यूहन्‍ना 1:4 - कोन्छ्‌योककी सुङ

⁴ खोरे ज्‍ये नङ्‍गुपतिवा तेरीकी ती सुङ नेसुर मिजी थोप्‍सुङ, ती मिजी ति मीतिवी वोसिर यिनोक।

यूहन्‍ना 1:4 Iomraidhean Croise

मत्ती 4:16

कोन्‍छ्‍योकला ङो माशेनी दिक्‍पी ओङला देतुपतिवी वोसिर ग्‍येर्पु यी थोङ्‍सुङ। तमा कोन्‍छ्‍योकला ङो माशेनी शेपकी र्‍हिपला देतुपतिवी खला दिक्‍पा ने थर ज्‍यितुप वोसिर यी ग्‍यप्‍सुङ।”

लूका 2:32

दी ति यहूदी मिन्‍दुप मिरिक यम्‍बातिवाला ति चोवोकी लाम छ्‍या देन्‍दुप वोसिर यिन, तमा इस्राएलकी मीतिवाला ति मोवा ङ्‍ये ज्‍यितुप यिन।”

यूहन्‍ना 11:25

तमा येशूकी मार्थाला “शेप ने सेन्‍बु लोङ्‍गुप ताङ मिजी तेरुप ति ङ राङ यिन। सी ङला तेपा किवे, ती ति शिसिनाङ सेन्‍बु लङ्‍गिवी।

यूहन्‍ना 12:35

तमा येशूकी तिवाला सुङ्सुङ, “तरोङ चेयी पर सेक वोसिर ख्‍यिरा पर्ला लुकिवी, ख्‍यिराङ ती वोसिर वोता सेक फार छुर यु। तुक क्यासिन नक्‍तोमीकी ख्‍यिराङला उप मुथुपी। नक्‍तोमीला युकुपतिवी खुरुङ कनी डोयी वे सिरुप ति हाक्‍मोकोवी।

यूहन्‍ना 12:46

ङ दी जम्‍बुलिङला वावु वोसिर यिन। ती ति ङला तेपा कितुपतिवा सु साङ नक्‍तोमीला लु मिज्‍यिवुला यिन।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 3:19

ती ठिम फोकुप ति दी यिन, कोन्‍छ्‍योककी जम्‍बुलिङला वोसिर तङ वे, यिने मीतिवा दुक्‍टा गलुप तप्‍की वोसिरला सिनाङ नक्‍तोमीला मङ सेमला गाल।

यूहन्‍ना 5:21

पपी शेपतिवाला सेन्‍बु लङ च्‍यिनी तिवाला नाम्‍साङ मिशिवु मिजी नङ्‍गुप दोके खोकी पुज्‍युङकी साङ सुला मिजी तेरुप नोवा नोके, तीला नाम्‍साङ मिशिवु मिजी तेर्किवी।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

यूहन्‍ना 9:5

जम्‍बुलिङला वोता सेक ङ ति जम्‍बुलिङकी वोसिर यिन।”

लोमा छ्‍येतिवी लाका 26:23

ङे सिक्‍यावु ति ख्रीष्‍टकी दुक्‍पा खुर गोवु ताङ टुङ्‍नी थल्‍माला ङोसु लानी खोरो गिपा ताङ यहूदी मिन्‍दुप मिरिक यम्‍बाकी मीतिवाला दिक्‍पा ने थर ज्‍यितुप वोसिरकी लाम छ्‍या तेन नङ्‍गिवी सिरुप कोर्ला यिन।”

१ कोरिन्‍थी 15:45

ती तप्‍की कोन्‍छ्‍योककी सुङला “थल्‍माकी मी आदम ति सेन्‍बु वोतुप मी च्‍युङ्‍सुङ।” सिनी टि वे, यिने तिङ्‍मी आदम यिन्‍दुप ख्रीष्‍ट ति मिजी नङ्‍गुप थु च्‍युङ्‍सुङ।

एफिसी 5:14

च्‍यिलासिसिन तेरी ताम्‍ङेतिवा थोङ ज्‍यितुप ति ठछ्‍येली यिन। ती तप्‍की मीतिवी दुक सिनी सिवी, “ओ ङ्‍यिलोकुपतिवा लो! तमा ख्‍यिराङ शेपतिवा शेप नेमा येर खोक लो! ख्रीष्‍टकी ख्‍यिराङला वोसिर नङ्‍गिवी।”

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

१ यूहन्‍ना 1:1

दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।

१ यूहन्‍ना 1:2

ती मिजी ति जम्‍बुलिङला फेवु ङ्‍यिरा थोङ्‍सुङ। तुक क्‍यानी ती नाम्‍साङ मिशिवु मिजीकी कोर्ला ङ्‍यिराङ ख्‍यिराङला पङ्‍बु बिन्‍नी सिरिन। ती मिजी ति थल्‍माला के पपा कोन्‍छ्‍योककी मुला नोक, ती ति ङ्‍यिरा पर्ला फेप्‍सुङ।

१ यूहन्‍ना 5:11

पङ्‍बु ति दी राङ यिन, कोन्‍छ्‍योककी दाक्‍पुला नाम्‍साङ मिशिवु मिजी नाङ्‍सुङ। ती मिजी ति खोकी सेवु येशूकी मुला वे।

ज्‍यल्‍का 22:1

येलुङ देवाच्‍येनकी लेन क्‍योलुप थु तीकी ङला शेल दोके सल्‍वु वोतुप मिजीकी चङ्‍बु च्‍यिक छ्‍या तेन्‍सुङ। ती चङ्‍बु ति कोन्‍छ्‍योक ताङ लुक रुककी ग्‍येल्‍ठिक नेमा थेन्‍नी

ज्‍यल्‍का 22:16

“ङ येशू यिन, ङे राङ दी ताम्‍ङेतिवा चर्चतिवाला पङ्‍बु तेरुपला ङरा लेन क्‍योलुप थुतिवा तिवी ते तङ्‍गुप यिन। ङ ग्‍येल्‍वु दाऊदकी गिपा नेसुर वावु मी यिन, टोपला शरुप वो ग्‍यकुप कर्ज्याङ साङ यिन।”