याकूब 1:26 - कोन्छ्‌योककी सुङ

²⁶ दोजो सी ङ कोन्‍छ्‍योककी थोङ्‍दाङला टेङ्‍बु वे सिनी सिवी, यिने खोरो ख ति डेकला मोज्‍योकिवी सिसिन तीकी खोरो राङ खुरुङला जिनोकला ख्‍येलुप यिन। तमा तीकी कोन्‍छ्‍योककी थोङ्‍दाङला क्‍यावु टेङ्‍बुकी लाका ति तेर्मे यिन।

याकूब 1:26 Iomraidhean Croise

मत्ती 15:9

तिवी ङला सोवा देकुप ति तेर्मे यिन, च्‍यिलासिसिन तिवी लापुप येन्‍देन ति मी जोवु ठिम तिराङ यिन।’”

मर्कूस 7:7

तिवी ङला तेर्मेला सोवा देकिवी, च्‍यिलासिसिन तिवी मी जोवु येन्‍देनला ङे क दोके क्‍यानी मीतिवाला लोप्‍किनोक।’

लूका 8:18

तुक क्‍यानी ख्‍यिराङ च्‍याङ्‍से क्‍यानी ल्‍यामु ङ्‍येना। सी लोला नोके, तीला मङ ल्‍हक्‍पा थोप्‍किवी। तमा सी लोला मेवे, तीकी लोला वोते सिनी नो क्‍यावु ति साङ ठोकिवी।”

१ कोरिन्‍थी 15:15

तमा ती सिनाङ मङ दाक्‍पु कोन्‍छ्‍योककी थोक्‍ला पङ्‍बु मेटेङ्‍बु तेरुप डिवी। च्‍यिलासिसिन कोन्‍छ्‍योककी ख्रीष्‍टला शेप ने ङोसु लाङ्‍सुङ सिनी दाक्‍पी पङ्‍बु बिन्‍दुप यिन। यिने वुतुङ के शेपतिवा सेन्‍बु मालङ्‍गुप यिन्‍सिन खोकी ख्रीष्‍टला टुङ्‍गुप ने ङोसु मोलोङ्‍गुप्‍जा।

१ कोरिन्‍थी 15:2

ख्‍यिरा ङे ख्‍याप्‍टाक क्‍यावु लेन ल्‍यामुकी सुङला तेपा क्‍यासिन ख्‍यिराङ दिक्‍पा ने थर्किवी, यिने तेपा रम्‍बु क्‍यानी मादेसुङ सिसिन ख्‍यिरा क्‍यावु तेपा ति तेर्मेला डिवी।

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

गलाती 2:6

मी छ्‍ये यिन सिरुप मीतिवी ङे ताम्‍ङे काङ साङ मापो। तिवा छ्‍ये वोसिनाङ ङे थोक्‍ला काङ साङ मिन। च्‍यिलासिसिन कोन्‍छ्‍योककी मीला ल्‍हानी मिन, मी सेम ल्‍हानी ठिम क्‍या नङ्‍गिवी।

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

गलाती 3:4

काङ गोमाला ख्‍यिरा छेटाङ दुङल खुरुप ति तेर्मे गल रो? वुतुङ के तेर्मेला गाल्‍सुङ रो?

गलाती 6:3

दोजो मी ललाइकी खोरुङ ति काङ दोके मिन्‍सिनाङ खक्‍छ्‍येवु यिन सिनी नोकिवी सिसिन तीकी खुरुङला राङ जिनोक जोवु यिन।

एफिसी 4:29

ख्‍यिरा ख नेमा चोताम मालाप, यिने मीला यर्के लोङ्‍गुप ताङ लप गोवु ताम्‍ङे ल्‍यामु तिराङ लोप। तमा ङ्‍येन्‍दुपतिवाला साङ कटिन थोप्‍शी।

एफिसी 5:4

ताम्‍ङे चोताम लपुप ताङ अम्‍बारङ्‍शिङ कितुप ताङ ख्‍येप्‍साङ मेवु ताम्‍ङे ति क्‍युर, बोरु कोन्‍छ्‌योकला थुचिछे पुल।

कलस्सी 4:6

छे टोवाकी समा शिम्‍बु जोवु दोके ख्‍यिरा ताम्‍ङे लप्‍ताङ ति नरी कटिन नेसुर वुङ गोकिवी। तुक क्‍यासिन सी ख्‍यिराङला टिवा टिसिनाङ ख्‍यिरा तिवाला ल्‍यामु क्‍यानी टिलेन तेर थुप्‍किवी।

याकूब 1:19

ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति हाक्‍कोवा किसा। ख्‍यिराङ टिम्‍बु क्‍यानी ङ्‍येन्‍दुप ताङ फिमु क्‍यानी ताम्‍ङे लपुप ताङ टिम्‍बु ङ्‍यिर्मु मिकिवु वुङ गोकिवी।

याकूब 1:22

ख्‍यिराङ कोन्‍छ्‍योककी सुङला ङ्‍येन्‍दुप तिराङ क्‍यानी रङला जिनोकला मेख्‍येल्‍शी, यिने खोकी सुङला यु।

याकूब 2:20

ओ अम्‍बारङ्‍शिङतिवा, लाका मेतुप तेपा ति तेर्मे यिन सिरुप ति ख्‍यिराङ हाक्‍कोवु नोकिवी?

१ पत्रुस 3:10

च्‍यिलासिसिन कोन्‍छ्‍योककी सुङला दुक सिनी टि वे, “चुका मी तीकी रङगी मिजीला गा कितुप ताङ लोदिमु छोलुप नोकिवे, तीकी खोरो ख नेमा ताम्‍ङे मेलोक्‍पा मलाप्‍शी, तमा जिनोक जोप ताम्‍ङे साङ मिकिशी,