याकूब 1:21 - कोन्छ्‌योककी सुङ

²¹ तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

याकूब 1:21 Iomraidhean Croise

मत्ती 5:5

मोलाम थोपुप यिनो, सेम बोल्‍मु वोतुपतिवा, च्‍यिलासिसिन कोन्‍छ्‍योककी तिवाला जम्‍बुलिङ ति तिवी ति यिन सिनी नङ्‍गितो।

यूहन्‍ना 6:63

नाम्‍साङ मिशिवु मिजी नङ्‍गुप ति कोन्‍छ्‍योककी थु चाङ्‍मा यिन, तमा जु ति काङ साङ फेन मोथोवी। ङे ख्‍यिराङला सिक्‍यावु दी ताम्‍ङे ति कोन्‍छ्‍योककी थु चाङ्‍मा ताङ नाम्‍साङ मिशिवु मिजीकी कोर्ला यिन।

यूहन्‍ना 6:68

खोकी तुक सुङ्‍सिमा सिमोन पत्रुस तीकी “ओ चोवो, चोवोकी मुला याङ नाम्‍साङ मिशिवु मिजी तेरुप सुङ वे। तुक क्‍यानी ङ्‍यिराङ सी चाला डोप्‍जा?

लोमा छ्‍येतिवी लाका 10:33

ती तप्‍की ख्‍युरुङला ङे शार्क्येक कतोङ तङ्‍गुप यिन। तमा ख्‍युरुङ साङ दे फेप्‍सुङ। त याङ कोन्‍छ्‍योककी ख्‍युरुङला क नङ्‍गुप तेरी ताम्‍ङेतिवा ङ्‍येन्‍दुपला ङ्‍यिराङ तेरी कोन्‍छ्‍योककी थोङ्‍दाङला जोम वे।”

लोमा छ्‍येतिवी लाका 13:26

ओ अब्राहामकी गिपा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, दी दिक्‍पा ने थरुप लेन ल्‍यामु ति कोन्‍छ्‍योककी दाक्‍पी पर्ला राङ ताङ वे।

रोमी 1:16

ङ लेन ल्‍यामु ख्‍याप्‍टाक कितुपला सुला साङ ङोछा मिकी, च्‍यिलासिसिन कोन्‍छ्‍योककी लेन ल्‍यामु ति तेपा कितुपतिवा तेरीला दिक्‍पा ने थर ज्‍यितुप कोन्‍छ्‍योककी ओङ यिन। गोमाला यहूदीतिवी थोक्‍ला, तमा ज्‍युक्‍ला ति यहूदी मिन्‍दुप मिरिक यम्‍बाकी मीतिवी थोक्‍ला साङ यिन।

रोमी 11:17

दोजो नाठुङ वुङगी जैतुन दोङ्‍बी येल्‍का च्‍येनी वुतुङ्‍की जैतुन दोङ्‍बी येल्‍का च्‍येतुप दासाला थिसुङ सिसिन ती नाठुङ वुङगी जैतुन दोङ्‍बी येल्‍काला ख्‍वो वानी डेलु गोर्किवी।

रोमी 6:17

यिने कोन्‍छ्‍योकला थुचिछे बुल गोकिवी, च्‍यिलासिसिन तोङ्‍ला ख्‍यिराङ थेङ्‍मा यी दिक्‍पाकी योक्‍पु च्‍युङ्‍नी वे, यिने त याङ ङ्‍यिरा ख्‍यिराङला कोन्‍छ्‍योककी कोर्ला नङ्‍गुप येन्‍देन ति टेङ्‍बु नोक सिनी ख्‍यिरा सेमगी दिङ नेज्‍युनी ङ्‍येन्‍दुप तप्‍की

१ कोरिन्‍थी 15:2

ख्‍यिरा ङे ख्‍याप्‍टाक क्‍यावु लेन ल्‍यामुकी सुङला तेपा क्‍यासिन ख्‍यिराङ दिक्‍पा ने थर्किवी, यिने तेपा रम्‍बु क्‍यानी मादेसुङ सिसिन ख्‍यिरा क्‍यावु तेपा ति तेर्मेला डिवी।

२ कोरिन्थी 7:1

तुक क्‍यानी ङे ङ्‍यिङ्‍ज्‍येवु अच्‍युनुपतिवा, कोन्‍छ्‍योककी दाक्‍पुला ती ताम्‍ङेतिवा थाक्‍छ्‍येन नङ्‍गुप तप्‍की दाक्‍पी जु ताङ सेम मेचेङ्‍गा जोप तेरी परकी ताम्‍ङे मेटेङ्‍बु नेसुर कुतुक देतुप। तमा कोन्‍छ्‍योकला ताङ्‍देन क्‍यानी वुतुङ के चाङ्‍मा वोतुप मिजी क्‍योङ्‍गुप।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

एफिसी 4:25

तुक क्‍यानी ख्‍यिराङ जिनोक जोप क्‍युर्नी रङगी मीतिवी मुला ताम्‍ङे टेङ्‍बु लोप। च्‍यिलासिसिन दाक्‍पु तेरी जु च्‍यिककी येन्‍लकतिवा यिन।

एफिसी 5:4

ताम्‍ङे चोताम लपुप ताङ अम्‍बारङ्‍शिङ कितुप ताङ ख्‍येप्‍साङ मेवु ताम्‍ङे ति क्‍युर, बोरु कोन्‍छ्‌योकला थुचिछे पुल।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

तीतस 2:11

च्‍यिलासिसिन कोन्‍छ्‍योककी तेरी मीतिवाला दिक्‍पा ने थर ज्‍यितुपला कटिन नङ वे।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

हिब्रू 2:3

दाक्‍पी तुका थर्वा ग्‍येर्पुला साङ ङ्‍याम माक्‍यासुङ सिसिन मङ चुक क्‍यानी ती पर्च्या नेसुर पिशोर थुप्‍किवी रो? दी थर्वा ति गोमाला चोवो येशूकी राङ ख्‍याप्‍टाक क्‍या नाङ्‍सुङ। खोकी ख्‍याप्‍टाक क्‍या नङ्‍गुप सुङ ङ्‍येन्‍दुपतिवी राङ ती सुङ ति टेङ्‍बु यिन सिनी ङ्‍यिराङला पङ्‍बु बिन्‍सुङ।

हिब्रू 4:2

दाक्‍पी हङ्‍गावातिवाला दोके दाक्‍पुला साङ लेन ल्‍यामु सिक्‍यानी वे। यिने तिवाला सिक्‍यावु सुङ ति तेर्मेला गाल वे। च्‍यिलासिसिन तिवी ती लेन ल्‍यामु थोसिनाङ तेपा माक्‍या।

याकूब 4:8

तमा ख्‍यिराङ कोन्‍छ्‍योककी चिप्‍ला ग्‍युक, तुक क्‍यासिन खो ख्‍यिरा चिप्‍ला फेप्‍किवी। ओ दिक्‍छेनतिवा, ख्‍यिराङ दिक्‍पा कितुप क्‍युर। ओ सेम नटेकोटे वोतुप टेङ, ख्‍यिराङ सेम टेङ्‍बु क्‍यानी यु।

याकूब 5:20

दी ताम्‍ङे ति हाक्‍कोवा की, दोजो ललाइकी दिक्‍छेन मिरा च्‍यिकला लाम मेटेङ्‍बुला युकुप नेसुर लोक्‍नी टि वासुङ सिसिन, ती दिक्‍छेन तीला शेप ने र्‍होकिवी, तमा तीकी क्‍यावु दिक्‍पातिवा साङ माफ ङ्‍येकिवी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 1:9

च्‍यिलासिसिन ख्‍यिरा खोला तेपा क्‍यावु तप्‍की खोकी ख्‍यिराङला दिक्‍पा ने थर च्‍यिनी नाम्‍साङ मिशिवु मिजी नङ्‍गिवी।

१ पत्रुस 2:1

तुक क्‍यानी ख्‍यिराङ लाका दुक्‍टा कितुप ताङ जिनोक जोप ताङ खोनक्‍पु कितुप ताङ ठतोक ङर्केल कितुप ताङ मीला मारे तोङ्‍गुप ताम्‍ङे तेरी क्‍युर।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।