याकूब 5:9 - कोन्छ्‌योककी सुङ

⁹ ती तप्‍की अच्‍युनुपतिवा, ख्‍यिराङ च्‍यिककी च्‍यिकला ङ्‍योशोक ङ्‍योशोक मासिर। मिसियाङ ख्‍यिराङ कोन्‍छ्‍योककी पर्च्याला ख्‍येल्‍गितो। ल्‍होसा, ख्‍यिराङला ठिम कितुप चोवो ति गे चाला राङ वोतो।

याकूब 5:9 Iomraidhean Croise

मत्ती 24:33

तुक राङ क्‍यानी ख्‍यिरा दी तेरी ताम्‍ङेतिवा च्‍युङ्‍गुप थोङ्‍सिमा ङ मी पुज्‍युङ छासे चिप्‍ला राङ लेप्‍नी वे सिरुप ति हाक्‍कोवा की।

मर्कूस 13:29

ती दोके दिवा तेरी ताम्‍ङेतिवा च्‍युङ्‍गुप थोङ्‍सिन ङ मी पुज्‍युङ छासे चिप्‍ला राङ लेप्‍नी वे सिरुप ति ख्‍यिरा हाक्‍कोवा की।

मर्कूस 6:19

तमा हेरोदियासकी यूहन्‍नाला ङ्‍यिर्मु लानी तीला सेतुप छल्‍सिनाङ से माथुप।

१ कोरिन्‍थी 10:11

तिवाला तुकै च्‍युङ्‍गुप ति दाक्‍पी थोक्‍ला येन्‍देन तेरुपला यिन। तमा ती ताम्‍ङेतिवा कोन्‍छ्‍योककी सुङला टिवु ति दाक्‍पुला च्‍याङ्‍से दे ज्‍यितुपला यिन। च्‍यिलासिसिन त याङ जम्‍बुलिङ ना डोप तुजे छे वे।

१ कोरिन्‍थी 4:5

तुक क्‍यानी ख्‍यिराङ कोन्‍छ्‍योककी ठिम क्‍या नङ्‍गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्‍पी सी साङ हाक्‍माकोवा क्‍यानी क्‍यावु लाका ल्‍यामु मेलोवा ति तेरी खोकी ठछ्‍येली थोङ्‍गिवी। मी सेमगी नोवातिवा साङ ठछ्‍येली छ्‍या देन्‍गिवी। ती पेला मीतिवा रे रेला कोन्‍छ्‍योककी “ख्‍यिरा छासे को छ्‍येसुङ।” सिनी सुङ्‍गिवी।

२ कोरिन्थी 9:7

चुका मी तीकी साङ खोरो सेम्‍बा सेमगी बिन। तेरुप सेम मेता क्‍यानी मिन, याङ्‍ना करखापला ख्‍येल्‍नी साङ मिन। च्‍यिलासिसिन सेम गा क्‍यानी तेरुप तीला कोन्‍छ्‍योककी ङ्‍यिङ्‍ज्‍ये किवी।

गलाती 5:14

तेरी ठिमतिवा ति क च्‍यिककी नाङ्‍ला वे, ती ति रङगी युल्‍वातिवाला खुरुङला दोके ङ्‍यिङ्‍ज्‍ये कितुप यिन।

गलाती 5:26

दाक्‍पु ङ राङ यिन सिरुप मेवी, च्‍यिककी च्‍यिकला ङ्‍यिर्मु लोङ्‍गुप मेवी, तमा च्‍यिककी च्‍यिकला ठतोक साङ कितुप मेवी।

याकूब 4:11

ओ अच्‍युनुपतिवा, ख्‍यिराङ च्‍यिक ताङ च्‍यिककी तेन्‍दोकला ताम्‍ङे मेलोवा माकी। सी खोरो नुपकी तेन्‍दोकला ताम्‍ङे मेलोवा क्‍यानी क्‍येन तेर्किवे, तीकी कोन्‍छ्‍योककी नङ्‍गुप ठिमकी तेन्‍दोकला ताम्‍ङे मेलोवा कितुप ताङ क्‍येन तेरुप यिन। ख्‍यिरा ठिमकी तेन्‍दोकला क्‍येन बिन्‍सिन कोन्‍छ्‍योककी ठिमला सुङ्‍गुप दोके मिजी क्‍योङ्‍गुप मिन, ठिमकी तेन्‍दोकला क्‍येन बिन्‍दुप यिन।

याकूब 4:12

ठिम नङ्‍गुप ताङ ठिम कितुप ति मिरा च्‍यिक राङ वे। खोकी र्‍होकुप साङ थुप्‍किवी, ना साङ तोङ थुप्‍किवी। तुक क्‍यानी रङगी युल्‍वातिवाला क्‍येन तेरुप ति ख्‍युरुङ सु यिन?

याकूब 5:10

अच्‍युनुपतिवा, कोन्‍छ्‍योककी मिङला नम्‍दर शेतुप लुङ्‍तेम्‍बातिवाला ल्हो। तिवा चुक क्‍यानी छेटाङ खुरुप ताङ हम क्‍यान देतुप ति नासाम ताङ्‍नी ख्‍यिराङ साङ तिवी दोके क्‍यानी लुमु से।

याकूब 5:7

ती तप्‍की अच्‍युनुपतिवा, ख्‍यिराङ ति चोवो येशू फेवु तुजे माछेवा सेक्‍ला हम क्‍यानी दे। ल्‍होसा, सप्‍ले कितुप मीकी सशिङकी गोङ नावु डुप्‍सेनला ल्‍येशी नोनी येर्वी छ्‍यर्वा ग्‍यक्‍ता सेक ताङ गुन्‍बी छ्‍यर्वा ग्‍यक्‍ता सेक हम क्‍यानी गु देकिवी।

१ पत्रुस 4:5

यिने सेन्‍बु वोतुप ताङ शेपतिवाला ठिम क्‍या नङ्‍गुप कोन्‍छ्‍योकला तिवी क्‍यावु लाकाकी ची ति तिवी ते राङ गोकिवी।

१ पत्रुस 4:9

ख्‍यिराङ ख्‍यिरा खाङ्‍बाला वुङ्‍गुप डेन्‍बुतिवाला मुक्‍तम मातेन्‍नी च्‍यिककी च्‍यिकला ताङ्‍देन किसा।

ज्‍यल्‍का 3:20

ल्‍होसा, ङ गे फिला लानी डक डक ग्‍यकिनो। सी ङे वोरु थोनी गो बेकिवे, ङ ती नाङ्‍ला शुनी तीकी मुला समा सायिनो। तमा तीकी ङ ताङ मुला राङ समा सेवितो।