याकूब 2:6 - कोन्छ्‌योककी सुङ

⁶ यिने ख्‍यिरा याङ पेराङ्‍बुतिवाला ङ्‍यिङ्‍मर क्‍यासुङ। काङ मी छ्‍युक्‍पुतिवी ख्‍यिराङला ओङ्‍ज्‍येन क्‍यानी दुक्‍पा मेतेर्वी रो? काङ तिवी ख्‍यिराङला ठिम्‍खाङला टिनी मोक्‍योल्‍वी रो?

याकूब 2:6 Iomraidhean Croise

यूहन्‍ना 8:49

तमा येशूकी सुङ्‍सुङ, “मिन, ङला डे ग्‍यपुप मिन, यिने ङ ङे पपाला ताङ्‍देन कितिन। यिन्‍सिनाङ ख्‍यिरा याङ ङला मो बेप्‍किवी।

लोमा छ्‍येतिवी लाका 13:50

यिने यहूदीतिवी पावल ताङ बारनाबासकी तेन्‍दोकला लानी कोन्‍छ्‍योकला सोवा देकुप पुम्‍पेजा छ्‍युक्‍पुतिवा ताङ ती ग्‍येसाला गोमा कितुप मी छ्‍येतिवाला चेन्‍नी तिवाला छेटाङ बिन च्‍यिनी ती ग्‍येसा नेवा तेन ताङ्‍सुङ।

लोमा छ्‍येतिवी लाका 17:6

यिने पावल ताङ सिलासला माङ्‍येसिमा यासोन ताङ यम्‍बा तेपा कितुप मीतिवा ललाइला जिम्‍नी ग्‍येसाकी छ्‍येतिवी चिप्‍ला टि गाल। तमा वोरु देनिन सिरा “दी जम्‍बुलिङला ठका ठुका जोप मीतिवा दे साङ वानोक।

लोमा छ्‍येतिवी लाका 18:12

तमा गलियोन ति अखैया लुङ्‍बा ओङ्‍ज्‍येन कितुप मी छ्‍ये वोतुप पेला यहूदीतिवा ख च्‍यिक क्‍यानी पावलकी तेन्‍दोकला लानी पावलला ठिम्‍खाङला टिन गल्‍सिमा

लोमा छ्‍येतिवी लाका 8:3

यिने शाऊलकी ते वोतुप चर्चतिवा ना तोङ्‍गुप छाल्‍सुङ। तमा खाङ्‍बा खाङ्‍बाला शुनी तेपा कितुप ख्‍योक्‍पेजा ताङ पुम्‍पेजातिवा तेरीला टिनी वुङ्‍यिन ताङ चोन्‍खाङला उपिन क्‍यासुङ।

१ कोरिन्‍थी 11:22

साप ताङ थुङ्‍गुपला ख्‍यिरा ति दाक दाक्‍पी खाङ्‍बा मे रो? याङ्‍ना ख्‍यिराङ कोन्‍छ्‍योककी चर्चला मारे तोङ्‍गुप ताङ काङ साङ मेतुपतिवाला ङोछा लोङ्‍गिवी? दीकी कोर्ला काङ सिरुप्‍जा? काङ ङ ख्‍यिरा थोक्‍ला चिताङ कितुप? वुतुङ के ङ दुका ताम्‍ङेला चिताङ मिकी।

याकूब 2:3

ती मज्‍या ल्‍यामु कोन्‍दुप मी तीला ताङ्‍देन क्‍यानी “दे दासा ल्‍यामुला जोल्‍हमो क्‍यानी ज्‍यु!” सिनी सिवी, यिने ती मी पेराङ्‍बु मज्‍या सेर्पा कोन्‍नी वावु तीला ति “ख्‍युरुङ ते राङ लानी दे, याङ्‍ना ङे काङ्‍बी चाला दे!” सिनी सिवी सिसिन,

याकूब 5:4

ल्‍होसा, ख्‍यिरा रङगी शिङ खला लाका कितुपतिवाला तेर गोवु लतिवा माबिन वे। ती तप्‍की तिवा ख्‍योरो तेन्‍दोकला ङुप्‍राङ कियी वे। तिवी ङुप्‍राङ क्‍यावु ति ओङ छ्‍येन्‍बु कोन्‍छ्‍योककी सेन्‍नी वे।

याकूब 5:6

ख्‍यिरा काङ साङ क्‍येन मेतुप मीतिवाला क्‍येन बिन्‍नी तिवाला सेसुङ, यिने तिवी ख्‍यिराङला लाक्‍पा मालोक।