यूहन्‍ना 1:9 - कोन्छ्‌योककी सुङ

⁹ तमा मीतिवा तेरीला ठछ्‍येली तेरुप ती वोसिर टेङ्‍बु ति जम्‍बुलिङला फेपिन नोक।

यूहन्‍ना 1:9 Iomraidhean Croise

मत्ती 6:23

यिने ख्‍योरो मिक ल्‍यामु माथोङ्‍सुङ सिसिन ख्‍योरो तेरी जु नक्‍तोमी डिवी। तुक क्‍यानी ख्‍योरो सेमला वोतुप ठछ्‍येली ति नक्‍तोमी गाल्‍सुङ सिसिन ती नक्‍तोमी ति चो नक्‍तोमी डि ताङ?”

लूका 11:36

दोजो ख्‍योरो जु तेरी ठछ्‍येली गल्‍नी काङ साङ नक्‍तोमी मेसिन दिप्‍लीकी ठछ्‍येलीकी ख्‍युरुङला वो ग्‍यकुप दोके ख्‍योरो जु तेरी वो ग्‍यकिवी।”

यूहन्‍ना 1:4

खोरे ज्‍ये नङ्‍गुपतिवा तेरीकी ती सुङ नेसुर मिजी थोप्‍सुङ, ती मिजी ति मीतिवी वोसिर यिनोक।

यूहन्‍ना 1:7

तीकी ती वोसिरकी कोर्ला पङ्‍बु तेरुप ताङ ती पङ्‍बु नेसुर तेरी मीतिवी ती वोसिरला तेपा किशी सिनी वावु यिन।

यूहन्‍ना 12:46

ङ दी जम्‍बुलिङला वावु वोसिर यिन। ती ति ङला तेपा कितुपतिवा सु साङ नक्‍तोमीला लु मिज्‍यिवुला यिन।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 15:1

येलुङ येशूकी खोरो लोमातिवाला दुक सुङ्‍सुङ, “वुतुङ्‍की गुन्‍डुम दोङ्‍बु ति ङ राङ यिन, तमा ङे पपा ति ती दोङ्‍बु ल्हाप मी यिन।

यूहन्‍ना 6:32

तमा येशूकी सुङ्‍सुङ, “ङ ख्‍यिराङला टेङ्‍बु सिरिन, देवाच्‍येन नेमा शुब्‍ज्‍याङ तेरुप ति मोशा मिन, यिने देवाच्‍येन नेमा ख्‍यिराङला शुब्‍ज्‍याङ टेङ्‍बु नङ्‍गुप ति ङे पपा यिन।

यूहन्‍ना 7:12

तमा मी मङ्‍छ्‍योक खोकी कोर्ला ताम्‍ङे बङी क्‍यासुङ। मी ललाइकी “ती ति मी ल्‍यामु यिन।” सिनी सिनोक, तमा ललाइकी “दी याङ मीतिवाला जिनोक जोप मी यिन।” सिनी सिनोक।

१ यूहन्‍ना 1:8

दोजो दाक्‍पी ङला याङ दिक्‍पा राङ मे सिवी सिसिन, दाक्‍पी दाक्‍पुला राङ जिनोक जोवु दोके यिन। तमा दाक्‍पी सेमला टेङ्‍बु मेतुप यिन।

१ यूहन्‍ना 2:8

यिन्‍सिनाङ ङ ख्‍यिराङला क सम्‍बा यी टिकिन। ती टेङ्‍बु वोतुप क ति येशू ख्रीष्‍टला वे, तमा ख्‍यिरा मिजीला साङ वे। च्‍यिलासिसिन नक्‍तोमी ति गानी सिन्‍सुङ, वोसिर टेङ्‍बु ति वो ग्‍यकिन नोक।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।