याकूब 1:25 - कोन्छ्‌योककी सुङ

²⁵ यिने चुका मी तीकी रङ्‍ज्‍येन नङ्‍गुप कोन्‍छ्‍योककी ठिम टेङ्‍बुला ङ्‍येन्‍नी नरी युकुप ताङ ती सुङला ङ्‍याम किवे, ती मी ति सुङ ङ्‍येन्‍नी टोक ज्‍येतुप मिन, सुङला सिक्‍यावु दोके मिजी क्‍योङ्‍गिवी। तमा कोन्‍छ्‍योककी सुङला युवु तप्‍की तीला मोलाम थोप्‍किवी।

याकूब 1:25 Iomraidhean Croise

लूका 11:28

ती थोनी येशूकी सुङ्‍सुङ, “बोरु कोन्‍छ्‍योककी सुङ ङ्‍येन्‍नी ती सुङला युकुपतिवा के मोलाम थोपुप यिनो।”

यूहन्‍ना 13:17

ख्‍यिरा दी ताम्‍ङे हाक्‍कोनी ती दोके क्‍यासुङ सिसिन ख्‍यिराङला मोलाम थोप्‍किवी।

यूहन्‍ना 8:36

तुक क्‍यानी कोन्‍छ्‍योककी पुज्‍युङकी ख्‍यिराङला पि तोङ्‍गिवी सिसिन ख्‍यिराङ वुतुङ के पितोङ्‍गिवी।

लोमा छ्‍येतिवी लाका 13:43

तमा कोन्‍छ्‍योकला सोवा देकुप छर्सिमा यहूदीतिवा ताङ यहूदी छ्‍योला ल्‍यामो क्‍यानी तेपा कितुप यहूदी मिन्‍दुप मिरिक यम्‍बातिवा बङी पावल ताङ बारनाबासकी तिङ्‍ला तिङ्‍यासुङ। तमा पावल ताङ बारनाबासकी तिवी मुला ताम्‍ङे अरा उरा सिक्‍यासिमा “ख्‍यिराङ नरी कोन्‍छ्‍योककी सुङला ङ्‍येन्‍नी कोन्‍छ्‍योक नेमा वुङ्‍गुप कटिन थोप्‍नी देता।” सिनी तिवाला सिक्‍यासुङ।

लोमा छ्‍येतिवी लाका 2:42

तमा तिवा यम्‍बा तेपा कितुपतिवा ताङ मुला थिन्‍नी लोमा छ्‍येतिवी येन्‍देन ङ्‍येन्‍दुप ताङ डिक्‍जोम कितुप ताङ चोवोकी डेन साप लाका ताङ मोपोर क्‍या क्‍यावा देकिनोक।

लोमा छ्‍येतिवी लाका 26:22

यिन्‍सिनाङ हारिङ सेक कोन्‍छ्‍योककी ङला दाल्‍जा किटे क्‍यान वे। ती तप्‍की ङ दे लानी छ्‍ये छ्‍युङा ङ्‍यिकरला पङ्‍बु तेरिन। कोन्‍छ्‍योककी लुङ्‍तेम्‍बातिवा ताङ मोशाकी सिक्‍यावु सुङतिवा वुतुङ के छेकिवी सिरुप ताम्‍ङे ति मिसिन यम्‍बा ताम्‍ङे काङ साङ सिमाक्‍या वे।

रोमी 11:22

तुक क्‍यानी कोन्‍छ्‍योक ति च्‍यङ्‍च्‍यु सेम्‍बा वोतुप ताङ पर्च्या तोङ्‍गुप कोन्‍छ्‍योक यिन सिनी नासाम तोङ। ल्‍होसा, कोन्‍छ्‍योककी कला मुयुकुपतिवाला खोकी पर्च्या तोङ्‍गिवी। खोला नरी मोवा कितुपतिवाला खोकी च्‍यम्‍बा क्‍या नङ्‍गिवी। मिसियाङ ख्‍यिराङ साङ दोङ्‍बी येल्‍का दोके च्‍येनी क्‍युर्कितो।

रोमी 2:13

च्‍यिलासिसिन ठिम ङ्‍येन्‍नी मीतिवा ति कोन्‍छ्‍योककी थोङ्‍दाङला टेङ्‍बु मेवी, यिने ती ठिमला युकुप मीतिवा ति कोन्‍छ्‍योककी थोङ्‍दाङला टेङ्‍बु गिवी।

रोमी 7:12

तुक क्‍यानी मोशाकी ठिम ति टेङ्‍बु यिन, ठिमला वोतुप क साङ चाङ्‍मा ताङ टेङ्‍बु ताङ ल्‍यामु वे।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

२ कोरिन्थी 13:5

ख्‍यिराङ तेपा रम्‍बु वोताङ मे ख्‍यिरा राङ नासाम तोङ, तमा ल्‍यामो क्‍यानी ल्हो। तमा ख्रीष्‍ट ख्‍यिरा मिजीला ज्‍यु वोताङ मे सिरुप ति हाक्‍कोकिवी। ख्रीष्‍ट ख्‍यिरा मिजीला मेसुङ सिसिन ख्‍यिरा तेपा क्‍यावु ति काङ साङ फेन मोथोवु डिवी।

गलाती 2:4

च्‍यिलासिसिन मेटेङ्‍बु शेतुप अच्‍युनुपतिवी दाक्‍पुला च्‍येतुप लुक्‍सु कि गोकिवी सिनी सिक्‍यासुङ। तुक क्‍यावु तेन्‍दोक ति तिवी दाक्‍पु ख्रीष्‍टला तेपा क्‍यानी रङ्‍ज्‍येन थोपुपतिवाला खोरो योक्‍पु जोपला यिन।

गलाती 5:1

ख्रीष्‍टकी दाक्‍पुला रङ्‍ज्‍येन नङ्‍गुपला दिक्‍पा ने थर च्‍यिनी वे। तुक क्‍यानी ख्‍यिराङ तेपा रम्‍बु जोनी गोमी दोके योक्‍पुकी मिजी माक्‍योङ।

गलाती 6:2

ख्‍यिराङ च्‍यिककी च्‍यिकला दुक्‍पा ख्‍येलुप पेला ख्रीष्‍टकी सुङ्‍गुप ठिमला वोतुप दोके च्‍यिककी च्‍यिकला दाल्‍जा किसा।

कलस्सी 1:23

तुक कितुपला वुतुङ के ख्‍यिराङ तेपाला येर मर माक्‍यानी नरी डेकला दे गोकिवी। तमा ख्‍यिरा थोवु लेन ल्‍यामुला रेवा क्‍यावु ति क्‍युर्नी माज्‍योक। ती लेन ल्‍यामु ति देवाच्‍येनकी वोक्‍ला वोतुप तेरी मीतिवाला ख्‍याप्‍टाक क्‍यावु यिन। ङ पावल साङ ती लेन ल्‍यामु ख्‍याप्‍टाक कितुप लावा च्‍युङ वे।

१ तिमोथी 2:15

यिने पुम्‍पेजातिवी येशूला तेपा कितुप ताङ ङ्‍यिङ्‍ज्‍ये कितुप ताङ टेङ्‍बुकी मिजी क्‍याङ्‍सुङ सिसिन आङा क्‍येप पेला कोन्‍छ्‍योककी तिवाला र्‍होकिवी।

१ तिमोथी 4:16

ख्‍योरो थोक्‍ला ताङ ख्‍योरो लोपुप येन्‍देनकी थोक्‍ला च्‍याङ्‍से क्‍यानी देता। ख्‍योरो नरी तुक क्‍यासिन ख्‍युरुङ ताङ ख्‍योरो ख्‍याप्‍टाक क्‍यावु सुङ ङ्‍येन्‍दुप मीतिवा साङ र्‍होकितो।

हिब्रू 12:15

नासाम तोङा, ख्‍यिराङ सु साङ कोन्‍छ्‍योक नेमा थोपुप कटिनला क्‍युर्नी मोज्‍योक्‍शिता, तमा सेमला लाका मेलोवा कितुप नासाम माज्‍योक। नासाम मेलोवा ज्‍याक्‍सिन तीकी मङ मङ फेल्‍नी मी बङीला मेटेङ्‍बु जेवी।

याकूब 2:12

ख्‍यिराङला रङ्‍ज्‍येन नङ्‍गुप कोन्‍छ्‍योककी ठिमला सुङ्‍गुप दोके ख्‍यिरा ताम्‍ङे लप्‍ताङ ताङ किताङ नालु ल्‍यामु की। मिसियाङ ती ठिमकी ख्‍यिराङला पर्च्या तोङ्‍गिवी।

१ पत्रुस 2:16

ख्‍यिराङ ति दिक्‍पी ओङ नेमा रङ्‍ज्‍येन थोप्‍नी वे, तुक क्‍यानी रङ्‍ज्‍येन वोतुप मीतिवा दोके मिजी क्‍योङ। रङ्‍ज्‍येन थोपुप तप्‍की ख्‍यिराङ ति काङ लाका मेलोवा क्‍यासिनाङ गिवी सिनी नासाम मातोङ, यिने कोन्‍छ्‍योकला शब्‍ज्‍यी कितुप योक्‍पु दोके च्‍युङ्‍नी मिजी क्‍योङ।

१ यूहन्‍ना 2:24

चुका ताम्‍ङे ति ख्‍यिरा थल्‍मा नेज्‍यु थोवे, ती ताम्‍ङे ति नरी ख्‍यिरा सेमला ज्‍योक। दोजो थल्‍मा नेज्‍यु हाक्‍कोवु ताम्‍ङे ति ख्‍यिरा सेमला ज्‍याक्‍सुङ सिसिन, पपा कोन्‍छ्‍योक ताङ खोकी सेवु येशू ख्रीष्‍टकी मुला ख्‍यिरा तम्‍जी ल्‍यामु लुकिवी।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 22:14

मिजीकी दोङ्‍बी डेलु थोपुप ताङ ग्‍येसाकी गे नाङ्‍ला शुकुप ओङ थोपुपला खोप्‍रे मज्‍या टुवु दोके क्‍यानी सेम टेङ्‍बु जोपतिवा मोलाम थोपुप यिनो।