याकूब 2:13 - कोन्छ्‌योककी सुङ

¹³ च्‍यिलासिसिन कोन्‍छ्‍योककी ठिम क्‍या नङ्‍गुप पेला मीला च्‍यम्‍बा मिकिवु तीला खोकी साङ च्‍यम्‍बा माक्‍यानी ठिम क्‍या नङ्‍गिवी, यिने च्‍यम्‍बा क्‍यावु मी ति खोकी ठिम कितुप पेला ग्‍येल्‍गिवी।

याकूब 2:13 Iomraidhean Croise

मत्ती 5:7

मोलाम थोपुप यिनो, मी यम्‍बाला च्‍यम्‍बा कितुपतिवा, च्‍यिलासिसिन कोन्‍छ्‍योककी तिवाला च्‍यम्‍बा क्‍या नङ्‍गितो।

मत्ती 6:15

यिने ख्‍यिराङला मेलोवा कितुपतिवाला ख्‍यिरा माफ माबिन्‍सुङ सिसिन ख्‍यिरा पपा कोन्‍छ्‍योककी साङ ख्‍यिरा क्‍यावु मेलोवाला माफ मनङ्‍गिवी।”

लूका 16:25

यिने अब्राहामकी तीला सिक्‍यासुङ, ‘पुज्‍यो, ख्‍युरुङ नासाम तोङ। ख्‍युरुङ सेन्‍बु वोतुप पेला तेरी गा ताङ किर्मु कितुप ङ्‍येनी वे। यिने दी लाजरस तीकी याङ दुक्‍पा बङी खुर्सुङ। यिने त याङ दीला किर्मु ङ्‍येन वे, ख्‍युरुङ ति छेटाङला ख्‍येल वे।

लूका 6:37

“मी यम्‍बाला ठिम माकी, तमा कोन्‍छ्‍योककी साङ ख्‍यिराङला ठिम मिकितो। मी यम्‍बाला क्‍येन मातेर, तमा कोन्‍छ्‍योककी साङ ख्‍यिराङला क्‍येन मेतेर्तो। मी यम्‍बाला माफ बिन, तमा कोन्‍छ्‍योककी साङ ख्‍यिराङला माफ नङ्‍गितो।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

याकूब 5:4

ल्‍होसा, ख्‍यिरा रङगी शिङ खला लाका कितुपतिवाला तेर गोवु लतिवा माबिन वे। ती तप्‍की तिवा ख्‍योरो तेन्‍दोकला ङुप्‍राङ कियी वे। तिवी ङुप्‍राङ क्‍यावु ति ओङ छ्‍येन्‍बु कोन्‍छ्‍योककी सेन्‍नी वे।