यूहन्‍ना 10:1 - कोन्छ्‌योककी सुङ

¹ ती ज्‍युक्‍ला येशूकी तिवाला सुङ्‍सुङ, “वुतुङ के ङ ख्‍यिराङला सिरिन, चुका मी ति लुकतिवा ज्‍योकुप खोरकी नाङ्‍ला शुकुप पेला ती खोरकी गे नाङ नेसुर माशुवा क्‍यानी यम्‍बा थाका नेसुर जेनी शुकिवे, ती ति कुर्मेन ताङ च्‍याक्‍पा यिन।

यूहन्‍ना 10:1 Iomraidhean Croise

मत्ती 7:15

“लुङ्‍तेम्‍बा मेटेङ्‍बुतिवा नेसुर च्‍याङ्‍से देता। तिवा फिला ल्‍हासिन लुक दोके ल्‍यामु थोङ्‍गिवी, यिने सेम ति ज्‍यिवा लङ्‍गुप खटमु दोके गिवी।

यूहन्‍ना 10:7

तुक क्‍यानी येशूकी येलुङ तिवाला दुक सुङ्‍सुङ, “वुतुङ के ङ ख्‍यिराङला सिरिन, लुक शुकुप खोरकी गो ति ङ राङ यिन।

यूहन्‍ना 3:3

तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

रोमी 10:15

तमा सुङ ख्‍याप्‍टाक कितुप मीतिवा माताङ्‍सिन चुक क्‍यानी खोकी सुङ ख्‍याप्‍टाक किवी रो? ती तप्‍की कोन्‍छ्‍योककी सुङला “लेन ल्‍यामु ख्‍याप्‍टाक कितुप मीतिवी कोम्‍बा योपुप ति छासे ल्‍यामु यिन।” सिनी टि वे।

रोमी 16:18

च्‍यिलासिसिन तुका मीतिवी दाक्‍पी चोवो येशू ख्रीष्‍टकी थोक्‍ला शब्‍ज्‍यी कितुप मिन, यिने खोरो सुप सोपला तिराङ कोन्‍छ्‍योकला शब्‍ज्‍यी किवी। तिवा ताम्‍ङे ल्‍यामु ल्‍यामु क्‍यानी क्‍योक्‍पु लोक्‍पु मिकिवु मीतिवाला साङ जिनोक जेवी।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

हिब्रू 5:4

तुका कोङ्‍यार छ्‍येकी लाका नेसुर वुङ्‍गुप ताङ्‍देन ति खोरो राङ छल्‍नी मेङ्‍येवी, यिने हारूनला दोके क्‍यानी कोन्‍छ्‍योककी कताङ नङ्‍गुप वुङ गोकिवी।

१ पत्रुस 1:10

ती थर्वाकी थोक्‍ला कोन्‍छ्‍योककी लुङ्‍तेम्‍बातिवी साङ ल्‍यामो क्‍यानी हाक्‍कोवु छाल्‍सुङ। तमा तिवी कोन्‍छ्‍योककी ख्‍यिराङला थर्वा नङ्‍गुप कटिनकी कोर्ला नम्‍दर शेसुङ।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।