याकूब 2:18 - कोन्छ्‌योककी सुङ

¹⁸ यिने दोजो मी ललाइकी “ख्‍युरुङला तेपा वे, ङला ति किताङ नालु ल्‍यामु वे। ख्‍योरो किताङ नालु मेतुप तेपा ति ङला छ्‍या तेन! तमा ङे क्‍यावु किताङ नालु नेमा ङे तेपा ति ख्‍युरुङला छ्‍या देनिन।” सिनी सिवी।

याकूब 2:18 Iomraidhean Croise

रोमी 14:23

यिने मी ललाइकी सेमला नाम्‍दोक क्‍यानी काङ रे च्‍यिक रे सोसुङ सिसिन तीला क्‍येन फोकिवी। च्‍यिलासिसिन तीकी साप ति तेपा नेसुर वावु मिन। तेपा माक्‍यानी क्‍यावु लाकातिवा तेरी दिक्‍पा यिन।

रोमी 3:28

तुक क्‍यानी कोन्‍छ्‍योककी थोङ्‍दाङला टेङ्‍बु वोतुप ति मोशाकी ठिमला मिजी क्‍यङ्‍नी मिन, यिने येशू ख्रीष्‍टला तेपा क्‍यासिमा तिराङ टेङ्‍बु ङ्‍येकिवी।

रोमी 4:6

ती तप्‍की लाका टेङ्‍बु माक्‍यानी साङ टेङ्‍बु वे सिनी खोकी सेमला लिङ्‍गुप मीतिवाला मोलाम थोपुप कोर्ला ग्‍येल्‍वु दाऊदकी दुक सिक्‍या वे,

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

रोमी 9:19

तुकै यिन्‍सिन “कोन्‍छ्‍योककी च्‍यिला ङला क्‍येन ग्‍यकिताङ? खोकी नोवाला सी मेलोवा सि थुप्‍किवी?” सिनी ख्‍यिरा सिवी।

१ कोरिन्‍थी 13:2

ङे मुला नम्‍दर शेतुप कटिनकी ङ्‍येम्‍बा साङ वे, तमा ङे मुला सुला साङ हाक्‍मोकोवु छ्‍याकला वोतुप ताम्‍ङे हाक्‍कोवु ताङ तेरी येन्‍देन शेकिवी, तमा रीतिवा साङ दोक थुपुप तेपा ति ङला वोसिनाङ ङे सेमला ति ङ्‍यिङ्‍ज्‍ये मेसिन ङ ति काङ साङ मिन।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

२ कोरिन्थी 7:1

तुक क्‍यानी ङे ङ्‍यिङ्‍ज्‍येवु अच्‍युनुपतिवा, कोन्‍छ्‍योककी दाक्‍पुला ती ताम्‍ङेतिवा थाक्‍छ्‍येन नङ्‍गुप तप्‍की दाक्‍पी जु ताङ सेम मेचेङ्‍गा जोप तेरी परकी ताम्‍ङे मेटेङ्‍बु नेसुर कुतुक देतुप। तमा कोन्‍छ्‍योकला ताङ्‍देन क्‍यानी वुतुङ के चाङ्‍मा वोतुप मिजी क्‍योङ्‍गुप।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

तीतस 2:7

तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

हिब्रू 11:31

तेपा नेसुर राङ राहाब छ्‍येमु तीकी यरीहोला च च्‍येतुपला वावु मीतिवाला ल्‍यामु क्‍यानी गासो शुवु तप्‍की कोन्‍छ्‍योककी सुङला मेङ्‍येन्‍दुप ती ग्‍येसाकी मीतिवा तेरी सेसिनाङ तीला ति मासे।

हिब्रू 11:33

तेपा नेसुर राङ तिवी लुङ्‍बा यम्‍बा ताङ मुला मक ग्‍यप्‍नी ग्‍येल्‍सुङ, ठिम टेङ्‍बु क्‍यानी ग्‍येला क्‍यासुङ, कोन्‍छ्‍योककी थाक्‍छ्‍येन नङ्‍गुप साङ थोप्‍सुङ, तिवी सेङ्‍गीकी ख साङ उप्‍सुङ,

हिब्रू 11:6

यिने कोन्‍छ्‍योकला तेपा माक्‍यासिन सी साङ खोला गा लोङ मुथुपी। सु खोकी चाला वुङ्‍गिवे, तीकी कोन्‍छ्‍योक ज्‍यु वोतुप ताङ खोला छोलुपतिवाला खोकी छ्‍यक्‍तक नङ्‍गिवी सिनी तेपा कि गोकिवी।

याकूब 2:14

ङे ङ्‍यिङ्‍ज्‍येवु अच्‍युनुपतिवा, दोजो मी ललाइकी “ङ येशूला तेपा किवी।” सिनी सिवी, यिने तेपा क्‍यावु दोके लाका ति मिकिवी सिसिन, तीला काङ ख्‍येप्‍साङ गिवी रो? काङ तीकी क्‍यावु तेपाकी तीला र्‍होक थुप्‍किवी रो?

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।