकी नरी थोक्‍ला मल्‍कीसेदेक दोके कोङ्‍यार छ्‍ये च्‍युङ्‍नी वे।

१ पत्रुस 2:21

च्‍यिलासिसिन खोकी ख्‍यिराङला तीकी थोक्‍ला कताङ नङ्‍गुप यिन। ख्रीष्‍टकी साङ छेटाङ खुर्नी ख्‍यिरा थोक्‍ला पङ्‍बु च्‍युङ्‍सुङ। ती तप्‍की ख्‍यिराङ साङ खोकी क्‍या नङ्‍गुप दोके क्‍यानी मिजी क्‍योङ गोकिवी।

१ पत्रुस 4:1

चुक क्‍यानी ख्रीष्‍टकी खोरे जुला दुक्‍पा खुर नाङ्‍सुङ, ख्‍यिरा साङ खोकी दोके क्‍यानी दुक्‍पा खुरुपला टडिक क्‍यानी दे। च्‍यिलासिसिन सी ख्रीष्‍टकी थोक्‍ला जुला दुक्‍पा खुर्किवे, तीकी दिक्‍पा कितुप क्‍युर्किवी।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।