याकूब 1:6 - कोन्छ्‌योककी सुङ

⁶ यिने खोला लोङ्‍गुप पेला सेमला तेपा क्‍यानी काङ साङ नाम्‍दोक माक्‍यानी लोङ गोकिवी। सेमला नाम्‍दोक कितुपतिवा याङ वुर्तुक कनिवा ग्‍युकिवे, तेवा राङ ग्‍युकुप ग्‍येम्‍छोकी बालाप दोके यिन।

याकूब 1:6 Iomraidhean Croise

मत्ती 14:28

तमा पत्रुसकी येशूला “ओ चोवो, ख्‍युरुङ चोवो राङ यिन्‍सिन ङला छ्‍यी खला युनी चोवोकी चाला वुङ्‍गुपला क नाङ्‍डे की।” सिनी सिक्‍यासुङ।

लोमा छ्‍येतिवी लाका 10:20

तुक क्‍यानी तन्‍दा लानी मर वोक्‍ला गल्‍नी ज्‍यिवा माक्‍यावा क्‍यानी तिवी मुला राङ ग्‍युक। च्‍यिलासिसिन तिवाला ङे राङ तङ्‍गुप यिन।”

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

१ तिमोथी 2:8

ती तप्‍की तेरी जोम्‍नी सोवा देकुप पेला ख्‍योक्‍पेजातिवी सेमला ङ्‍यिर्मु मिकिवु ताङ खाँदा माक्‍यानी क्‍येन मेतुप लाक्‍पा लाङ्‍नी मोपोर किशी सिरुप ति ङे नोवा वे।

हिब्रू 10:23

दाक्‍पुला थाक्‍छ्‍येन नङ्‍गुप कोन्‍छ्‍योक ति खोङ्‍तेर्मु वोतुप तप्‍की दाक्‍पु यिसिक मिसिक माक्‍यानी मीतिवी दोङ्‍ला दाक्‍पी ताम्‍ङे क्‍यावु रेवाला रम्‍बु क्‍यानी देतुप।

हिब्रू 11:6

यिने कोन्‍छ्‍योकला तेपा माक्‍यासिन सी साङ खोला गा लोङ मुथुपी। सु खोकी चाला वुङ्‍गिवे, तीकी कोन्‍छ्‍योक ज्‍यु वोतुप ताङ खोला छोलुपतिवाला खोकी छ्‍यक्‍तक नङ्‍गिवी सिनी तेपा कि गोकिवी।

हिब्रू 13:9

ख्‍यिराङ नम्‍बा कुतुककी येन्‍देन मेटेङ्‍बुला मेख्‍येल्‍शी। साप थुङ्‍गुप लुक्‍सुतिवा तेन्‍नी मिन, यिने कोन्‍छ्‍योककी कटिन नेमा ख्‍यिरा सेम रम्‍बु च्‍युङ्‍गुप ति ल्‍यामु यिन। तुका लुक्‍सुतिवा तेन्‍नी ख्‍यिराङला काङ साङ ख्‍येप्‍साङ मेवी।

याकूब 1:7

तुका मी तीकी कोन्‍छ्‍योक नेमा काङ ङ्‍येकिवी सिनी नासाम मातोङ।

याकूब 5:15

तेपा क्‍यानी मोपोर क्‍यासिन नेर्पु टेकिवी, तमा कोन्‍छ्‍योककी ती नेर्पुला येर लोङ्‍गिवी। तीकी दिक्‍पा क्‍या वोसिनाङ तीकी क्‍यावु दिक्‍पा ति माफ ङ्‍येकिवी।

२ पत्रुस 2:17

तिवा छ्‍यु मेतुप छ्‍यी पुङ दोके ताङ वुर्तुककी फुरुप ल्‍हवुल दोके यिन। तिवी थोक्‍ला ङ्‍येलाकी नक्‍तोमी दासा टडिक क्‍या वे।