याकूब 5:12 - कोन्छ्‌योककी सुङ

¹² अच्‍युनुपतिवा, खक्‍छ्‍येवु ताम्‍ङे ति काङ यिन सिसिन, ख्‍यिरा पर्ला ताम्‍ङे थाक्‍छ्‍येतुप पेला नाम्‍साङ न माक्‍योल। देवाच्‍येन ताङ जम्‍बुलिङकी थोक्‍ला याङ्‍ना चुका च्‍यालककी थोक्‍ला साङ न माक्‍योल। चुका ताम्‍ङे साङ यिन्‍सिन यिन सी, मिन्‍सिन मिन सी। तुक क्‍यासिन कोन्‍छ्‍योककी ख्‍यिराङला पर्च्या मोतोङ्‍गिवी।

याकूब 5:12 Iomraidhean Croise

१ कोरिन्‍थी 11:34

दोजो ललाइ ल्‍होतुङ्‍बा वोसिन तीकी खोरो खाङ्‍बाला राङ सशी। मिसियाङ मुला राङ जोम्‍नी चोवोकी डेन साप पेला ख्‍यिराङला साङ पर्च्या फोकिवी। यम्‍बा ताम्‍ङेतिवा ति ङ वासिमा सिरुप्‍नो।

याकूब 1:16

ङे ङ्‍यिङ्‍ज्‍येवु अच्‍युनुपतिवा, ख्‍यिराङ मी यम्‍बी जिनोकला मेख्‍येल्‍शी।

याकूब 1:19

ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति हाक्‍कोवा किसा। ख्‍यिराङ टिम्‍बु क्‍यानी ङ्‍येन्‍दुप ताङ फिमु क्‍यानी ताम्‍ङे लपुप ताङ टिम्‍बु ङ्‍यिर्मु मिकिवु वुङ गोकिवी।

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।

३ यूहन्‍ना 1:2

दाल्‍जो, ख्‍योरो मिजीला तेपा रम्‍बु च्‍युङ्‍नी ख्‍युरुङला तेरी ताम्‍ङेतिवा ल्‍यामु वुङ्‍शी, नाप्‍छाप काङ साङ मेङ्‍शी सिनी ङ मोपोर कितिन।