याकूब 5:6 - कोन्छ्‌योककी सुङ

⁶ ख्‍यिरा काङ साङ क्‍येन मेतुप मीतिवाला क्‍येन बिन्‍नी तिवाला सेसुङ, यिने तिवी ख्‍यिराङला लाक्‍पा मालोक।

याकूब 5:6 Iomraidhean Croise

मत्ती 21:38

यिने ती पिज्‍यिङ्‍बातिवी ज्‍यिन्‍दाककी पुज्युङ वुङ्‍गुप थोङ्‍सिमा ‘दी याङ ज्‍यिन्‍दाककी अंश थोप छ्‍योवु यिन। दीला दाक्‍पु सेतुप, तमा दीला थोपुप अंश ति दाक्‍पु राङ लङ्‍गुप।’ सिनी खोप्‍राङ पर्ला सिक्‍यासुङ।

मत्ती 27:20

यिने कोङ्‍यार छ्‍येतिवा ताङ यहूदी गोमा कितुप मी छ्‍येतिवी मी माङ्‍छ्‍योकला चेन्‍नी बरब्‍बाला ति पि ताङ्‍नी येशूला ति सेतुप छ्‍येर्पा बिन सिनी सि च्‍यिसुङ।

मत्ती 5:39

यिने ङ ख्‍यिराङला सिरिन, ख्‍यिराङला मेलोक्‍पा कितुपतिवाला काङ साङ ङ्‍येन मालाङ। सी ख्‍योरो डम्‍बा यावाला बेप्‍किवे, तीला यम्‍बा थाकाकी डम्‍बा साङ जेनी बिन।

लोमा छ्‍येतिवी लाका 22:14

तमा तीकी ङला ‘दाक्‍पी पगावा हङ्‍गावी कोन्‍छ्‍योककी खोरो नोवा हाक्‍को ज्‍यितुपला ताङ टेङ्‍बु वोतुप येशूला थोङ्‍गुपला ताङ खोकी ख नेमा थेन्‍दुप सुङ ङ्‍येन्‍दुपला ख्‍युरुङला पेन नङ्‍गुप यिन।

लोमा छ्‍येतिवी लाका 7:52

ख्‍यिरा हङ्‍गावातिवी चुका कोन्‍छ्‍योककी लुङ्‍तेम्‍बातिवाला छेटाङ माबिन वे? टेङ्‍बु वोतुप मी यी गितो सिरुप कोन्‍छ्‍योककी लुङ्‍तेम्‍बातिवा तेरीला तिवी सेसुङ। तमा ख्‍यिरा साङ ती टेङ्‍बु वोतुप तीला क्‍येन बिन्‍नी सेतुप यिन।

लोमा छ्‍येतिवी लाका 8:32

ती मी छ्‍ये तीकी रकिन कितुप सुङ ति दी नोक, “लुक सेतुपला टि गलुप दोके याङ्‍ना पाल टेकुप पेला लुक खरक्‍पा सोके देतुप दोके खोकी काङ साङ मासुङ।

हिब्रू 10:38

ङे थोङ्‍दाङला टेङ्‍बु च्‍युङ्‍गुप मीतिवा ति ङला तेपा क्‍यानी सेन्‍बु लुकिवी, यिने ङला तेपा कितुप क्‍युर्नी ज्‍योकुप तीकी मुला ति ङ गा मिकी।” सिनी टि वे।

याकूब 2:6

यिने ख्‍यिरा याङ पेराङ्‍बुतिवाला ङ्‍यिङ्‍मर क्‍यासुङ। काङ मी छ्‍युक्‍पुतिवी ख्‍यिराङला ओङ्‍ज्‍येन क्‍यानी दुक्‍पा मेतेर्वी रो? काङ तिवी ख्‍यिराङला ठिम्‍खाङला टिनी मोक्‍योल्‍वी रो?

याकूब 4:2

ख्‍यिराङ ख्‍यिरा सेमला नो क्‍यावु च्‍यालकतिवा थोप्‍शी सिरुप याङ नो किवी, यिने मेङ्‍येवी। ख्‍यिराङ ख्‍यिरा नो क्‍यावु च्‍यालकतिवा थोपुपला मी सेतुप ताङ देर्पा क्‍यासिनाङ, खाँदा ताङ थमु ग्‍यप्‍सिनाङ ख्‍यिराङला काङ साङ मेङ्‍येवी। च्‍यिलासिसिन ख्‍यिराङ कोन्‍छ्‍योकला मोलोङ्‍गिवी।

१ पत्रुस 4:18

तमा कोन्‍छ्‍योककी सुङला साङ दुक सिनी टि वे, “दोजो कोन्‍छ्‍योककी सुङला युकुप मीतिवाला साङ दिक्‍पा ने थरुपला कले वोसिन टेङ्‍बु मेतुपतिवाला याङ चुकै के डि ताङ?”