याकूब 5:8 - कोन्छ्‌योककी सुङ

⁸ ती दोके क्‍यानी ख्‍यिराङ सेम थिला ज्‍याक्‍नी चोवो फेवु तुजेकी थोक्‍ला हम क्‍यानी गुनी देता, च्‍यिलासिसिन चोवो ङमु राङ फेप्‍कितो।

याकूब 5:8 Iomraidhean Croise

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

यूहन्‍ना 21:22

तमा येशूकी तीला “ङ माङुवा सेक तीला सेन्‍बु देशी सिरुप ङे नो क्‍यासिनाङ ती ताम्‍ङे ति ख्‍युरुङला काङ गोसुङ? ख्‍युरुङ ति ङे तिङ्‍ला तिङ्‍यो।” सिनी सुङ्‍सुङ।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

फिलिप्पी 4:5

ख्‍यिराङ च्‍यङ्‍च्‍यु सेम्‍बा वोतुप ति तेरी मीतिवाला छ्‍या तेन। नासाम तोङा, चोवो ङमु राङ फेपिन वोतो।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

२ थेसलोनिकी 3:5

कोन्‍छ्‍योककी ख्‍यिराङला चुक क्‍यानी ङ्‍यिङ्‍ज्‍ये क्‍या नङ्‍गुप ताङ ख्रीष्‍टकी चो छेटाङ ख्‍येल्‍सिनाङ हम क्‍या देतुप ति ख्‍यिरा सेमला ल्‍यामो क्‍यानी हाक्‍कोवुला गोमा किशी।

याकूब 5:3

ख्‍यिरा सेर ताङ ङुलला या छ्‍यान वे, तमा ती या ति ख्‍यिरा थोक्‍ला पङ्‍बु डिवी। तीकी ख्‍यिरा जु ति मे छिकुप दोके क्‍यानी ना तोङ्‍गितो। च्‍यिलासिसिन ख्‍यिराङ जम्‍बुलिङ ना डोप तुजे वुङ्‍गुप छल्‍सिनाङ रङगी थोक्‍ला टोङ्‍बा सकुप लाका तिराङ क्‍यासुङ।

याकूब 5:9

ती तप्‍की अच्‍युनुपतिवा, ख्‍यिराङ च्‍यिककी च्‍यिकला ङ्‍योशोक ङ्‍योशोक मासिर। मिसियाङ ख्‍यिराङ कोन्‍छ्‍योककी पर्च्याला ख्‍येल्‍गितो। ल्‍होसा, ख्‍यिराङला ठिम कितुप चोवो ति गे चाला राङ वोतो।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

ज्‍यल्‍का 22:20

दी ताम्‍ङेकी पङ्‍बु तेरुप तीकी दुक सुङ्‍गिवी, “वुतुङ के ङ ङमु राङ वुङ्‍यिनो।” आमिन चोवो येशू फेप!