याकूब 5:5 - कोन्छ्‌योककी सुङ

⁵ ख्‍यिराङ दी जम्‍बुलिङला गा ताङ किर्मु क्‍यानी किकी तोङ्‍यिन सिरा मिजी क्‍योङ्‍यिन वे। तुक क्‍यानी ख्‍यिराङ सेतुप पेला लेप्‍सिनाङ खोरो मिजी तिराङ नासाम तङ्‍नी ग्‍यामु जो ज्‍याक्‍नी वे।

याकूब 5:5 Iomraidhean Croise

लूका 16:19

“दासा यीला मी छ्‍युक्‍पु यी नोक। ती ति मज्‍या ल्‍यामु ल्‍यामु कोन्‍नी ङ्‍यिमी टेङ छासे किर्मु क्‍यानी मिजी क्‍योङ्‍गिनोक।

लूका 16:25

यिने अब्राहामकी तीला सिक्‍यासुङ, ‘पुज्‍यो, ख्‍युरुङ नासाम तोङ। ख्‍युरुङ सेन्‍बु वोतुप पेला तेरी गा ताङ किर्मु कितुप ङ्‍येनी वे। यिने दी लाजरस तीकी याङ दुक्‍पा बङी खुर्सुङ। यिने त याङ दीला किर्मु ङ्‍येन वे, ख्‍युरुङ ति छेटाङला ख्‍येल वे।

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

१ तिमोथी 5:6

दोजो ललाइ युक्‍सिमतिवा गा ताङ किर्मुला तिराङ येनी देकिवी सिसिन तिवा सेन्‍बुला राङ शेप दोके यिन।

२ तिमोथी 3:4

मीला जिनोक जोनी क्‍येन तेरुप ताङ ङ्‍यिर्मु कोक्‍पु वोतुप ताङ ङ राङ यिन सिरुप ताङ कोन्‍छ्‍योकला सिनाङ गा ताङ किर्मुला तिराङ नासाम तोङ्‍गुप ताङ

२ पत्रुस 2:13

तिवी दुक्‍टा क्‍यावु तप्‍की तिवी छ्‍येर्पा ति खोप्‍रे राङ खुर गोकिवी। तिवा ङ्‍यिमी गुङला छ्‍याङ आराक थुनी देतुप ति गा किवी, तिवा ङोछा मेतुप ताङ ताङ्‍देन कि मोछ्‍योवु मी यिन। तिवी ख्‍यिराङ मुला राङ देनी साप ताङ थुङ्‍गुप पेला साङ नरी जिनोक जोप तिराङ गा किवी।

यहूदा 1:12

ती मीतिवा ख्‍यिरा डेन साप पेला ख्‍यिराङला मारेला जोप तिराङ यिन। च्‍यिलासिसिन तिवा मी यम्‍बाला ङ्‍याम माक्‍यानी खोप्‍राङ खोक्‍पा ग्‍येङ्‍गुप नासाम तिराङ तोङ्‍गिवी। तिवा ति वुर्तुककी फार छुर शरुप छ्‍यर्वा माग्‍यकुप मुक्‍पा र्‍हेमे दोके यिन। तमा येर्वु साङ डेलु मोगोरुप दोङ्‍बु मार ताङ डेके पल्‍नी तेरी कम्‍बुप गल्‍नी शेप दोके यिन।

ज्‍यल्‍का 18:7

तिवी चो खुरुङ ति ‘ङ तेरी सिनाङ छ्‍ये यिन, ङला चोयी टोङ्‍बा ति सुला साङ मे’ सिनी किर्मु क्‍यावे, तोजोयी राङ तिवाला छेटाङ ताङ ङुप्‍राङला ख्‍येल च्‍यी। च्‍यिलासिसिन बेबिलोनकी सेमला ‘ङ ग्‍येल्‍ठिकला देनी ग्‍येला कितुप ग्‍येल्‍मु यिन। ङ याङ युक्‍सिमा मिन। ङे नाम्‍साङ दुङल कि मोगोवी’ सिनी सिवी।