यूहन्‍ना 10:3 - कोन्छ्‌योककी सुङ

³ खोरकी गोला देनी र्‍हेन्‍दुप मी तीकी गोठालाकी थोक्‍ला खोरकी गो बेकिवी, तमा लुकतिवी खोरो गोठालाकी वोरु हाक्‍कोकिवी। गोठालाकी खोरो लुकतिवा रे रेकी मिङ तेन्‍नी लुकतिवाला पाङ्‍ला देन्‍गिवी।

यूहन्‍ना 10:3 Iomraidhean Croise

यूहन्‍ना 10:14

ङ ति गोठाला ल्‍यामु यिन। ङे याङ ङरा लुकतिवाला ङो शेकिवी, ङे लुकतिवी साङ ङला ङो शेकिवी।

यूहन्‍ना 10:16

ङे मुला दी खोरकी नाङ्‍ला मेतुप यम्‍बा लुकतिवा साङ वे। ङे तिवाला साङ टिनी वुङ गोकिवी। तिवी साङ ङे वोरु थोकिवी, तमा तिवा तेरी गोठाला च्‍यिककी मयी च्‍यिक राङ च्‍युङ्‍गिवी।

यूहन्‍ना 10:4

तीकी लुकतिवा तेरी पाङ्‍ला तेन्‍सिमा खोरुङ ति तिवी गोमा गोमाला डिवी, तमा लुकतिवा तीकी तिङ्‍ला तिङ्‍योकिवी, च्‍यिलासिसिन लुकतिवी खोरो गोठालाकी वोरु ङो शेकिवी।

यूहन्‍ना 10:9

लुक शुकुप गो ति ङ राङ यिन। सु ङ नेसुर नाङ्‍ला शुकिवे, ती ति र्‍होकिवी, तमा फिला नाङ्‍ला डोप वुङ्‍गुप ताङ चरिन ङोर्मुला च साप ङ्‍येकिवी।

यूहन्‍ना 6:37

ङे पपी ङला चेक तेन नङ्‍गुप मीतिवा तेरी ङे ते वुङ्‍गिवी, तमा ङे ते वुङ्‍गुपतिवाला ङ नाम्‍साङ लोक्‍नी मोतोङ।

यूहन्‍ना 6:45

‘तेरी मीतिवी कोन्‍छ्‍योककी सुङ नेमा लोप्‍किवी।’ सिनी कोन्‍छ्‍योककी लुङ्‍तेम्‍बातिवी टि वे। सी पपी सुङ ङ्‍येन्‍नी खोकी सुङ्‍गुप सुङ लोप्‍किवे, तिवा तेरी ङे ते वुङ्‍गिवी।

रोमी 8:30

सु सुला खोकी गोमाला के पेन नङ वे, पेन नङ्‍गुपतिवाला खोकी कताङ नाङ्‍सुङ। तमा कतङ्‍गुपतिवाला खोकी थोङ्‍दाङला टेङ्‍बु जो नाङ्‍सुङ। तमा टेङ्‍बु जो नङ्‍गुपतिवाला खोकी मोवा साङ नाङ्‍सुङ।

१ कोरिन्‍थी 16:9

च्‍यिलासिसिन ङे थोक्‍ला छासे खक्‍छ्‍येवु लाका कितुपला गो ग्‍येर्पु पेनी वे, यिने ङे तेन्‍दोकला लङ्‍गुपतिवा साङ बङी वे।

फिलिप्पी 4:3

ङ ताङ मुला लाका ल्‍यामु कितुप दाल्‍जो, ङ ख्‍युरुङला साङ सिरिन। ती आम्‍पुमतिवाला दाल्‍जा किटे किसा। च्‍यिलासिसिन ङ लेन ल्‍यामु ख्‍याप्‍टाक कितुप पेला तिवी क्‍लेमेस ताङ ङे मुला वोतुप यम्‍बा दाल्‍जातिवी मुला लाका टेमु क्‍यासुङ। तमा कोन्‍छ्‍योककी तिवी मिङ ति खोकी मिजीकी थेप नाङ्‍ला टि वे।

कलस्सी 4:3

तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

२ तिमोथी 2:19

यिन्‍सिनाङ कोन्‍छ्‍योककी डम्‍ज्‍यी रम्‍बु जोसुङ। ती डम्‍ज्‍यीला “कोन्‍छ्‍योककी खोरे पेतुप मीतिवाला ङो शेकिवी।” सिनी टि वे। तमा “चोवो कोन्‍छ्‍योकला तेपा किवी सिनी सिरुप मी तेरीकी दिक्‍पा कितुप क्‍युर गोकिवी।” सिनी टि वे।

१ पत्रुस 1:12

कोन्‍छ्‍योककी लुङ्‍तेम्‍बातिवी नम्‍दर शेतुप ताम्‍ङे ति खोप्‍रे थोक्‍ला मिन, यिने ख्‍यिरा थोक्‍ला यिन। दी ताम्‍ङे ति देवाच्‍येन नेमा तङ्‍गुप कोन्‍छ्‍योककी थु चाङ्‍मा नेमा ख्‍यिराङला लेन ल्‍यामु ख्‍याप्‍टाक कितुपतिवी तसाम ख्‍यिराङला सिक्‍यावु यिन। ती ताम्‍ङे ति देवाच्‍येनकी लेन क्‍योलुप थुतिवी साङ छासे ल्‍हाप गा किवी।

१ यूहन्‍ना 4:6

दाक्‍पु ति कोन्‍छ्‍योककी पुज्‍युङपुमतिवा यिन। सी कोन्‍छ्‍योकला ङो शेवे, तिवी दाक्‍पी ताम्‍ङे साङ ङ्‍येन्‍गिवी। सु कोन्‍छ्‍योककी ति मिन वे, तीकी दाक्‍पी ताम्‍ङे साङ मेङ्‍येन्‍वी। ती नेसुर राङ दाक्‍पी थु टेङ्‍बु ताङ थु मेटेङ्‍बु ङो शेकिवी।

३ यूहन्‍ना 1:14

यिने ङ ङमु राङ ख्‍युरुङला ठेतुपला वुङ्‍गुप नो वे, ख्‍युरुङला ठेसिमा मुला राङ देनी ताम्‍ङे कितुप्‍नो।

ज्‍यल्‍का 20:15

मिजीकी थेप नाङ्‍ला मिङ माटिवुतिवा सुला साङ माज्‍याक्‍नी ती मेकी चो वोतुप दासाला क्‍युर्सुङ।

ज्‍यल्‍का 3:20

ल्‍होसा, ङ गे फिला लानी डक डक ग्‍यकिनो। सी ङे वोरु थोनी गो बेकिवे, ङ ती नाङ्‍ला शुनी तीकी मुला समा सायिनो। तमा तीकी ङ ताङ मुला राङ समा सेवितो।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”