याकूब 2:5 - कोन्छ्‌योककी सुङ

⁵ तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

याकूब 2:5 Iomraidhean Croise

मत्ती 11:5

‘मिक मोथोङ्‍गुपतिवा मिक थोङ थुप्‍किवी, थेङ्‍बातिवा युक थुप्किवी, जे ग्‍यपुप नेजु वोतुपतिवा टेक ज्‍यिकिवी, वोन्‍बातिवा थो थुप्‍किवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।’

मत्ती 25:34

तमा ङे यावी थाकाकी मीतिवाला ‘ङे पपा नेमा मोलाम थोपुपतिवा! वानी जम्‍बुलिङ ज्‍येङ्‍गुप पे नेज्‍युनी ख्‍यिरा थोक्‍ला टडिक क्‍या ज्‍यकुप ग्‍येल्‍खापला ओङ्‍ज्‍येन की।

मत्ती 5:3

“मोलाम थोपुप यिनो, सेमला नरी कोन्‍छ्‍योकला छोलुपतिवा, च्‍यिलासिसिन देवाच्‍येनकी ग्‍येल्‍खाप ति तिवी ति यिनो।

मर्कूस 7:14

तमा येशूकी येलुङ मी माङ्‍छ्‍योकला खोरो चाला कताङ्‍नी सुङ्‍सुङ, “ख्‍यिराङ तेरीकी ङे ताम्‍ङे ङ्‍येन्‍नी हाक्‍कोवा किसा।

लूका 12:21

रङगी थोक्‍ला तिराङ टोङ्‍बा शम्‍नी कोन्‍छ्‍योककी थोङ्‍दाङला छ्‍युक्‍पु मेतुपतिवा ति दुकै राङ डितो।”

लूका 12:32

“ओ छो टिक्‍पे, ज्‍यिवा माकी, च्‍यिलासिसिन ख्‍यिरा पपा कोन्‍छ्‍योककी ख्‍यिराङला खोकी ग्‍येल्‍खाप नङ्‍गुपला गा किनोक।

लूका 16:22

ज्‍युक्‍ला ती लाङ्‍साप ति शिसुङ, शिसिमा देवाच्‍येनकी लेन क्‍योलुप थुतिवी तीला अब्राहामकी चाला खुर्नी गाल्‍सुङ। ती मी छ्‍युक्‍पु तिङ शिनी मुक्‍तुम ग्‍यप्‍सुङ।

लूका 16:25

यिने अब्राहामकी तीला सिक्‍यासुङ, ‘पुज्‍यो, ख्‍युरुङ नासाम तोङ। ख्‍युरुङ सेन्‍बु वोतुप पेला तेरी गा ताङ किर्मु कितुप ङ्‍येनी वे। यिने दी लाजरस तीकी याङ दुक्‍पा बङी खुर्सुङ। यिने त याङ दीला किर्मु ङ्‍येन वे, ख्‍युरुङ ति छेटाङला ख्‍येल वे।

लूका 22:29

ङे पपी ङला ग्‍येला कितुप ओङ्‍ज्‍येन नङ्‍गुप दोके ङ साङ ख्‍यिराङला ग्‍येला कितुप ओङ्‍ज्‍येन तेरिन।

लूका 6:20

तमा येशूकी खोरो लोमातिवी थाकाला ल्‍हयी सिरा सुङ्‍सुङ, “ख्‍यिराङ पेराङ्‍बुतिवाला मोलाम थोपुप यिनो, च्‍यिलासिसिन कोन्‍छ्‍योककी ग्‍येल्‍खाप ति ख्‍यिरा ति यिनो।

यूहन्‍ना 7:48

ङ्‍यिरा यहूदी गोमा कितुप छ्‍येतिवा याङ्‍ना फरिसीतिवी पर्ला मी मिरा च्‍यिककी साङ तीला तेपा क्‍यासुङ रो?

लोमा छ्‍येतिवी लाका 7:2

तमा स्‍तिफनसकी सिक्‍यासुङ, “ओ अच्‍युनुपतिवा ताङ पालुतिवा, ङे ताम्‍ङे ल्‍यामो क्‍यानी ङ्‍येना! दाक्‍पी हङ्‍गावा अब्राहाम हारानला डोप सिनाङ गोमाला मेसोपोटामियाला वोतुप पेला मोवा वोतुप कोन्‍छ्‍योककी ज्‍यल्‍का नाङ्‍नी

रोमी 8:17

दाक्‍पु कोन्‍छ्‍योककी पेजातिवा यिन सिसिन ख्रीष्‍टकी मुला राङ कोन्‍छ्‍योककी ग्‍येल्‍खापकी अंश थोप छ्‍योवु यिन। दोजो दाक्‍पु ख्रीष्‍टकी मुला राङ कोन्‍छ्‍योककी मोवा थोप्‍नी वोसिन खोकी मुला राङ दुक्‍पा साङ खुर गोकिवी।

१ कोरिन्‍थी 2:9

ती तप्‍की कोन्‍छ्‍योककी सुङला साङ दुक सिनी टि वे, “मीतिवी मिककी माथोङ्‍गुप ताङ नम्‍ज्‍योक माथोवु ताङ नासाम मातङ्‍गुप तेरी ताम्‍ङेतिवा कोन्‍छ्‍योकला ङ्‍यिङ्‍ज्‍ये कितुपतिवी थोक्‍ला खोकी टडिक क्‍यानी वे।”

२ कोरिन्थी 4:15

दी तेरी ताम्‍ङेतिवा ख्‍यिरा थोक्‍ला राङ च्‍युङ्‍गुप यिन। तुक क्‍यानी कोन्‍छ्‍योककी कटिन ति मी बङीला ङ्‍येकिवी, तमा तिवी कोन्‍छ्‍योकला थुचिछे पुल्‍नी मङ खोला मोवा किवी।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

एफिसी 1:18

ख्‍योरो सेम पेनी चुका रेवाकी थोक्‍ला कोन्‍छ्‌योककी ख्‍यिराङला कताङ वे, तमा खोला तेपा कितुपतिवाला खोकी नङ्‍गुप हलेवु मोलाम ति ग्‍यक्‍चे वे सिरुप ति ख्‍यिरा हाक्‍को थुप्‍शी सिनी ङ मोपोर कितिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

२ थेसलोनिकी 1:5

कोन्‍छ्‍योककी ख्‍ये मापेवा क्‍यानी च्‍यिक्‍पा राङ ठिम क्‍या नङ्‍गिवी सिरुप पङ्‍बु छ्‍या देन्‍दुपला ख्‍यिरा तुका छेटाङ ताङ दुक्‍पा खुरुप यिन। ख्‍यिरा तुक क्‍यानी छेटाङ ताङ दुक्‍पा खुर्सिन कोन्‍छ्‍योककी ग्‍येल्‍खापला शुक छ्‍योकिवी। दी ताम्‍ङे ति ख्‍यिरा हाक्‍कोवा की।

१ तिमोथी 6:18

तमा तिवाला “मी यम्‍बाला ल्‍यामु कितुप ताङ लाका ल्‍यामु कितुप सेम वोतुप ताङ सेम बोल्‍मु वोतुप ताङ रङगी लोला वोतुप टोङ्‍बातिवा कतुकारला ख्‍येलुपतिवाला तेरुप सेम वोतुप च्‍युङ गोकिवी।” सिनी क बिन।

२ तिमोथी 4:18

तमा चोवो कोन्‍छ्‍योककी ङला तेरी दुक्‍टा नेसुर साङ र्‍होक्‍नी देवाच्‍येनकी ग्‍येल्‍खापला टिनी डिवी। तुक क्‍यानी खोला नरीकी नरी मोवा वुङ्‍शी। आमिन।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

हिब्रू 11:26

तीकी मिश्रला वोतुप नोर ताङ टोङ्‍बा सिनाङ ख्रीष्‍टकी थोक्‍ला मारे गल्‍नी देतुप ति छासे गोङ नावु यिन सिनी नो क्‍यानोक। च्‍यिलासिसिन तीकी कोन्‍छ्‍योककी नङ्‍गुप छ्‍यक्‍तककी थोक्‍ला लाम ल्हानी देसुङ।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

याकूब 1:16

ङे ङ्‍यिङ्‍ज्‍येवु अच्‍युनुपतिवा, ख्‍यिराङ मी यम्‍बी जिनोकला मेख्‍येल्‍शी।

याकूब 1:19

ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति हाक्‍कोवा किसा। ख्‍यिराङ टिम्‍बु क्‍यानी ङ्‍येन्‍दुप ताङ फिमु क्‍यानी ताम्‍ङे लपुप ताङ टिम्‍बु ङ्‍यिर्मु मिकिवु वुङ गोकिवी।

याकूब 1:9

पेराङ्‍बु वोतुप अच्‍युनुपतिवा, कोन्‍छ्‍योककी ख्‍यिराङला चुक क्‍यानी छ्‍ये जोसुङ सिनी ख्‍यिराङ गा की।

१ पत्रुस 1:4

ती तिराङ मिन, कोन्‍छ्‍योककी खोरे पेन नङ्‍गुप मीतिवाला थोपुप मोलाम साङ नाङ्‍सुङ। ती मोलाम ति ना मोडोवु ताङ मेटेङ्‍बु मोडोवु ताङ नाम्‍साङ मेसेतुप यिन, तमा ती मोलाम ति दाक्‍पुला खोकी ग्‍येल्‍खापला टडिक क्‍यानी वे।

२ पत्रुस 1:11

तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।

ज्‍यल्‍का 21:7

सी शैतानकी खला ग्‍येल्‍गिवे, तिवाला ती मोलाम ति तेरी थोप्‍कितो। तमा ङ तिवी कोन्‍छ्‍योक च्‍युङ्‍गितो। तिवा ति ङे पुज्‍युङपुम च्‍युङ्‍गितो।

ज्‍यल्‍का 3:18

तुक क्‍यानी ङ ख्‍युरुङला टोङ्‍गु तेरिन, ख्‍युरुङ छ्‍युक्‍पु डोप गा वोसिन, ङे नेसुर मेला र्‍हेनी ङोमा जोवु सेर ङ्‍यो। तमा ङोछा लङ्‍गुप ताङ पेर्तुङ्‍बा वोतुप जु उपुपला मज्‍या कर्मु ङ्‍योनी कोन। ख्‍योरो मिक थोङ थुपुपला मिकला मेन ङ्‍योनी कु।