याकूब 3:1 - कोन्छ्‌योककी सुङ

¹ ङे ङ्‍यिङ्‍ज्‍येवु अच्‍युनुपतिवा, ख्‍यिरा पर्ला माङ्‍शोक गेकेन च्‍युङ्‍गुप नो माकी, च्‍यिलासिसिन येन्‍देन तेरुप गेकेनतिवाला कोन्‍छ्‍योककी मङ छासे क्‍यानी पर्च्या तोङ्‍गिवी।

याकूब 3:1 Iomraidhean Croise

मत्ती 10:24

लोमा खोरो गेकेन सिनाङ छ्‍ये मेवी, तमा लावा खोरो ज्‍यिन्‍दाक सिनाङ छ्‍ये मेवी।

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

मत्ती 23:14

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! ख्‍यिराङ मीतिवाला छ्‍या देन्‍दुपला मोपोर रिङ्‍बु रिङ्‍बु किवी। तमा ख्‍यिराङ युक्‍सिमतिवी खाङ्‍बा ठोकिवी। तुक क्‍यानी ख्‍यिराङला छासे पर्च्या फोकिवी।

मत्ती 9:11

ती थोङ्‍नी फरिसीतिवी येशूकी लोमातिवाला “ख्‍यिरा गेकेनकी च्‍यिला से दुतुपतिवा ताङ दिक्‍छेनतिवी मुला देनी सोल शेवु यिन?” सिनी टिसुङ।

लूका 16:2

ती थोसिमा ज्‍यिन्‍दाककी ती मीला कताङ्‍नी दुक सिक्‍यासुङ, ‘ख्‍योरो कोर्ला ङे थोवु दी ताम्‍ङे ति काङ यिन? ख्‍योरे क्‍यावु तेरी ची ति ङला नाङ। तफेन्‍ला ख्‍युरुङ दी लाका कि मुथुपी।’

लूका 6:37

“मी यम्‍बाला ठिम माकी, तमा कोन्‍छ्‍योककी साङ ख्‍यिराङला ठिम मिकितो। मी यम्‍बाला क्‍येन मातेर, तमा कोन्‍छ्‍योककी साङ ख्‍यिराङला क्‍येन मेतेर्तो। मी यम्‍बाला माफ बिन, तमा कोन्‍छ्‍योककी साङ ख्‍यिराङला माफ नङ्‍गितो।

यूहन्‍ना 3:10

येशूकी तीला सुङ्‍सुङ, “ख्‍युरुङ इस्राएलकी गेकेन यिन्‍सिनाङ ती ताम्‍ङे ति हाक्‍मोकोवी?

लोमा छ्‍येतिवी लाका 13:1

एन्‍टिओखियाकी चर्चला कोन्‍छ्‍योककी लुङ्‍तेम्‍बातिवा ताङ गेकेनतिवा नोक। तिवा ति बारनाबास ताङ नक्‍पु सिरुप शिमियोन ताङ कुरेनी नेसुर वावु लुकियस ताङ ग्‍येल्‍वु हेरोद टिक्‍पे वोतुप पेलाकी दाल्‍जा मनेन ताङ शाऊल नोक।

१ कोरिन्‍थी 12:28

कोन्‍छ्‍योककी चर्चला गोमा कितुप मीतिवा पेन नङ वे। तिवा ति गोमाला लोमा छ्‍येतिवा यिन, तमा ङ्‍यिवा ति नम्‍दर शेतुपतिवा यिन, तमा सुम्‍बा ति गेकेनतिवा यिन, तमा ती ज्‍युक्‍ला हलेवु लाका छ्‍या देन्‍दुपतिवा ताङ नेर्पु टेक ज्‍यितुपतिवा ताङ दाल्‍जा किटे कितुपतिवा ताङ चर्चला ओङ्‍ज्‍येन कितुपतिवा ताङ ग्‍येताम कुतुक लपुपतिवा यिन।

२ कोरिन्थी 5:10

च्‍यिलासिसिन दाक्‍पु रे रेला ख्रीष्‍टकी ठिम क्‍या नङ्‍गिवी। ती पेला दाक्‍पु खोकी चिप्‍ला लङ गोकिवी। तमा दाक दाक्‍पी दी जम्‍बुलिङला जुला वोतुप पेला ल्‍यामु मेलोवा काङ क्‍यावे, तुकै राङ खोकी ठिम किवी।

एफिसी 4:11

तमा खोकी मी ललाइला ति लोमा छ्‌ये, ललाइला ति खोरे लुङ्‍तेम्‍बा, ललाइला ति ख्‍याप्‍टाक कितुप मी, ललाइला ति चर्चला गोमा कितुप गेकेन, ललाइला ति खोकी सुङ लोपुप गेकेन जो नाङ्‍सुङ।

१ तिमोथी 1:7

तिवा खोप्‍राङला ति मोशाकी ठिमकी गेकेन सिरुप नोकिवी, यिने तिवी खोप्‍रे क्‍यावु ताम्‍ङे ताङ तेन्‍तेन क्‍यानी लापुप ताम्‍ङे ति खोप्‍राङला राङ ल्‍यामु हाक्‍मोकोवी।

१ तिमोथी 2:7

तीकी थोक्‍ला ङ खोकी सुङ ख्‍याप्‍टाक कितुपला लोमा छ्‍ये च्‍युङ्‍गुप यिन। तुक क्‍यानी ङ यहूदी मिन्‍दुप मिरिक यम्‍बाकी मीतिवाला तेपा कि ज्‍यितुपला ताङ टेङ्‍बुकी कोर्ला लोपुप गेकेन साङ च्‍युङ्‍गुप यिन। दी ताम्‍ङे ती टेङ्‍बु सिरिन, जिनोक मिन।

२ तिमोथी 1:11

ती लेन ल्‍यामु ख्‍याप्‍टाक कितुपला खोकी लोमा छ्‍ये ताङ गेकेन सिनी ङला पेन नङ्‍गुप यिन।

हिब्रू 13:17

ख्‍यिराङला गोमा कितुप गेकेनतिवी सिक्‍यावु खला ङ्‍येन्‍नी तिवी ओङला देता। च्‍यिलासिसिन तिवी ख्‍यिरा मिजीला ल्‍हटे किवी, तमा तिवी खोप्‍रे क्‍यावु लाकाकी ची ति कोन्‍छ्‍योकला ते गोकिवी। ख्यिराङ तिवी ओङला दे। तुक क्‍यासिन तिवी ती लाका ति सेम मेलोक्‍पा क्‍यानी मिन, सेम गा क्‍यानी कि थुप्‍किवी। मिसियाङ ख्‍यिराङला काङ साङ ख्‍येप्‍साङ मेङ्‍गिवी।

याकूब 1:16

ङे ङ्‍यिङ्‍ज्‍येवु अच्‍युनुपतिवा, ख्‍यिराङ मी यम्‍बी जिनोकला मेख्‍येल्‍शी।

याकूब 1:19

ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति हाक्‍कोवा किसा। ख्‍यिराङ टिम्‍बु क्‍यानी ङ्‍येन्‍दुप ताङ फिमु क्‍यानी ताम्‍ङे लपुप ताङ टिम्‍बु ङ्‍यिर्मु मिकिवु वुङ गोकिवी।

याकूब 3:10

दाक्‍पी ख च्‍यिक नेमा राङ मीला मोलाम साङ थोप्‍किवी, मोताप साङ देप्‍किवी। ङे ङ्‍यिङ्‍ज्‍येवु अच्‍युनुपतिवा, ख्‍यिराङ ति तुक कितुप मेङ्‍गिवी।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।