याकूब 4:7 - कोन्छ्‌योककी सुङ

⁷ तुक क्‍यानी रङगी मिजी ति कोन्‍छ्‍योककी ओङला ज्‍योक, तमा शैतानकी तेन्‍दोकला लो। तुक क्‍यासिन ती शैतान ति ख्‍यिरा नेसुर टोनी डिवी।

याकूब 4:7 Iomraidhean Croise

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

लोमा छ्‍येतिवी लाका 26:19

ती तप्‍की ओ ग्‍येल्‍वु अग्रिपास, देवाच्‍येन नेमा सुङ्‍गुप ताम्‍ङेला ङे ङ्‍येनिन।

लोमा छ्‍येतिवी लाका 9:6

त ख्‍युरुङ लानी ग्‍येसाला ग्‍युक! तमा ते ख्‍योरो काङ कि गोकी, ती ति मी च्‍यिककी ख्‍युरुङला लोप्‍कितो।”

रोमी 10:3

तिवी कोन्‍छ्‍योककी थोङ्‍दाङला टेङ्‍बु ङ्‍येतुप ति हाक्‍माकोनी खोप्‍रे राङ टेङ्‍बु कितुप लाका तिराङ क्‍यासिमा खोकी थोङ्‍दाङला टेङ्‍बु ङ्‍येतुपला माङ्‍येन।

रोमी 14:11

ती तप्‍की कोन्‍छ्‍योककी सुङला दुक सिनी टि वे, “चोवो कोन्‍छ्‍योककी दुक सुङ्‍गिवी, ङ ङोसु वोतुप कोन्‍छ्‍योक यिन। तुक क्‍यानी तेरी मीतिवा ङे दोङ्‍ला पुमुङ सला जुकिवी। तमा तेरी मीतिवी ङला राङ कोन्‍छ्‍योक यिन सिनी सोवा देकिवी।”

एफिसी 4:27

डेला ख्‍यिरा नाङ्‍ला लाका कि माज्‍यी।

एफिसी 5:21

येशू ख्रीष्‍टला ताङ्‍देन क्‍यानी च्‍यिक ताङ च्‍यिककी ओङला देता।

एफिसी 6:13

तुक क्‍यानी ती तेरी मक्‍मीकी लाक्‍च्‍येतिवा लङ्‍नी ती तुजे मेलोक्‍पाकी खला ग्‍येल थुपा की। तमा ती मक ग्‍यकुप लाका तेरी सिन्‍सिमा रम्‍बु क्‍यानी दे थुपा की।

हिब्रू 12:9

तोजो तिराङ मिन, जम्‍बुलिङला वोतुप दाक्‍पी पपी दाक्‍पुला छालेन बिन्‍सिनाङ दाक्‍पी पपाला ताङ्‍देन क्‍यासुङ सिसिन मङ देवाच्‍येनला वोतुप पपा कोन्‍छ्‍योककी ओङला दे मोगोवी रो?

१ पत्रुस 2:13

ख्‍यिराङ तेपा कितुप मी यिन्‍दुप तप्‍की चोछ्‍येवु ग्‍येल्‍वु यिन्‍शी, ग्‍येल्‍वी ओङला देनी लुङ्‍बाला ग्‍येला कितुप मी छ्‍येतिवा यिन्‍शी, चोवो कोन्‍छ्‍योककी थोक्‍ला जम्‍बुलिङला वोतुप तेरी ओङ्‍ज्‍येन कितुपतिवी ओङला दे।

१ पत्रुस 5:6

ती तप्‍की चोछ्‍येवु कोन्‍छ्‍योककी ओङला देनी खुरुङ छ्‍येजु मिकिवु वुङ गोकिवी। तमा खोकी नोक्‍यावु तुजेला ख्‍यिराङला छ्‍ये जो नङ्‍गिवी।