यूहन्‍ना 1:10 - कोन्छ्‌योककी सुङ

¹⁰ खो ति जम्‍बुलिङला राङ ज्‍युनोक, तमा दी जम्‍बुलिङ ति खोकी राङ ज्‍ये नाङ्‍सुङ, यिन्‍सिनाङ जम्‍बुलिङकी मीतिवी खोला ङो माशेनोक।

यूहन्‍ना 1:10 Iomraidhean Croise

मत्ती 11:27

पपी ङला तेरी चेक तेन नाङ्‍सुङ। पपी तिराङ पुज्‍युङला ङो शेकिवी। तमा पुज्‍युङ ताङ पुज्‍युङकी खुरुङ सु यिन सिनी छ्‍या देन्‍दुपला पेतुपतिवी मिसिन यम्‍बा सी साङ पपाला ङो मेशेवी।

यूहन्‍ना 1:11

खो खोरे लुङ्‍बाला फेप्‍सुङ, यिने खोरे मीतिवी राङ खोला सेमला माला।

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 1:3

तमा ती सुङ नेसुर राङ कोन्‍छ्‍योककी तेरी जम्‍बुलिङ ज्‍ये नाङ्‍सुङ, ज्‍येवु ति च्‍यिक साङ खोकी मिसिन माजोवु यिन।

यूहन्‍ना 1:5

ती वोसिर ति नक्‍तोमी वुङ्‍ला ग्‍यकिनोक, यिने ती नक्‍तोमीकी ती वोसिरला हाक्‍को माथुप।

यूहन्‍ना 17:25

ओ ठिम टेङ्‍बु क्‍या नङ्‍गुप पपा, जम्‍बुलिङकी मीतिवी पपाला ङो माशे, यिने ङ याङ पपाला ङो शेतिन, तमा ङला तेपा कितुपतिवी साङ पपी ङला तङ्‍गुप यिन सिनी हाक्‍कोनी वे।

यूहन्‍ना 5:17

यिने येशूकी तिवाला दुक सुङ्‍सुङ, “ङे पपी त सेक नरी लाका कियी वे, तुक क्‍यानी ङ साङ लाका कियी वे।”

लोमा छ्‍येतिवी लाका 14:17

यिन्‍सिनाङ खोकी क्‍या नङ्‍गुप लाका ति टेङ्‍बु यिन सिनी पङ्‍बु तेरुप क्‍युर्नी माज्‍याक। च्‍यिलासिसिन खोकी ख्‍यिराङला नाम नेमा छ्‍यर्वा तङ्‍नी डेलु ताङ डुप्‍सेन ताङ ख्‍यिराङला गोवु समातिवा गोरुप तुजे नङ्‍नी ख्‍यिराङला सेम किर्मु जो नाङ्‍सुङ।”

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ कोरिन्‍थी 2:8

ती ताम्‍ङे ति दी कल्‍वाकी ओङ्‍ज्‍येन कितुपतिवी हाक्‍माको। तिवी हाक्‍कोवु यिन्‍सिन मोवा वोतुप चोवो येशू ख्रीष्‍टला ग्‍यङ्‍शिङला मेगेलुप्‍जा।

१ कोरिन्‍थी 8:6

दाक्‍पी थोक्‍ला ति पपा कोन्‍छ्‍योक च्‍यिक राङ वे। खोकी सुङ नेसुर राङ जम्‍बुलिङला वोतुप च्‍यालकतिवा तेरी ज्‍येसुङ। दाक्‍पु साङ कोन्‍छ्‍योककी थोक्‍ला मिजी क्‍योङ्‍यिन वे। तमा येशू ख्रीष्‍ट तिराङ दाक्‍पी तेपा क्‍यावु चोवो यिन। खो नेसुर राङ कोन्‍छ्‍योककी जम्‍बुलिङला वोतुप तेरी च्‍यालकतिवा ज्‍ये नाङ्‍सुङ। तमा दाक्‍पुला मिजी नङ्‍गुप साङ येशू ख्रीष्‍ट राङ यिन।

कलस्सी 1:16

च्‍यिलासिसिन मिककी थोङ्‍गुप ताङ मोथोङ्‍गुप तेरी च्‍यालकतिवा खो नेसुर राङ ज्‍ये नङ्‍गुप यिन। देवाच्‍येन ताङ जम्‍बुलिङला वोतुपतिवा ताङ ग्‍येल्‍ठिकतिवा ताङ ग्‍येला कितुप ओङतिवा ताङ ठिम कितुप ङारतिवा ताङ ओङ्‍ज्‍येनतिवा ताङ तेरी च्‍यालकतिवा खो नेसुर राङ खोरे थोक्‍ला ज्‍ये नङ्‍गुप यिन।

हिब्रू 11:3

तेपा नेसुर राङ दी जम्‍बुलिङ ति कोन्‍छ्‍योककी सुङगी ज्‍येवु यिन। तमा दाक्‍पी थोङ्‍गुप च्‍यालक ति मोथोङ्‍गुप च्‍यालक नेसुर च्‍युङ्‍गुप यिन सिरुप ति हाक्‍कोकिवी।

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।