याकूब 4:1 - कोन्छ्‌योककी सुङ

¹ ख्‍यिरा पर्ला कङगी तेन्‍दोकला खाँदा ताङ थमु शोर्किवी? ती ति ख्‍यिरा पर्ला रङगी थोक्‍ला तिराङ च्‍युङ्‍शी सिनी सेमला थमु ग्‍यकुप नासाम नरी वोतुप तप्‍की यिन।

याकूब 4:1 Iomraidhean Croise

मत्ती 15:19

च्‍यिलासिसिन सेम नेमा नासाम दुक्‍टा थेन्‍गिवी। तिवा ति मी सेतुप ताङ शम्‍डेन कितुप ताङ छ्‍येवु छ्‍येमु कितुप ताङ कुन कितुप ताङ पङ्‍बु मेटेङ्‍बु तेरुप ताङ मीला मारे तोङ्‍गुप यिन।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

रोमी 7:23

ङे सेमला वोतुप यम्‍बा ठिम दुक्‍टाकी नासाम कुतुक शर्किवी। ती ठिम ति कोन्‍छ्‍योककी ठिमला गा लङ्‍गुप ङे सेमगी ठिम ताङ मुला कशेन माडिक्‍नी ङे मिजीला वोतुप दिक्‍पी ठिमला शोर्किवी।

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

गलाती 5:17

च्‍यिलासिसिन दाक्‍पी जुकी दुक्‍टा वोतुप नासाम ति कोन्‍छ्‍योककी थु चाङ्‍माकी मुला मिडिकिवी। तुक राङ क्‍यानी थु चाङ्‍माकी नासाम साङ जुकी दुक्‍टा वोतुप नासाम ताङ मुला मिडिकिवी। तिवा ङ्‍यिवु ति ड दोके यिन। तुक क्‍यानी ख्‍यिरा काङ लाका कितुप नो क्‍या वे, ती ति कि मुथुपी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

२ तिमोथी 2:23

यिने काङ साङ हाक्‍मोकोवु तेन्‍दोक मेतुप ताम्‍ङेला माङ्‍येन। च्‍यिलासिसिन तुका ताम्‍ङेकी थमु तिराङ लोङ्‍गिवी सिरुप ति ख्‍युरुङला साङ छ्‍या वे।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

तीतस 3:9

यिने ताम्‍ङे अम्‍बारङ्‍शिङ कितुप ताङ गिपाकी कोर्ला फेन मोथोवु ताम्‍ङे कितुप ताङ खाँदा कितुप ताङ ठिमकी कोर्ला थमु ग्‍यकुपतिवी नेसुर क्‍योक्‍से की, च्‍यिलासिसिन दी ताम्‍ङेतिवा ति ख्‍येप्‍साङ मेतुप ताङ तेर्मे यिन।

याकूब 1:14

यिने मीतिवी सेमला नासाम दुक्‍टा शर्नी देर्पाला ख्‍येल्‍सिमा खोक्‍पा ल्‍हापला ख्‍येल्‍गिवी।

याकूब 4:3

ख्‍यिरा कोन्‍छ्‍योकला लोङ्‍गुप याङ लोङ्‍गिवी, यिने मेङ्‍येवी। च्‍यिलासिसिन ख्‍यिराङ खोरुङला तिराङ गा ताङ किर्मु जोप नासाम मेलोवा ताङ्‍नी लोङ्‍गिवी।

१ पत्रुस 1:14

ख्‍यिराङ कोन्‍छ्‍योककी कला ङ्‍येन्‍दुप खोकी पुज्‍युङपुमतिवा यिन्‍दुप तप्‍की गोमाला कोन्‍छ्‍योकला ङो माशेवु पेला क्‍यावु दोके सेम नोजु कितुप क्‍युर।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

२ पत्रुस 3:3

तेरी सिनाङ गोमाला ख्‍यिरा दी ताम्‍ङे ति हाक्‍को गोकिवी। ती ताम्‍ङे ति काङ यिन सिसिन जम्‍बुलिङकी तिङ्‍मी तुजेला खोरो सेमगी नासाम मेलोक्‍पाकी ओङला वोतुप मीतिवी ख्‍यिराङला मर्च्या क्‍यानी दुक सिनी टिवी,