याकूब 4:5 - कोन्छ्‌योककी सुङ

⁵ कोन्‍छ्‍योककी दाक्‍पुला नङ्‍गुप थु चाङ्‍माकी दाक्‍पुला छासे गा लानी ङ्‍यिङ्‍ज्‍ये किवी सिनी कोन्‍छ्‍योककी सुङला टिवु ति तेर्मे यिन सिनी ख्‍यिराङ नासाम तोङ्‍गिवी?

याकूब 4:5 Iomraidhean Croise

यूहन्‍ना 10:35

कोन्‍छ्‍योककी सुङ थोपुपतिवाला खोकी ल्‍हा यिन सिनी सुङ्‍सुङ, तमा कोन्‍छ्‍योककी सुङ ति टेङ्‍बु वे।

यूहन्‍ना 19:37

तमा येलुङ कोन्‍छ्‍योककी सुङगी यम्‍बा दासाला साङ “खोरुङला दुङ सुरुप तीला तिवी ल्‍हेवितो।” सिनी टि वे।

यूहन्‍ना 7:42

कोन्‍छ्‍योककी सुङला ख्रीष्‍ट याङ ग्‍येल्‍वु दाऊदकी गिपा नेसुर गितो, तमा दाऊदकी युल बेथलेहेमला क्‍येकितो सिनी सुङ्‍गुप मिन रो?” सिनी सिक्‍यासुङ।

लोमा छ्‍येतिवी लाका 7:9

याकूबकी पुज्‍युङतिवी खोप्‍रे नुप योसेफला ति ठतोक क्‍यानी मिश्र लुङ्‍बाला चोनी ताङ्‍सुङ। क्‍यासिनाङ कोन्‍छ्‍योक ति योसेफ ताङ मुला राङ ज्‍युनोक।

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

रोमी 9:17

च्‍यिलासिसिन कोन्‍छ्‍योककी सुङला मिश्रकी ग्‍येल्‍वु फारोकी कोर्ला साङ दुक सिन टि वे, “ङे ङार ति ख्‍युरुङला छ्‍या देन्‍दुप ताङ जम्‍बुलिङकी मीतिवा तेरीला ङे मिङकी थोक्‍ला सुङ ख्‍याप्‍टाक कितुला ङे ख्‍युरुङला ग्‍येल्‍वु च्‍युङ च्‍यितुप यिन।”

१ कोरिन्‍थी 6:19

ख्‍यिरा जु ति कोन्‍छ्‍योककी थु चाङ्‍मा ज्‍युवु दासा यिन सिरुप ति ख्‍यिराङला छ्‍या मे? ती थु चाङ्‍मा ति कोन्‍छ्‍योककी ख्‍यिराङला नङ्‍गुप यिन। तमा ख्‍योरो मिजी ति ख्‍योरो ति मिन।

२ कोरिन्थी 6:16

कोन्‍छ्‍योककी थु चाङ्‍मा ज्‍युवु ल्‍हङाङ ताङ कुतिवी ति काङ तम्‍जी वे रो? च्‍यिलासिसिन दाक्‍पु ति ङोसु वोतुप कोन्‍छ्‍योककी थु चाङ्‍मा ज्‍युवु ल्‍हङाङ यिन। ती तप्‍की कोन्‍छ्‍योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्‍छ्‍योक यिन, तिवा ति ङे मीतिवा यिन।”

गलाती 3:8

खोकी सुङला खोरे राङ यहूदी मिन्‍दुप मिरिक यम्‍बाकी मीतिवाला तिवी क्‍यावु तेपा नेसुर टेङ्‍बु च्‍युङ्‍गुप ति गोमाला के हाक्‍कोसिमा “ख्‍युरुङ नेसुर राङ तेरी गिपातिवाला मोलाम थोप्‍किवी।” सिनी अब्राहामला गोमाला के सुङ्‍नी वे।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।