यूहन्‍ना 1:6 - कोन्छ्‌योककी सुङ

⁶ तमा कोन्‍छ्‍योककी तङ्‍गुप मी मिरा च्‍यिक नोक, तीकी मिङ ति यूहन्‍ना यिनोक।

यूहन्‍ना 1:6 Iomraidhean Croise

मत्ती 11:10

तीकी कोर्ला कोन्‍छ्‍योककी सुङगी नाङ्‍ला दुक सिनी टि वे, ‘ल्‍होसा, ङ ङे लेन क्‍योलुप मीला ख्‍योरो गोमाला तोङ्‍यिनो, तीकी ख्‍योरो थोक्‍ला लाम टडिक कितो।’

मत्ती 21:25

यूहन्‍नाकी बप्‍तिस्‍मा ति कनी नेमा वावु यिन? कोन्‍छ्‍योक नेमा वावु यिनाङ की, मी नेमा वावु यिन?” ती थोसिमा तिवा खोप्‍राङ पर्ला दुक सियी केवुल क्‍यासुङ, “दाक्‍पी ‘देवाच्‍येन नेमा लावु यिन।’ सिक्‍यासिन ‘ख्‍यिरा च्‍यिला तीला तेपा माक्‍या?’ सिनी सिविते यिन्‍दे।

लूका 1:13

यिने ती देवाच्‍येनकी लेन क्‍योलुप थु तीकी तीला सिक्‍यासुङ, “ओ जकरिया, ज्‍यिवा माकी। कोन्‍छ्‍योककी ख्‍योरो गोङ्‍बा शुवु ति सेन्‍नी वे। ख्‍योरो पेर्मी एलिशिबाकी पुज्‍युङ यी क्‍येकितो। तमा ख्‍योरो तीकी मिङ ति यूहन्‍ना सिनी तोसा।

लूका 1:76

ओ आङो, ख्‍युरुङ तेरी सिनाङ चोछ्‍येवु कोन्‍छ्‍योककी लुङ्‍तेम्‍बा सिवितो, च्‍यिलासिसिन ख्‍युरुङ चोवोकी गोमाला गल्‍नी खोकी लाम टडिक कितो,

यूहन्‍ना 1:33

ङे साङ खोला ङो माशे, यिने छ्‍यु थ्‍वोनी बप्‍तिस्‍मा तेरुपला ङला तङ्‍गुप तीकी ‘चुका मी तीकी खला कोन्‍छ्‍योककी थु चाङ्‍मा पाप्‍नी ज्‍यु वोतुप ख्‍योरो थोङ्‍गिवे, ती ति कोन्‍छ्‍योककी थु चाङ्‍मा नेमा बप्‍तिस्‍मा नङ्‍गुप मी यिन सिनी ख्‍योरो हाक्‍कोकितो।’ सिनी ङला सुङ्‍सुङ।

यूहन्‍ना 3:28

‘ङ ति ख्रीष्‍ट मिन, यिने खो सिनाङ गोमाला तङ्‍गुप ति यिन।’ सिनी ङे सिक्‍यावु ताम्‍ङेला पङ्‍बु तेरुप ति ख्‍यिराङ राङ यिन।

लोमा छ्‍येतिवी लाका 13:24

येशू फेपुप सिनाङ गोमाला यूहन्‍नाकी तेरी इस्राएलकी मीतिवाला ‘ङ दिक्‍छेन यिनोक सिनी सेम ग्‍युर्नी बप्‍तिस्‍मा लङ गोकिवी’ सिनी ख्‍याप्‍टाक क्‍यासुङ।