याकूब 3:16 - कोन्छ्‌योककी सुङ

¹⁶ कनी ठतोक कितुप ताङ खुरुङला तिराङ च्‍युङ्‍शी सिरुप सेम नोके, ते खाँदा शोरुप ताङ तेरी परकी लाका दुक्‍टातिवा गिवी।

याकूब 3:16 Iomraidhean Croise

मर्कूस 3:25

येलुङ खाङ्‍बा च्‍यिककी नाङगी मीतिवा खोप्‍राङ पर्ला ख्‍ये पेसुङ सिसिन ती खाङ्‍बा ति लु मुथुपी।

लोमा छ्‍येतिवी लाका 19:29

तुक क्‍यानी ती ग्‍येसा तेरीला छासे हराङ हुरुङ क्‍यासुङ। तेसुर तिवा ख च्‍यिक क्‍यानी माकेडोनिया नेसुर पावलकी मुला वावु पावलकी दाल्‍जा गायस ताङ अरिस्‍तार्खसला जिम्‍नी टियी सिरा मी बङी ल्‍हेर्मु ल्‍हाप दिङ्‍माला गाल्‍सुङ।

रोमी 2:8

यिने खुरुङला तिराङ नासाम तोङ्‍गुप ताङ कोन्‍छ्‍योककी सुङ टेङ्‍बुला माङ्‍येन्‍नी लाका दुक्‍टा तिराङ कितुपतिवाला खोकी ङ्‍यिर्मु ताङ पर्च्या तोङ्‍गिवी।

१ कोरिन्‍थी 14:33

च्‍यिलासिसिन कोन्‍छ्‍योक ति थरा थुरा वोतुप कोन्‍छ्‍योक मिन, यिने लोदिमु नङ्‍गुप कोन्‍छ्‍योक यिन। कोन्‍छ्‍योकला तेपा कितुपतिवा चर्चला जोम्‍बुप पेला

१ कोरिन्‍थी 3:3

ख्‍यिराङ तेपा क्‍यासिनाङ तरोङ साङ जम्‍बुलिङकी ओङला वोतुप मीतिवा दोके राङ वे। च्‍यिलासिसिन ख्‍यिरा पर्ला ठतोक कितुप ताङ खाँदा कितुप किवी। ख्‍यिराङ तुक कितुप ति जम्‍बुलिङकी ओङला वोतुप मीतिवी क्‍यावु दोके मिन रो?

२ कोरिन्थी 12:20

ङ ख्‍यिरा ते वुङ्‍गुप पेला ख्‍यिराङ ङे नोवाला वोतुप दोके ठेकिताङ मेठेताङ, ङ साङ ख्‍यिरा नोवाला वोतुप दोके ठेकिताङ मेठेताङ सिनी ङला ज्‍यिवा लानी वे। तमा ख्‍यिरा पर्ला खाँदा कितुप ताङ ठतोक कितुप ताङ ङ्‍यिर्मु कितुप ताङ रङगी थोक्‍ला तिराङ नासाम तोङ्‍गुप ताङ मी यम्‍बाला ताम्‍ङे मेलोवा कितुप ताङ मीला मेतुप ताङ छ्‍येजु कितुप ताङ खुरुङ राङ सेम नोजु क्‍यानी युकुप गल वे सिनी ङला छासे ज्‍यिवा लानी वे।

गलाती 5:20

ल्‍हलुला तेन्‍दुप ताङ ङ ग्‍यकुप ताङ डला जोप ताङ थमु ग्‍यकुप ताङ ठतोक कितुप ताङ ङ्‍यिर्मु कितुप ताङ खुरुङला तिराङ च्‍युङ्‍शी नो कितुप ताङ ख्‍ये पेनी दाक दाक्‍पी छोक्‍पा जोप ताङ

याकूब 3:14

यिने दोजो ख्‍यिरा सेमला ठतोक कितुप ताङ खुरुङला तिराङ नासाम तोङ्‍गिवी सिसिन, छासे रिक्‍पा वे सिनी तुका ताम्‍ङेला हम्‍बा माकी, यिने ताम्‍ङे टेङ्‍बु तिराङ की।

१ यूहन्‍ना 3:12

दाक्‍पु कयिन दोके वुङ्‍गुप मेङ्‍गिवी। कयिन ति डेकी ओङला वोतुप मी यिन। तीकी खोरो नुप हाबिलला सेसुङ। तीकी खोरो नुपला च्‍यिला सेसुङ? च्‍यिलासिसिन तीकी लाकातिवा दुक्‍टा नोक, तीकी नुपकी लाका ति टेङ्‍बु नोक।