यूहन्‍ना 1:51 - कोन्छ्‌योककी सुङ

⁵¹ तमा येशूकी तीला “वुतुङ के ङ ख्‍युरुङला टेङ्‍बो सिरिन, ख्‍योरो देवाच्‍येन सेङ्‍गुप ताङ देवाच्‍येनकी लेन क्‍योलुप थुतिवा ङ मी पुज्‍युङकी खला येर जेकुप ताङ मर पपुप थोङ्‍गितो।” सिनी सुङ्‍सुङ।

यूहन्‍ना 1:51 Iomraidhean Croise

मत्ती 25:31

“ङ मी पुज्‍युङ तेरी देवाच्‍येनकी लेन क्‍योलुप थुतिवी मुला खोरो मोवाला वुङ्‍गुप पेला ङ ति खोरो ग्‍येल्‍ठिकला देकितो।

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

मत्ती 3:16

येशू बप्‍तिस्‍मा लानी चङ्‍बी नाङ ने थेन्‍सिमा देवाच्‍येन पेसुङ, तमा कोन्‍छ्‍योककी थु चाङ्‍मा ति गम्‍देर दोके क्‍यानी खोरे खला पापुप ति खोकी थोङ्‍सुङ।

मत्ती 4:11

तमा शैतानकी येशूला क्‍युर ज्‍याक्‍नी गाल्‍सुङ। गल्‍सिमा देवाच्‍येनकी लेन क्‍योलुप थुतिवा वानी येशूला शब्‍ज्‍यी पुल्‍सुङ।

मत्ती 8:20

ती थोसिमा येशूकी तीला “च्‍यिप्‍च्‍याङतिवी ति देतुप फुक वे, नामगी च्‍यच्‍युमतिवी ति देतुप छाङ वे। यिने ङ मी पुज्‍युङला याङ कनी साङ देसा मिन्‍दुक।” सिनी सुङ्‍सुङ।

मत्ती 9:6

यिने ङ मी पुज्‍युङला दी जम्‍बुलिङला दिक्‍पा ता ज्‍यितुप ओङ वे सिरुप ति ख्‍यिराङला हाक्‍को ज्‍यितिन।” तमा खोकी ती लाक्‍पा काङ्‍बा शोरुप तीला “ख्‍युरुङ खोक लो। तमा ख्‍योरो सप्‍तेनतिवा खुर्नी ख्‍योरो खाङ्‍बा ग्‍युक।” सिनी सुङ्‍सुङ।

मर्कूस 1:10

येशू छ्‍यी नाङ ने पाङ्‍ला थेन्‍दुप पेला शार्क्येक देवाच्‍येन सेङ्‍गुप ताङ कोन्‍छ्‍योककी थु चाङ्‍मा गम्‍देर दोके क्‍यानी खोरो खला पापुप ति खोकी थोङ्‍सुङ।

मर्कूस 14:62

येशूकी सुङ्‍सुङ, “यिन, ती ति ङ राङ यिन। मी पुज्‍युङ चोछ्‍ये वोतुप कोन्‍छ्‍योककी यावी थाकाला देतुप ताङ देवाच्‍येन नेमा मुक्पी ख नेमा वुङ्‍गुप ति ख्‍यिरा थोङ्‍गितो।”

लूका 2:13

ती पेला शार्क्येक ती देवाच्‍येनकी लेन क्‍योलुप थु मुला यम्‍बा देवाच्‍येनकी लेन क्‍योलुप थुतिवा बङी छ्‍यार्नी कोन्‍छ्‍योकला सोवा देकिन सिक्‍यासुङ,

लूका 2:9

ती पेला देवाच्‍येनकी लेन क्‍योलुप थु च्‍यिक तिवी चाला छ्‍यार्सुङ। तमा चोवो कोन्‍छ्‍योककी मोवाकी वोसिर तिवी गारी गुरीला ग्‍यप्‍सुङ। ती थोङ्‍नी तिवा छासे ज्‍यिवा क्‍यासुङ।

लूका 22:43

ती पेला देवाच्‍येन नेमा लेन क्‍योलुप थु यी खोकी चिप्‍ला छ्‍यर्नी खोला ङाडेङ बिन्‍सुङ।

लूका 22:69

यिने तफेन्‍ला ङ मी पुज्‍युङ ति ओङ छ्‍येवु कोन्‍छ्‍योककी यावी थाकाला देकिवी।”

लूका 24:4

तमा तिवा काङ कितुप काङ कितुप गल्‍नी वोतुप पेला शार्क्येक वो ग्‍यपुप मज्‍या कोन्‍दुप ख्‍योक्‍पेजा मिरा ङ्‍यी तिवी चिप्‍ला लानी देनोक।

लूका 3:21

तमा तेरी मीतिवी बप्‍तिस्‍मा लासुङ। येशूकी साङ बप्‍तिस्‍मा लानी मोपोर कियी वोतुप पेला देवाच्‍येन सेसुङ।

यूहन्‍ना 1:50

तमा येशूकी तीला सुङ्‍सुङ, “काङ ङे ख्‍युरुङला अन्‍जीरकी दोङ्‍बी वोक्‍ला वोतुप थोङ्‍सुङ सिनी सिक्‍यावु तप्‍की ख्‍योरो ङला तेपा क्‍यावु यिन? ख्‍योरो दी सिनाङ मङ हलेवु लाकातिवा थोङ्‍गितो।”

यूहन्‍ना 10:1

ती ज्‍युक्‍ला येशूकी तिवाला सुङ्‍सुङ, “वुतुङ के ङ ख्‍यिराङला सिरिन, चुका मी ति लुकतिवा ज्‍योकुप खोरकी नाङ्‍ला शुकुप पेला ती खोरकी गे नाङ नेसुर माशुवा क्‍यानी यम्‍बा थाका नेसुर जेनी शुकिवे, ती ति कुर्मेन ताङ च्‍याक्‍पा यिन।

यूहन्‍ना 10:7

तुक क्‍यानी येशूकी येलुङ तिवाला दुक सुङ्‍सुङ, “वुतुङ के ङ ख्‍यिराङला सिरिन, लुक शुकुप खोरकी गो ति ङ राङ यिन।

यूहन्‍ना 13:16

ङ ख्‍यिराङला टेङ्‍बो सिरिन, लावा खोरो ज्‍यिन्‍दाक सिनाङ छ्‍ये मेवी, तमा लेन क्‍योलुप मी ति तीला तोङ्‍गुप ति सिनाङ छ्‍ये मेवी।

यूहन्‍ना 13:38

तमा येशूकी तीला “वुतुङ के ख्‍युरुङ ङे थोक्‍ला शिराङ गोसिनाङ शिवी? ङ ख्युरुङला टेङ्‍बो सिरिन, ख्‍योरो हारिङ च्‍यवु कुकुरी देन्‍दुप सिनाङ गोमाला थेङ्‍मा सुम ङला ङो मेशेवी सिवी।” सिनी सुङ्‍सुङ।

यूहन्‍ना 14:12

वुतुङ के ङ ख्‍यिराङला सिरिन, सी ङला तेपा किवे, तीकी ङे क्‍यावु हलेवु लाकातिवा साङ किवी, तमा ती सिनाङ मङ लाका छ्‍ये साङ किवी, च्‍यिलासिसिन ङ पपी चाला डोयी वे।

यूहन्‍ना 16:20

वुतुङ के ङ ख्‍यिराङला सिरिन, ख्‍यिराङ ङोप ताङ ङुप्‍राङ कितो, यिने जम्‍बुलिङकी मीतिवा ति गा कितो। ख्‍यिराङला छासे पप लानी सेम्‍दुक लङ्‍गितो, यिने ख्‍यिरा सेम्‍दुक ति गाला ग्‍युर्कितो।

यूहन्‍ना 16:23

ती तुजेला ख्‍यिरा ङला काङ ताम्‍ङे साङ मिटितो। ङ ख्‍यिराङला टेङ्‍बो सिरिन, ख्‍यिरा ङे मिङला ङे पपाला काङ लाङ्‍सिनाङ खोकी ख्‍यिराङला नङ्‍गितो।

यूहन्‍ना 21:18

वुतुङ के ङ ख्‍युरुङला सिरिन, ख्‍युरुङ ज्‍येन्‍दा वोतुप पेला याङ ख्‍योरो करा ख्‍योरो राङ च्‍यिनी ख्‍युरुङ कनी डोयी दे लङ्‍गिवे, ते राङ गाल्‍सुङ। यिने ख्‍युरुङ गावा गल्‍सिमा ख्‍योरो लाक्‍पा क्‍योङ्‍गितो, तमा मी यम्‍बी राङ ख्‍योरो करा च्‍यि बिन्‍नी ख्‍युरुङ डोयी मेदेवु दासाला टिनी डितो।”

यूहन्‍ना 3:3

तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

यूहन्‍ना 3:5

तमा येशूकी तीला सुङ्‍सुङ, “वुतुङ के ङ ख्‍युरुङला सिरिन। छ्‍यु ताङ कोन्‍छ्‍योककी थु चाङ्‍मा नेमा माक्‍येसुङ सिसिन सु साङ कोन्‍छ्‍योककी ग्‍येल्‍खापला शुक मुथुपी।

यूहन्‍ना 5:19

तमा येशूकी तिवाला सुङ्‍सुङ, “ङ ख्‍यिराङला टेङ्‍बो सिरिन, पुज्‍युङ खोरो राङ काङ साङ कि मुथुपी, यिने पपी काङ कितुप थोङ वे, पुज्‍युङकी साङ तुकै राङ किवी।

यूहन्‍ना 5:27

तमा पपी खोरे पुज्‍युङला दी जम्‍बुलिङकी मीतिवा तेरीला ठिम कितुप ओङ नाङ्‍सुङ। ती ति खोकी पुज्‍युङ ति मी पुज्‍युङ यिन्‍दुप तप्‍की यिन।

यूहन्‍ना 6:26

तमा येशूकी तिवाला सुङ्‍सुङ, “वुतुङ के ङ ख्‍यिराङला सिरिन, ख्‍यिरा ङला छलुप ति ङे क्‍यावु हलेवु ततिवा थोङ्‍गुप तप्‍की मिन, यिने ख्‍यिरा डाता सेक शुब्‍ज्‍याङ सोवु तप्‍की यिन।

यूहन्‍ना 6:32

तमा येशूकी सुङ्‍सुङ, “ङ ख्‍यिराङला टेङ्‍बु सिरिन, देवाच्‍येन नेमा शुब्‍ज्‍याङ तेरुप ति मोशा मिन, यिने देवाच्‍येन नेमा ख्‍यिराङला शुब्‍ज्‍याङ टेङ्‍बु नङ्‍गुप ति ङे पपा यिन।

यूहन्‍ना 6:47

वुतुङ के ङ ख्‍यिराङला सिरिन, सी ङला तेपा किवे, तीला नाम्‍साङ मिशिवु मिजी थोप्‍किवी।

यूहन्‍ना 6:53

तमा येशूकी तिवाला सुङ्‍सुङ, “ङ ख्‍यिराङला टेङ्‍बो सिरिन, ख्‍यिरा ङ मी पुज्‍युङकी जु मासोसिन ताङ ङ मी पुज्‍युङकी ठक माथुसिन ख्‍यिराङला नाम्‍साङ मिशिवु मिजी मोथोपिवी।

यूहन्‍ना 8:34

तमा येशूकी तिवाला सुङ्‍सुङ, “वुतुङ के ङ ख्‍यिराङला सिरिन, दिक्‍पा कितुप ति दिक्‍पाकी योक्‍पु यिन।

यूहन्‍ना 8:51

वुतुङ के ङ ख्‍यिराङला सिरिन, सु ङे सुङला ङ्‍येन्‍गिवे, ती ति नाम्‍साङ मिशिवी।”

यूहन्‍ना 8:58

तमा येशूकी तिवाला “वुतुङ के ङ ख्‍यिराङला सिरिन, अब्राहाम क्‍येप सिनाङ गोमाला के ङ वोतुप यिन।” सिनी सुङ्‍सुङ।

लोमा छ्‍येतिवी लाका 7:56

तमा तीकी सिक्‍यासुङ, “ल्‍होसा, देवाच्‍येन सेङ्‍गुप ताङ मी सेवु ति कोन्‍छ्‍योककी यावी थाकाला लानी वोतुप ति ङे थोङ्‍सुङ।”

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

२ थेसलोनिकी 1:9

तमा ती पर्च्या ङ्‍येतुपतिवा ति चोवो येशूकी मु नेसुर ताङ खोकी ङार छ्‍येवु ओङ वोतुप मोवा नेसुर तेन्‍नी नरीकी थोक्‍ला ना तोङ्‍गिवी।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

हिब्रू 1:14

ती देवाच्‍येनकी लेन क्‍योलुप थुतिवा ति सु यिन रो? काङ तिवा याङ दिक्‍पा ने थर्वा ङ्‍येतुपतिवाला शब्‍ज्‍यी कितुप थोक्‍ला तङ्‍गुप थुतिवा तिराङ मिन रो?

यहूदा 1:14

तीकी कोर्ला आदमकी गिपा दिन्‍बा हनोककी साङ दुक सिनी नम्‍दर शेन वे, “ल्‍होसा, छासे देवाच्‍येनकी लेन क्‍योलुप थु मङ्‍मुकी मुला चोवो फेपिन वोतो।

ज्‍यल्‍का 19:11

येलुङ देवाच्‍येन सेवु ताङ देवाच्‍येनला त कर्मु यी वोतुप ति ङे थोङ्‍सुङ। ती ते खला शेन्‍दुप तीकी मिङ ति खोङ्‍तेर्मु ताङ टेङ्‍बु सिनी सिवी। खोकी मी सुला साङ ख्‍ये मापेनी ठिम क्‍या नङ्‍गिनोक। तमा डतिवी मुला मक ग्‍यकुप पेला साङ ठिम टेङ्‍बु क्‍या नङ्‍गिनोक।

ज्‍यल्‍का 4:1

ती ज्‍युक्‍ला ङे ल्‍हासालेन्‍सिन देवाच्‍येनला गो च्‍यिक वोतुप थोङ्‍सुङ। ती गो ति तङी नोक। थल्‍माला ङे थोवु ग्‍येलिङ पुवु दोके वोरु तीकी ङला “दे केला शोक। ज्‍युक्‍ला चुका चुका ताम्‍ङेतिवा च्‍युङ्‍गिवी, ती ति ङ ख्‍युरुङला लपिन।” सिनी सुङ्‍सुङ।