याकूब 1:22 - कोन्छ्‌योककी सुङ

²² ख्‍यिराङ कोन्‍छ्‍योककी सुङला ङ्‍येन्‍दुप तिराङ क्‍यानी रङला जिनोकला मेख्‍येल्‍शी, यिने खोकी सुङला यु।

याकूब 1:22 Iomraidhean Croise

मत्ती 12:50

सु देवाच्‍येनला ज्‍यु वोतुप ङे पपी नोवाला युकिवे, तिवा राङ ङे नुप ताङ नुम ताङ आमा यिन।”

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

लूका 11:28

ती थोनी येशूकी सुङ्‍सुङ, “बोरु कोन्‍छ्‍योककी सुङ ङ्‍येन्‍नी ती सुङला युकुपतिवा के मोलाम थोपुप यिनो।”

यूहन्‍ना 13:17

ख्‍यिरा दी ताम्‍ङे हाक्‍कोनी ती दोके क्‍यासुङ सिसिन ख्‍यिराङला मोलाम थोप्‍किवी।

रोमी 2:13

च्‍यिलासिसिन ठिम ङ्‍येन्‍नी मीतिवा ति कोन्‍छ्‍योककी थोङ्‍दाङला टेङ्‍बु मेवी, यिने ती ठिमला युकुप मीतिवा ति कोन्‍छ्‍योककी थोङ्‍दाङला टेङ्‍बु गिवी।

१ कोरिन्‍थी 15:33

तुका जिनोक जोप मीतिवी ताम्‍ङेला ख्‍यिराङ माख्‍येल। “दाल्‍जा मेलोवातिवी दला शुसिन ख्‍यिरा किताङ नालु साङ मेलोवा डितो।”

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

१ कोरिन्‍थी 6:9

दुक्‍टा कितुप मीतिवा कोन्‍छ्‍योककी ग्‍येल्‍खापला लेप मुथुपी सिरुप ति ख्‍यिराङला छ्‍या मे? ल्‍यामु क्‍यानी हाक्‍कोवा की। छ्‍येवु छ्‍येमु कितुपतिवा, कुला छ्‍यो तोङ्‍गुपतिवा, शम्‍डेन कितुपतिवा, ख्‍योक्‍पेजा ख्‍योक्‍पेजी पर्ला राङ शम्‍डेन कितुपतिवा,

गलाती 6:3

दोजो मी ललाइकी खोरुङ ति काङ दोके मिन्‍सिनाङ खक्‍छ्‍येवु यिन सिनी नोकिवी सिसिन तीकी खुरुङला राङ जिनोक जोवु यिन।

गलाती 6:7

ख्‍योरो रङला राङ जिनोक माजो। कोन्‍छ्‍योकला सी साङ मारे तोङ्‍गुप मेङ्‍गिवी। च्‍यिलासिसिन मी काङ चु वे, तिराङ ङकिवी।

फिलिप्पी 4:8

तेरी सिनाङ तिङ्‍ला अच्‍युनुपतिवा, चुका ताम्‍ङे ति टेङ्‍बु नोके, चुका ताम्‍ङेला ताङ्‍देन कि गोवु नोके, चुका ताम्‍ङे टेके नोके, चुका ताम्‍ङे ति क्‍येन मेतुप नोके, चुका ताम्‍ङे ति ङ्‍यिङ्‍ज्‍येवु नोके, चुका ताम्‍ङे ति चिताङ कि गोवु नोके, तीला राङ नासाम तोङ। दोजो ललाइ छ्‍ये ताङ टेन छ्‍योवु वोसिन ती ताम्‍ङे ति ल्‍यामु नासाम तोङा।

कलस्सी 3:17

तमा ख्‍यिरा ताम्‍ङे ताङ लाका काङ क्‍यासिनाङ चोवो येशूकी मिङला किसा। खो नेसुर राङ पपा कोन्‍छ्‍योकला थुचिछे पुल।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

याकूब 1:26

दोजो सी ङ कोन्‍छ्‍योककी थोङ्‍दाङला टेङ्‍बु वे सिनी सिवी, यिने खोरो ख ति डेकला मोज्‍योकिवी सिसिन तीकी खोरो राङ खुरुङला जिनोकला ख्‍येलुप यिन। तमा तीकी कोन्‍छ्‍योककी थोङ्‍दाङला क्‍यावु टेङ्‍बुकी लाका ति तेर्मे यिन।

याकूब 4:11

ओ अच्‍युनुपतिवा, ख्‍यिराङ च्‍यिक ताङ च्‍यिककी तेन्‍दोकला ताम्‍ङे मेलोवा माकी। सी खोरो नुपकी तेन्‍दोकला ताम्‍ङे मेलोवा क्‍यानी क्‍येन तेर्किवे, तीकी कोन्‍छ्‍योककी नङ्‍गुप ठिमकी तेन्‍दोकला ताम्‍ङे मेलोवा कितुप ताङ क्‍येन तेरुप यिन। ख्‍यिरा ठिमकी तेन्‍दोकला क्‍येन बिन्‍सिन कोन्‍छ्‍योककी ठिमला सुङ्‍गुप दोके मिजी क्‍योङ्‍गुप मिन, ठिमकी तेन्‍दोकला क्‍येन बिन्‍दुप यिन।

याकूब 4:17

ती तप्‍की चुका मी तीकी लाका ल्‍यामु कि गोकिवी सिरुप छ्‍या वोसिनाङ मिकिवी सिसिन, तीकी दिक्‍पा क्‍यावु यिन।

२ पत्रुस 2:13

तिवी दुक्‍टा क्‍यावु तप्‍की तिवी छ्‍येर्पा ति खोप्‍रे राङ खुर गोकिवी। तिवा ङ्‍यिमी गुङला छ्‍याङ आराक थुनी देतुप ति गा किवी, तिवा ङोछा मेतुप ताङ ताङ्‍देन कि मोछ्‍योवु मी यिन। तिवी ख्‍यिराङ मुला राङ देनी साप ताङ थुङ्‍गुप पेला साङ नरी जिनोक जोप तिराङ गा किवी।

१ यूहन्‍ना 1:8

दोजो दाक्‍पी ङला याङ दिक्‍पा राङ मे सिवी सिसिन, दाक्‍पी दाक्‍पुला राङ जिनोक जोवु दोके यिन। तमा दाक्‍पी सेमला टेङ्‍बु मेतुप यिन।

१ यूहन्‍ना 2:3

दाक्‍पु कोन्‍छ्‍योककी क नङ्‍गुप सुङला युसुङ सिसिन दाक्‍पी खोला ङो शेवु यिन सिनी हाक्‍कोकिवी।

१ यूहन्‍ना 3:7

ङे ङ्‍यिङ्‍ज्‍येवु आङातिवा, ख्‍यिराङला सी साङ जिनोक मोजोशी। सी लाका टेङ्‍बु किवे, ती ति ख्रीष्‍ट टेङ्‍बु वोतुप दोके टेङ्‍बु यिन।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”