याकूब 1:4 - कोन्छ्‌योककी सुङ

⁴ ख्‍यिराङ हम क्‍यानी देतुप ति मङ ल्‍हक्‍पा गल्‍सिमा तेपा रम्‍बु च्‍युङ्‍नी ख्‍यिरा मिजीला काङ साङ ङ्‍युङ्‍मु मेवी।

याकूब 1:4 Iomraidhean Croise

मत्ती 10:22

ख्‍यिरा ङला तेपा क्‍यावु तप्‍की मी तेरीकी ख्‍यिराङला ङ्‍यिङ्‍मर कितो। यिने सु ज्‍युक्‍ला सेक तेपा क्‍यानी हम क्‍यान देकिवे, तीला र्‍होकितो।

मत्ती 19:20

खोकी तुक सुङ्‍सिमा ती ख्‍योक्‍पेजा नाज्‍युङ तीकी येशूला “दिवा याङ तेरी ङे ङ्‍येन वे। तरोङ साङ ङे ङ्‍येन गोवु ति काङ वे?” सिनी सिक्‍यासुङ।

मत्ती 5:48

तुक क्‍यानी देवाच्‍येनला ज्‍यु वोतुप ख्‍यिरा पपा कोन्‍छ्‍योक तेरी ताम्‍ङेला टेके वोतुप दोके ख्‍यिराङ साङ तेरी ताम्‍ङेला टेके वुङ गोकिवी।”

मर्कूस 10:21

तमा येशूकी तीला ल्‍हानी ङ्‍यिङ्‍ज्‍ये लानी सुङ्‍सुङ, “तरोङ साङ ख्‍युरुङला ताम्‍ङे च्‍यिक ङ्‍युङ्‍मु वे। त गल्‍नी ख्‍योरे मुला वोतुप ति तेरी चोनी पेराङ्‍बुतिवाला बिन। तुक क्‍यासिन ख्‍युरुङला देवाच्‍येनकी नोर थोप्‍किवी। तमा वानी ङे तिङ्‍ला तिङ्‍यो।”

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

यूहन्‍ना 17:23

ङ तिवी मुला वोतुप ताङ पपा ङे मुला वोतुप ति तिवा तेरी च्‍यिक राङ च्‍युङ्‍गुपला यिन। तमा ती ति पपी ङला तङ्‍गुप ताङ पपी ङला ङ्‍यिङ्‍ज्‍ये क्‍या नङ्‍गुप दोके तिवाला साङ ङ्‍यिङ्‍ज्‍ये क्‍या नङ्‍गिवी सिरुप ति जम्‍बुलिङकी मीतिवाला हाक्‍को ज्‍यितुपला यिन।

१ कोरिन्‍थी 2:6

यिन्‍सिनाङ कोन्‍छ्‍योकला तेपा रम्‍बु वोतुपतिवाला ताम्‍ङे कितुप पेला ङ्‍यिराङ दी रिक्‍पाकी कोर्ला राङ ख्‍याप्‍टाक किवी। दी रिक्‍पा ति दी जम्‍बुलिङकी रिक्‍पा ति मिन, जम्‍बुलिङकी ओङ्‍ज्‍येन कितुप मीतिवी रिक्‍पा साङ मिन। तिवी रिक्‍पा याङ वुतुङ के तोर्नी डिवी।

गलाती 6:9

दाक्‍पु मी यम्‍बी थोक्‍ला लाका ल्‍यामु कितुपला नाम्‍साङ येन छ्‍येतुप ताङ यिछ्‍येतुप मेङ्‍गिवी, च्‍यिलासिसिन तुजे छेसिमा ङक थुप्‍किवी।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ तिमोथी 3:17

तुक क्‍यानी कोन्‍छ्‍योकला शब्‍ज्‍यी कितुप मी टडिक क्‍यानी तेरी लाका ल्‍यामु कितुप च्‍युङ्‍शी सिनी कोन्‍छ्‍योककी दी सुङ ति दाक्‍पी थोक्‍ला नङ्‍गुप यिन।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

याकूब 1:5

दोजो ख्‍यिरा पर्ला ललाइला रिक्‍पा अला मेसुङ सिसिन ङ्‍यिर्मु माक्‍यानी सेम बोल्‍मु क्‍यानी नङ्‍गुप कोन्‍छ्‍योकला लोङ्‍शी, तमा खोकी तीला नङ्‍गितो।

याकूब 3:2

दाक्‍पु तेरीकी च्‍यिक मे च्‍यिक याङ मेलोवा क्‍यावु राङ गिवी। चुका मी तीकी खोरो ख डेकला ज्‍योकिवे, तीकी खोरो जुला साङ डेकला ज्‍योकिवी। तमा ती ति मी टेङ्‍बु च्‍युङ्‍गिवी।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

२ पत्रुस 1:9

यिने ती ताम्‍ङेतिवा ख्‍यिरा मिजीला मेसुङ सिसिन थाक्‍रिङ्‍बोला वोतुप च्‍यालक मोथोङ्‍गुप ताङ मिक शर्वा दोके गल्‍नी गोमाला क्‍यावु दिक्‍पा ने थरुप ताम्‍ङेतिवा साङ टोक ज्‍येकिवी।