याकूब 4:4 - कोन्छ्‌योककी सुङ

⁴ ओ शम्‍डेन कितुप टेङ, कोन्‍छ्‍योकला तेपा क्‍यानी साङ जम्‍बुलिङला गा कितुप ति कोन्‍छ्‍योक ताङ मुला डला गलुप यिन सिरुप ति ख्‍यिराङला छ्‍या मे? सु दी जम्‍बुलिङला गा किवे, ती ति कोन्‍छ्‍योक ताङ मुला डला गलुप यिन।

याकूब 4:4 Iomraidhean Croise

मत्ती 12:39

तमा खोकी तिवाला सुङ्‍सुङ, “दुक्‍टा ताङ शम्‍डेनकी गिपाकी तिराङ त छोल्‍गिवी, यिने दी गिपाकी मीतिवी कोन्‍छ्‍योककी लुङ्‍तेम्‍बा योनाकी त मिसिन यम्‍बा त थोङ्‍गुप मेङ्‍येवी।

मत्ती 16:4

दुक्‍टा ताङ शम्‍डेनकी गिपाकी त छोल्‍गिवी, यिने तिवाला योनाकी त मिसिन यम्‍बा त थोङ मुथुपी।” सिनी सुङ्‍सुङ। तोजोयी सुङ्‍सिमा येशू तिवाला ते राङ क्‍युर ज्‍याक्‍नी तेसुर फेप्‍सुङ।

मत्ती 6:24

“सी साङ ज्‍यिन्‍दाक ङ्‍यीला शब्‍ज्‍यी कि मुथुपी। च्‍यिलासिसिन तीकी ज्‍यिन्‍दाक च्‍यिकला ति ङ्‍यिङ्‍मर किवी, च्‍यिकला ति ङ्‍यिङ्‍ज्‍ये किवी। याङ्‍ना च्‍यिकला ति ताङ्‍देन किवी, च्‍यिकला ति मो बेप्‍किवी। ती दोके ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

लूका 19:27

त ङला ग्‍येल्‍वु च्‍युङ्‍गुप नो मिकिवु ङे डतिवाला दे टि वानी ङे चिप्‍ला राङ से।’”

यूहन्‍ना 15:19

ख्‍यिराङ जम्‍बुलिङकी ति यिन्सिन जम्‍बुलिङकी मीतिवी ख्‍यिराङला खोरो मी यिन सिनी ङ्‍यिङ्‍ज्‍ये कितुप्‍जा। यिने ख्‍यिराङ ति जम्‍बुलिङकी ति मिन, ङे ख्‍यिराङला दी जम्‍बुलिङ ने पेतिन। ती तप्‍की जम्‍बुलिङकी मीतिवी ख्‍यिराङला ङ्‍यिङ्‍मर किवी।

यूहन्‍ना 17:14

पपी ङला सुङ्‍गुप सुङ ति ङे तिवाला सिक्‍यायिन, तमा जम्‍बुलिङकी मीतिवी तिवाला ङ्‍यिङ्‍मर क्‍यासुङ। च्‍यिलासिसिन ङ जम्‍बुलिङकी मी मिन्‍दुप दोके तिवा साङ जम्‍बुलिङकी मी मिन्‍दुप तप्‍की यिन।

यूहन्‍ना 7:7

जम्‍बुलिङकी मीतिवी ख्‍यिराङला ङ्‍यिङ्‍मर कि मुथुपी, यिने ङला याङ ङ्‍यिङ्‍मर किवी, च्‍यिलासिसिन जम्‍बुलिङकी मीतिवी किताङ नालु दुक्‍टा वे सिनी ङे पङ्‍बु बिनिन।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

१ कोरिन्‍थी 1:20

ती तप्‍की रिक्‍पा वोतुपतिवी रिक्‍पा ति काङ फेन थोसुङ रो? छ्‍योकी गेकेनतिवी येन्‍देन ति काङ फेन थोसुङ रो? तमा ताम्‍ङे लपुपला खामु वोतुपतिवी ताम्‍ङे ति काङ फेन थोसुङ रो? कोन्‍छ्‍योककी दी जम्‍बुलिङकी रिक्‍पा वोतुपतिवी रिक्‍पा ति काङ साङ फेन मोथोवु जो नाङ्‍सुङ।

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

गलाती 1:10

त ङे सिक्‍यावु ताम्‍ङे ति मीला गा लोङ्‍गुपला यिनाङ की, कोन्‍छ्‍योकला गा लोङ्‍गुपला यिन? याङ्‍ना ङ मीतिवा नेसुर ताङ्‍देन छोलुपला यिन? ङे तरोङ साङ मीतिवा नेसुर ताङ्‍देन छोलुप लाका क्‍यासुङ सिसिन ङ ख्रीष्‍टला शब्‍ज्‍यी कितुप लावा मिन।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।